جاڭا حابارلار

ازاماتتىق اۆياتسيا قۇرىلىسى: «شينجياڭدى اۋە تاكسيىمەن» ارالاۋ ىسكە استى

    كەلۋ قاينارى: شينجياڭ گازەتى    2018-06-23 22:13:52  

ءتىلشىمىز ما ينيڭ

6 - ايدىڭ 9 - كۇنى ءۇرىمجى ديوپۋ حالىقارالىق اۋەجايىنان ءبىر كورىنىس.

 سۋرەتتى ءتىلشىمىز جوۋ پىڭ تۇسىرگەن

 رەفورما جاساپ، ەسىك اشقان 40 جىل شينجياڭنىڭ ازاماتتىق اۆياتسياسى قاۋىرت دامىعان 40 جىل بولدى. 1978 - جىلى شينجياڭ اۆياتسيا سەرىكتەستىگى شينجياڭنىڭ اۆياتسيا بازارىندا جالعىز ءوزى «گۇلدەي جايناسا»، بۇگىنگى كۇندە 49 اۆياتسيا سەرىكتەستىگى شەشەك اتتى، شينجياڭنىڭ ازاماتتىق اۆياتسيا ىستەرى ءزاۋ بيىككە قۇلاش سەرمەپ، اۋە جەلىلەرى شار تاراپقا قانات جايدى، شينجياڭ ەندىگارى «الىس اۋىل» بولۋدان قالدى.
  اۋە جەلىلەرى تىعىز تورلاستى
  ازاماتتىق اۆياتسيانىڭ 78 جاستاعى زەينەتكەر جۇمىسشىسى گو ليكۇي 36 جىلدا جاساعان، جيناعان 34 العاشقى ۇشۋ كونۆەرتىندە شينجياڭ ازاماتتىق اۆياتسياسىنىڭ دامۋى ەستەلىككە الىنعان: 1979 - جىلى 6 - ايدىڭ 7 - كۇنى، ءۇرىمجى - كورلا - چەرچەن باعىتى بويىنشا العاش ۇشاق ۇشتى؛ 1986 - جىلى 7 - ايدىڭ 18 - كۇنى ءۇرىمجى - گۋاڭجوۋ اۋە جەلىسىندە العاش ۇشاق ۇشتى... «1978 - جىلى شينجياڭنىڭ اۆياتسيا بازارىندا جۇمىس جۇرەگىزەتىن اۆياتسيا سەرىكتەستىگى بىرەۋ عانا ەدى، ءۇرىمجى اۋەجايى ناقتى تۇردە شينجياڭ ىشىندەگى 8 اۋە جەلىسىندە جۇمىس جۇرگىزەتىن. ءاربىر اۋە جەلىسىندە العاشقى ۇشۋدىڭ ءساتتى بولۋى اۆياتسيا سەرىكتەستىگى ءۇشىن توتەنشە ماڭىزدى مانگە يە بولاتىن». گو ليكۇي تىلشىگە العاشقى ۇشۋ كونۆەرتتەرىن كورسەتكەندە وسىنى ايتتى.
  وتكەن جىلى 9 - ايدىڭ 13 - كۇنى ءۇرىمجى−شي - ان−لحاسا اۋە جەلىسىندە العاشقى ۇشۋدىڭ ىسكە اسىرىلۋىنا بايلانىستى، شينجياڭ ەل ىشىندەگى ولكە ورتالىقتارىن اۋە جەلىلەرىمەن تولىق قامتۋدى ىسكە اسىردى.
  2017 - جىلى بۇكىل شينجياڭنىڭ ساياحاتشىلار وتكەرىمى 30 ميلليون ادام - رەتتەن استى، شينجياڭنىڭ اۆياتسيا بازارىندا جۇمىس جۇرگىزەتىن اۆياتسيا سەرىكتەستىكتەرى 49عا، اۆياتسيا جەلىسى 257گە جەتتى. قازىرگە دەيىن 17 مەملەكەت، 24 حالىقارالىق (وڭىرلىك) قالا، ەل ىشىندەگى 73 قالا ءۇرىمجى اۋەجايىمەن ۇشاق بايلانىسىن ورناتتى.
  جاڭادان اشىلعان اۆياتسيا جەلىلەرىندە شينجياڭنىڭ ساياحات ىستىق نۇكتەلى قالالارىنان ىشكى ولكەلەردەگى قالالارعا توتە ۇشاتىن كەزەكشى ۇشاقتار دا، شينجياڭنىڭ ىشىندەگى ساياحات بايلىعى شوعىرلانعان قالالار اراسىنداعى اينالما جەلى دە بار، 2018 - جىلى العاشقى توقساندا، تاعى دا 2 اۆياتسيا سەرىكتەستىگى تارماق جەلىلى اۋەجايدى وپەراتسيالىق بازا رەتىندە تاڭداپ الدى ءارى تارماق جەلىلەردى دانەكەر ءتۇيىن ەتكەن شينجياڭ ىشىندەگى اۆياتسيا جەلىلەرىن كۇش سالا قالىپتاستىردى.
