جاڭا حابارلار

شي جينپيڭ چاۋشيان ەڭبەك پارتياسى ورتالىق كوميتەتىنىڭ باستىعى كيم جوڭ - ۇنمەن كەڭەس وتكىزدى

    كەلۋ قاينارى: شينجياڭ گازەتى    2018-06-21 16:26:42  

 لي كىچياڭ، ۋاڭ حۋنيڭ، ۋاڭ چيشان قاتىستى قيمىلدارعا قاتىناستى 
 


6 - ايدىڭ 19 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەملەكەتتىك ساپاردا بولۋ ءۇشىن سول كۇنى بەيجيڭگە كەلگەن چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن كەڭەس وتكىزدى. سۋرەتتە: كەڭەستەن بۇرىن، باس شۋجي شي جينپيڭنىڭ حالىق سارايىنىڭ سولتۇستىك ۇلكەن زالىندا كوميتەت باستىعى كيم جوڭ - ۇنگە ارناپ وتكىزگەن قارسى الۋ ءراسىمى. سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
 

 


شينحۋا اگەنتتىگىنىڭ 6 - ايدىڭ 19 - كۇنى بەيجيڭنەن بەرگەن حابارى (ءتىلشى لي جۇڭفا). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 6 - ايدىڭ 19 - كۇنى جۇڭگودا مەملەكەتتىك ساپاردا بولۋ ءۇشىن سول كۇنى بەيجيڭگە كەلگەن چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن كەڭەس وتكىزدى. ەكى ەل باسشىلارى كەزەكتەگى جۇڭگو - چاۋشيان قارىم - قاتىناسىنىڭ دامۋى جانە چاۋشيان تۇبەگىنىڭ جاعدايى جونىندە رياسىز، ىشكەرىلەي پىكىر اۋىستىرىپ، ءبىر اۋىزدان بىلاي دەستى: جۇڭگو - چاۋشيان قارىم - قاتىناسىن ويداعىداي قورعاپ، ويداعىداي بەكەمدەپ، ويداعىداي دامىتىپ، چاۋشيان تۇبەگىنىڭ بەيبىتشىلىگى مەن ورنىقتىلىعىندا ءدوپ كەلگەن تاماشا بەتالىستى العا دامىتۋدى بىرلەسە ىلگەرىلەتىپ، الەمنىڭ جانە ءوڭىردىڭ بەيبتىشىلىگى مەن ورنىقتىلىعىن، گۇلدەنۋى مەن دامۋىن قورعاۋ ءۇشىن بەلسەنە ۇلەس قوسۋ كەرەك. 

 شي جينپيڭ مىنالاردى اتاپ كورسەتتى: ءبىز كوميتەت باستىعى كيم جوڭ - ۇن جولداستىڭ ترامپ زۇڭتۇڭمەن سينگاپۋردا ماڭىزدى كەزدەسۋ وتكىزىپ، تۇبەكتى يادروسىزداندىرۋ، تۇبەكتىڭ باياندى بەيبىتشىلىك مەحانيزمىن ورناتۋ جونىندە پرينسيپتىك ورتاق تانىمعا كەلىسىپ، بەلسەندى جەتىستىككە قول جەتكىزگەندىگىن قۋانىشپەن كورىپ وتىرمىز، جۇڭگو بۇنى جوعارى باعالايدى. كوميتەت باستىعى كيم جوڭ - ۇن جولداستىڭ ارنايى ساپارمەن جۇڭگوعا كەلۋى جۇڭگو مەن چاۋشيان ەكى پارتياسىنىڭ، ەكى ەلدىڭ ستراتەگيالىق پىكىرلەسۋىنە ايرىقشا ءمان بەرەتىنىن ايگىلەدى، مەن بۇنى جوعارى باعالايمىن.   شي جينپيڭ مىنالاردى باسا دارىپتەدى: 3 ايعا جەتپەيتىن ۋاقىت ىشىندە، كوميتەت باستىعى جولداس ەكەۋىمىز 3 مارتە كەزدەسۋ وتكىزىپ، ەكى پارتيا، ەكى ەل قارىم - قاتىناسىنىڭ دامۋىنا ايقىن باعىت كورسەتىپ، جۇڭگو - چاۋشيان قارىم - قاتىناسى دامۋىنىڭ تىڭ پاراعىن اشتىق. جۇڭگونىڭ پارتياسى مەن ۇكىمەتى جۇڭگو - چاۋشيان دوستىق ىنتىماقتاستىق قارىم - قاتىناسىنا ايرىقشا ءمان بەرەدى، حالىقارالىق جانە وڭىرلىك جاعداي قالاي وزگەرسە دە، جۇڭگونىڭ پارتياسى مەن ۇكىمەتىنىڭ جۇڭگو - چاۋشيان قارىم - قاتىناسىن بەكەمدەيتىن، دامىتاتىن بەرىك تۇرعىسى وزگەرمەيدى، جۇڭگو حالقىنىڭ چاۋشيان حالقىنا دەگەن دوستىق سۇيىسپەنشىلىگى وزگەرمەيدى، جۇڭگونىڭ سوتسياليستىك چاۋشياندى قولداۋى وزگەرمەيدى. مەن كوميتەت باستىعى جولداسپەن بىرگە تاراپتار كەلىسكەن ماڭىزدى ورتاق تانىمداردى ويداعىداي تياناقتاندىرۋدى جالعاستىرىپ، جۇڭگو - چاۋشيان قارىم - قاتىناسىنىڭ ۇزاق ۋاقىت اقاۋسىز، ورنىقتى دامۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن. 