  قازىر شينجياڭدا ۇرىمجىگە قونباستان شينجياڭنان باسقا جەرلەرگە توتە ۇشاتىن 46 اۋە جەلىسى، تارماق جەلىلى اۋەجايلار اراسىندا ءوزارا ۇشاتىن 29 اۋە جەلىسى بار، وڭىرلىك اۆياتسيانىڭ جەتكىزىمدىلىگى اناعۇرلىم نىعايىپ، شينجياڭ ىشىندەگى بۇقارانىڭ سىرتقا شىعۋداعى تاڭداۋى ونان ارى بايىدى جانە شينجياڭنىڭ كەڭ ساياحات كەڭىستىگىن اشتى.
  اۋەجايلار «قاز - قاتار ساپ تۇزەدى» 
 3 - ايدىڭ 29 - كۇنى 17 ساعات 40 مينۋتتا، جۇڭگو وڭتۇستىك اۆياتسيا سەرىكتەستىگىنىڭ ءۇرىمجى - كورلا - چارقىلىق باعىتىندا تۇڭعىش قاتىناعان CZ6679 كەزەكشى ۇشاعى چارقىلىق كروران اۋەجايىنا قوندى، بۇل شينجياڭنىڭ 20 - اۋەجايى − چارقىلىق كروران اۋەجايىندا رەسمي ۇشاق قاتىناعانىنىڭ بەلگىسى.
  «مەن ءار جولى چارقىلىققا بارۋ ءۇشىن الدىمەن ۇشاقپەن كورلاعا بارىپ، ونان كورلادان اۆتوموبيلگە وتىرىپ چارقىلىققا باراتىنمىن، بۇرىن از دەگەندە 10 نەشە ساعات جۇرەتىنبىز، قازىر 2 ساعاتتا جەتىپ بارامىز، بۇل وتە قولايلى بولدى»، - دەدى ۇشاق قاتىناعان كۇنى جولاۋشى داي چىن ءوزىنىڭ شىنايى اسەرىمەن ءبولىسىپ.
  شينجياڭنىڭ اۋەجايلار تورى ۇزدىكسىز كەمەلدەنۋدە. شىحىزى، كوكتوعاي، ياركەن اۋەجەيلارىنىڭ قۇرىلىسى اياقتاپ، ىركەس - تىركەس ۇشاق قاتىناسا، تۇمسىق اۋەجايى قۇرىلىس باستادى، بۇكىل رايونداعى اۋەجايلاردىڭ تىعىزىدىعى «12 - بەسجىلدىقتىڭ» العاشقى كەزىندەگى ءار 100 مىڭ شارشى كيلومەترگە 0.96دان قازىرگى 1.20عا كوبەيدى؛ كەريا، تاشقورعان، حىجيڭ بايىنبۇلاق، قوبىقسارى، باركول، شىعىس جوڭعار سياقتى اۋەجايلار سالىناتىن ورىن ازاماتتىق اۆياتسيا مەكەمەسىنىڭ بەكىتۋىنەن ءوتتى.
  قازىر شينجياڭ بۇكىل ەل بويىنشا ازاماتتىق اۆياتسيا اۋەجايلارى ەڭ كوپ ولكە، رايون بولىپ دامىدى، بۇكىل شينجياڭدا جولاۋشى تاسىمالى ميلليون ادامنان (رەت) اساتىن تارماق اۋەجايلار 5كە جەتتى. وسىزاماندانعان اۋەجايلار «قاز - قاتار ساپ تۇزەپ»، تيانشاننىڭ تۇستىگى مەن تەرىستىگىن تىعىز جالعاستىردى.
  ءۇرىمجى حالىقارالىق اۋەجايىنىڭ سولتۇستىك رايونىن كەڭەيتۋ قۇرىلىسى بيىل جاپپاي جۇمىس باستايدى، ونىڭ قۇرىلىسى اياقتاعان سوڭ، اۋەجايدىڭ ۇشۋ رايونىنىڭ دارەجە كورسەتكىشى 4Fكە جەتىپ، ايربۋس A380 جانە سول دارەجەلەس ۇشاق تۇرپاتتارىنىڭ تولىق جۇكتەمەمەن ۇشىپ - قونۋىن قاناعاتتاندىرا الادى.
  «13 - بەسجىلدىق» كەزىندە، شينجياڭنىڭ ازاماتتىق اۆياتسيا باسقارۋ مەكەمەسى تاسىمال اۋەجايىنان 16نى جاڭادان سالۋدى نەمەسە كەڭەيتىپ سالۋدى جوسپارلاپ، جالپىلىق اۆياتسيالىق اۋەجايلار قۇرىلىسىن ورنىقتى تۇردە ىلگەرىلەتىپ، ورنالاسۋى ۇيلەسىمدى، فۋنكتسيالارى كەمەلدى، قامتاماسىز ەتىلۋى پارمەندى «توراپ − تارماق جەلى − جالپىلىق اۆياتسيا» 3 دارەجەلى اۋەجايلار جۇيەسىن بىرتىندەپ قالىپتاستىرادى.