 شي جينپيڭ مىنالاردى اتاپ كورسەتتى: بيىل جۇڭگونىڭ رەفورما جاساپ، ەسىك اشقاندىعىنىڭ 40 جىلدىعى. رەفورما جاساپ، ەسىك اشقاننان بەرى، جۇڭگو حالقى مەملەكەت جاعدايىن تياناق ەتىپ، دۇنيە جۇزىنە كوز تاستاپ، باتىلدىقپەن ءوز - وزىنە توڭكەرىس جۇرگىزىپ، ءوز - وزىنە وزگەرىس جاساپ، ىزدەنۋ ارقىلى ءوز مەملەكەت جاعدايىنا ۇيلەسەتىن دامۋ جولىن تاپتى. ءبىز چاۋشياننىڭ قىزمەت سالماعىن ەكونوميكالىق قۇرىلىسقا اۋدارۋ جونىندە ماڭىزدى شەشىم جاساعاندىعىن، چاۋشياننىڭ سوتسياليزم ىستەرىنىڭ دامۋى جاڭا تاريحي كەزەڭگە وتكەندىگىن قۋانىشپەن كورىپ وتىرمىز. ءبىز چاۋشياننىڭ ەكونوميكانى دامىتۋىن، حالىق تۇرمىسىن جاقسارتۋىن قولدايمىز، چاۋشياننىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايمىز.  

 كيم جوڭ - ۇن باس شۋجي شي جينپيڭمەن كوپ وتپەي تاعى كەزدەسكەنى ءۇشىن ايرىقشا قۋانىشتى ەكەندىگىن ءبىلدىردى. ول مىنالاردى باسا دارىپتەدى: جۇڭگو − ءبىزدىڭ ۇلى دوس كورشىمىز، باس شۋجي شي جينپيڭ جولداس − ءبىز ايرىقشا قۇرمەتتەيتىن جانە سەنەتىن ۇلى باسشى. باس شۋجي شي جينپيڭ جولداستىڭ جانە جۇڭگونىڭ پارتياسىنىڭ، ۇكىمەتىنىڭ، حالقىنىڭ ماعان جانە چاۋشياننىڭ پارتياسىنا، ۇكىمەتىنە، حالقىنا دەگەن ەجەلدەن بەرگى شىنايى دوستىق سۇيىسپەنشىلىگىنە جانە قۇندى قولداۋىنا العىس ايتامىن. مەن ەڭبەك پارتياسىنىڭ بارلىق مۇشەلەرىن جانە بارشا چاۋشيان حالقىن باستاپ، باس شۋجي جولداس ەكەۋىمىز كەلىسكەن ماڭىزدى ورتاق تانىمدى مۇقيات، ويداعىداي تياناقتاندىرىپ، چاۋشيان مەن جۇڭگونىڭ مىزعىماس قارىم - قاتىناسىن جاڭا دەڭگەيگە كوتەرەمىن. 