  «اۋەدەگى جىبەك جولىن» ىركىلىسسىزدەندىردى
  بىلتىر شينجياڭنىڭ ازاماتتىق اۆياتسياسىنىڭ دامۋىندا جارقىن تۇيىندەر جيى كورىنىس بەردى: 7 - ايدىڭ 30 - كۇنى ءۇرىمجى ديوپۋ حالىقارالىق اۋەجايىندا 557 رەت كەزەكشى ۇشاق ۇشىپ - قونىپ، ءبىر ۇشۋ جولىندا ۇشىپ - قونۋدىڭ تاريحي جاڭا رەكوردىن ورناتتى؛ بوين - 787 تۇڭعىش رەت ەلىمىزدىڭ باتىس سولتۇستىك وڭىرىنە تىركەلىپ، بەيجيڭ، شاڭحاي، قاشقار سياقتى شينجياڭنىڭ ءىشى - سىرتىنا ۇشاتىن اۋە جەلىلەرىندە ۇشا باستاپ، وڭتۇستىك اۆياتسيا سەرىكتەستىگىنىڭ شينجياڭداعى ۇشاق قاتىناۋدىڭ قاۋىرت مەزگىلىندەگى نەگىزگى ۇشاق تۇرپاتىنا اينالدى؛ جازعى دەمالىس كەزىندە ءۇرىمجى حالىقارالىق اۋەجايىنا ەڭ ۇلكەن كەڭفيۋزەلياجدى ۇشاق بوين777-300ER ۇشاعى كەلىپ قوندى...
  قازىرگى تاڭدا، اۋە جەلىسى تورى قۇرىلىسىندا، «رايون ىشىندە تور، رايون سىرتىندا شىعىس - باتىس باعىتتا جەلپۋىش ءپىشىن قالىپتاستىرۋ» سىندى اۋە جەلى تورى ۇزدىكسىز كەمەلدەنىپ كەلەدى. ازيا - ەۆروپانىڭ قاتىناس كارتاسىنان تىعىز اۋە جەلىلەرىنىڭ ءۇرىمجىنى ورتالىق ەتىپ، شىعىس پەن باتىس 2 باعىتقا قاراي كوبەلەكتىڭ قاناتىنداي قانات جايعانىن بايقاۋعا بولادى − شىعىستا ەلىمىزدىڭ ورتا، شىعىس وڭىرلەرىمەن، باتىستا ورتا ازيامەن، ارىسى ەۆروپامەن جالعاسقان.
  بيىل جاز ماۋسىمىندا وڭتۇستىك اۆياتسيا سەرىكتەستىگى تىڭنان ءۇرىمجى - لاحور اينالمالى اۋە جەلىسىن اشادى، سونداي - اق ءۇرىمجى − استانا اينالمالى اۋەجەلىسىن قايتا ىسكە قوسادى، وڭتۇستىك اۆياتسيا سەرىكتەستىگى «ءبىر بەلدەۋ، ءبىر جولعا» ساياتىن ورتا، باتىس ازيا وڭىرىندە ءبىرشاما كەمەلدى اۋە جەلىسى تورىن قۇردى. ورتا ازيا، باتىس ازيا، وڭتۇستىك ازيا سياقتى كوپتەگەن حالىقارالىق اۋە جەلىلەرىن لايىقتى ۋاقىتتا اشىپ نەمەسە ونىڭ قاتىناۋ سانىن كوبەيتىپ، شينجياڭنان «ءبىر بەلدەۋ، ءبىر جول» بويىنداعى قالالارعا جانە ازيا - ەۆروپانىڭ ىشكى وڭىرىنە باراتىن اناعۇرلىم كوپ اۋە ارنالارىن اشادى.
  بولاشاقتا، شينجياڭ ازاماتتىق اۆياتسيا باسقارۋ مەكەمەسى ەل ءىشى - سىرتىنداعى اۆياتسيا سەرىكتەستىكتەرىنىڭ جۇڭگونىڭ شينجياڭىنان شىعىس ازيا، ورتا ازيا، باتىس ازيا، ەۆروپا باعىتتارىنا قاتىنايتىن حالىقارالىق اۋە جەلىلەرىن اشۋىنا نەمەسە ونداعى قاتىناۋ سانىن كوبەيتۋىنە زور كۇشپەن قولداۋ كورسەتىپ، شينجياڭنىڭ «جىبەك جولى ەكونوميكالىق بەلدەۋىندەگى» وزەكتى رايوننىڭ قاتىناس تورابى ورتالىعى فۋنكتسياسىن ۇزدىكسىز كەمەلدەندىرىپ، اۋەدەگى جىبەك جولىنىڭ ماڭىزدى اۆياتسيالىق تۇيىندەرىن جاپپاي قامتۋدى جۇزەگە اسىرادى.


بەرىپ كەت ورامالىڭدى

دوستار

الىستاعى اق ەركە