 شي جينپيڭ مىنالاردى اتاپ كورسەتتى: ءبىر مەزگىلدەن بەرى، قاتىستى جاقتاردىڭ بىرگە قۇلشىنۋىندا، تۇبەك ماسەلەسى ديالوگ - كەڭەسپەن شەشۋدىڭ دۇرىس ارناسىنا قايتا ورالىپ، تۇبەك جاعدايى بەيبىت، ورنىقتى بولۋ باعىتىنا قاراي دامۋدا. كوميتەت باستىعى كيم جوڭ - ۇن جولداس تۇبەكتى يادروسىزداندىرۋدى جۇزەگە اسىرۋ، تۇبەكتىڭ بەيبىتشىلىگىن قورعاۋ ءۇشىن بەلسەندى قۇلشىنىس جاسادى. چاۋشيان مەن ا ق ش - تىڭ مەملەكەت باسشىلارى بۇل رەت كەزدەسۋ وتكىزىپ، تۇبەكتىڭ يادرو ماسەلەسىن ساياسي جولمەن شەشۋ ۇدەرىسىندە ماڭىزدى قادام تاستادى. چاۋشيان مەن ا ق ش ەكى جاعىنىڭ مەملەكەت باسشىلار كەزدەسۋىنىڭ جەمىستەرىن ويداعىداي تياناقتاندىرۋىن، قاتىستى جاقتاردىڭ بىرىككەن كۇش قالىپتاستىرىپ، تۇبەكتىڭ بەيبىتشىلىك ۇدەرىسىن بىرگە ىلگەرىلەتۋىن ءۇمىت ەتەمىن. جۇڭگو بۇل جاعىندا بۇرىنعىسىنداي بەلسەندى رول اتقارا بەرەدى.  

 كيم جوڭ - ۇن بىلاي دەدى: جۋىقتا وتكىزىلگەن چاۋشيان مەن ا ق ش مەملەكەت باسشىلارىنىڭ كەزدەسۋى ءار جاقتىڭ مۇددەسىنە جانە حالىقارالىق قوعامىنىڭ تىلەگىنە ۇيلەسەتىن بەلسەندى جەتىستىككە قول جەتكىزدى. ەگەر ەكى جاق مەملەكەت باسشىلارى كەزدەسۋىندەگى ورتاق تانىمدى ءبىر - بىرلەپ تىڭعىلىقتى تياناقتاندىرسا، چاۋشيان تۇبەگىن يادروسىزداندىرۋدا جاڭا، ماڭىزدى جاعداي اشىلادى. چاۋشيان جۇڭگونىڭ تۇبەكتى يادروسىزداندىرۋدى ىلگەرىلەتۋ، تۇبەكتىڭ بەيبىتشىلىگى مەن ورنىقتىلىعىن قورعاۋ جاعىندا اتقارعان ماڭىزدى رولىنا العىس ايتادى جانە ونى جوعارى باعالايدى، جۇڭگومەن جانە قاتىستى جاقتارمەن بىرگە چاۋشيان تۇبەگىنىڭ باياندى، مىعىم بەيبىتشىلىك مەحانيزمىن ورناتۋدى ىلگەرىلەتىپ، چاۋشيان تۇبەگىنىڭ باياندى بەيبىتشىلىگىن جۇزەگە اسىرۋ ءۇشىن بىرگە قۇلشىنۋدى ءۇمىت ەتەدى.  كەڭەستەن بۇرىن، باس شۋجي شي جينپيڭ حالىق سارايىنىڭ سولتۇستىك ۇلكەن زالىندا كوميتەت باستىعى كيم جوڭ - ۇندى قارسى الۋ سالتىن وتكىزدى.  

 كەڭەستەن كەيىن، شي جينپيڭ مەن حانىمى پىڭ لييۋان كيم جوڭ - ۇن مەن حانىمى ري سول - جۋعا قارسى الۋ قوناعاسىن بەردى جانە بىرگە كونسەرت تاماشالادى.  

 ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، مەملەكەتتىڭ ورىنباسار ءتوراعاسى ۋاڭ چيشان، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەت كوميتەتى كەڭسەسىنىڭ مەڭگەرۋشىسى ياڭ جيەچى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق ساياسي - زاڭ كوميتەتىنىڭ شۋجيى گو شىڭكۇن، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ، ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، ت.ب قاتىستى قيمىلدارعا قاتىناستى. 

  چاۋشيان ەڭبەك پارتياسى ورتالىق كوميتەتىنىڭ ورىنباسار باستىعى چوي ريوڭ - حاي، بيىلىك كەڭسەسىنىڭ زۇڭليى پاك بوڭ - جۋ، ورتالىق كوميتەتتىڭ ورىنباسار باستىعى، حالىقارالىق ءبولىمىنىڭ باستىعى ري سۋ - يوڭ، ورتالىق كوميتەتتىڭ ورىنباسار باستىعى، بىرلىكساپ ءبولىمىنىڭ باستىعى كيم يوڭ - چول، ورتالىق كوميتەتتىڭ ورىنباسار باستىعى، عىلىم - تەحنيكا، وقۋ - اعارتۋ ءبولىمىنىڭ باستىعى پاك تەي - سوڭ، حالىق قارۋلى كۇشتەرىنىڭ مينيسترى نو كۋاڭ - چول، سىرتقى ىستەر مينيسترى ري يوڭ - حو، ت.ب قاتىستى قيمىلدارعا قاتىناستى.


بەرىپ كەت ورامالىڭدى

دوستار

الىستاعى اق ەركە