جاڭا حابارلار

ليۋ تايشۋان الەۋمەتتىك اۋماقتاعى تۇرعىنداردى كىرىستى ارتتىرىپ، اۋقاتتانۋعا باستادى

    كەلۋ قاينارى: شينجياڭ حالىق راديو ىستانسياسى    2018-06-26 11:30:35  
التاي راديو ستانسياسىنىڭ ءتىلشىسى ياڭ شۋسايدىڭ حابارى: التاي ايماعى جەمەنەي اۋدانى توپتەرەك قالاشىعى شۋاق جۇمىسكەرلەر قوعامى پارتيا ياچەيكاسىنىڭ شۋجيى، قوعام باستىعى ليۋ تايشۋان باسقالاردىڭ كاسىپ كوزىن اشۋىنا كومەكتەسۋدى ءوزىنىڭ ومىرلىك مىندەتى ەتىپ، كاسىپتەنۋ جولىن اشىپ، الەۋمەتتىك اۋماقتاعى تۇرعىنداردى كىرىستى ارتتىرىپ، اۋقاتتانۋعا باستادى.
6-ايدىڭ 24-كۇنى، جەمەنەي اۋدانى توپتەرەك قالاشىعى شۋاق جۇمىسكەرلەر قوعامى جەرگىلىكتى ورىندا الەۋمەتتىك اۋماقتا قىزمەتكەر قابىلداۋ ءماجىلىسىن اشىپ، كوپتەگەن جۇمىس ورنىنىڭ قىزمەتكەر قابىلداۋ ينفورماتسياسىن ۇستىندە جاريالاپ، جۇمىس كۇتكەندەردى كەلىپ تەكسەرىپ كورۋگە، قىزمەت ىزدەۋگە باۋرادى. شۋاق جۇمىسكەرلەر قوعامنىڭ باستىعى ليۋ تايشۋان بىلاي دەدى: «كاسىپورىن اس-سۋ كاسىبىنە قاتىستى اسپاز، تازالىقشى، كوكونىس ازىرلەۋشى، اماندىق قورعاۋشى قابىلدايدى، تۇتاس اۋدان كولەمىندە جۇمىسكەر قابىلداۋ ينفورماتسياسى جاريالاعاننان كەيىن، كاسىپ كۇتكەندەر تۇگەل وسىندا كەلىپ، جۇمىس ءتۇرىن جانە ينفورماتسيالاردى كوردى، قوعامىمىز ارقىلى ۇيىمداستى».
1995-جىلى ليۋ تايشۋان جەمەنەي اۋدانى توپتەرەك قالاشىعى وركەنيەت كوشەسى الەۋمەتتىك اۋماعى پارتيا ياچەيكاسىنىڭ كومەگىندە، قارجى توپتاپ، اسحانا اشتى. تيجاراتىن ادال جۇرگىزگەندىكتەن، 2002-جىلى التاي ايماعى ليۋ تايشۋانعا «تاڭداۋلى پارتيا مۇشەلەرىنەن شىققان ۇلگىلى جەكە تيجاراتشى» دەگەن داڭقتى اتاق بەردى. كاسىپ كوزىن اشۋ جاعىندا تابىسقا جەتكەن ليۋ تايشۋان ماڭىنداعى الەۋمەتتىك اۋماق تۇرعىندارىنا قىزۋ ىنتامەن كومەكتەستى. توپتەرەك قالاشىعىنىڭ تۇرعىنى قايرات ۋاقىتتىق جۇمىس ىستەپ تاپقان اقشاسىنا سۇيەنىپ جان باعاتىن، وتباسى قينشىلىعى وتە اۋىر ەدى. ليۋ تايشۋان قايراتپەن تانىسقاننان كەيىن، ونىڭ وتە قاجىرلى ەكەنىن بايقاپ، قالتاسىنان اقشا شىعارىپ، وعان اسپازدىق ونەر ۇيرەتەدى، كەيىن تاعى ونىڭ كاسىپتەنۋ، قىزمەت ورنىن تابۋىنا بەلسەنە كومەكتەسەدى. ليۋ تايشۋاننىڭ كومەگىندە، قايرات نان دۇكەنىن اشىپ، تۇرمىسى بارعان سايىن جاقسارادى. قايرات: «ول مەنىڭ نان ساۋداسىمەن شۇعىلدانۋىما باعدار نۇسقادى، وسى ساۋدا ارقىلى كىرسىمدى ارتتىرۋىما بولاتىنىن ايتتى، قازىر ول كورسەتكەن ءادىس-امالعا ساي ساۋدا ىستەۋدەمىن، ساۋدامىز بارعان سايىن كوسەت بولىپ، كىرىسىمىز ارتتى»،-دەدى.
قايتكەندە ءتىپتى كوپ ادامدى اۋقاتتانۋعا باستاۋعا بولادى؟ ليۋ تايشۋان وسى ءىستى ەسىنەن شىعارمادى. 2012-جىلى 5-ايدا، ليۋ تايشۋان جەمەنەي اۋدانى توپتەرەك قالاشىعىندا «شۋاق جۇمىسكەرلەر قوعامىن» تىزىمگە الدىرىپ قۇردى، ءارى قوعامنىڭ پارتيا ياچەيكاسىنىڭ شۋجيى، قوعام باستىعى بولدى. 2014-جىلى جەمەنەي اۋدان قالاشىعى تاسجولدى جاڭالادى، ليۋ تايشۋان قۇرىلىس سالۋشى ورىنمەن بەلسەنە قارىم-قاتىناس جاساپ، ىشكەرلەي سايكەسىپ، الەۋمەتتىك اۋماقتاعى 43 ادامنىڭ كاسىپتەنۋ ماسەلەسىن ءبىر جولدا شەشتى. 2016-جىلى جەمەنەي اۋداندىق سۋ باستاۋ ينجەنەريا نىسانىنا ەڭبەككۇش جەتكىلىكسىز بولدى، ليۋ تايشۋان قۇرىلىس نىسانى بولىمىمەن بەلسەنە سايكەسىپ، ادام ىستەتۋ ينفورماتسياسىن ەڭ الدىمەن جاريالاپ، شارتقا ۇيلەسەتىن ءبىر توپ جۇمىسكەردى سۋ باستاۋ ينجەنەرياسىنىڭ جۇمىس ورنىندا كاسىپتەنۋگە باستادى. قازىر، شۋاق جۇمىسكەرلەر قوعامى تۇتاس اۋدانداعى ەڭبەككۇشتەردى باسقا سالادا كاسىپتەندىرۋدەگى ماڭىزدى تەكشەگە اينالدى، 2017-جىلدان بەرى، ءبىر مىڭ 200 ادام رەتتەن ارتىق ونەرگە تاربيەلەپ، 2 مىڭنان ارتىق ادامدى باسقا سالادا كاسىپتەندىردى. ليۋ تايشۋان بىلاي دەدى: «بولاشاقتا كادرلار قىزمەتىن ويداعىداي ىستەۋگە ۇزدىكسىز تاباندى بولىپ، بۇرىنعىدان دا كوپ ادامعا كاسىپتەنەتىن قىزمەت ورىن دايىنداپ بەرىپ، جەمەنەي اۋدانىنىڭ كەدەيلىكتەن قۇتىلدىرۋدان قامال الۋ شايقاسىنا ءبىر كىسىلىك ۇلەسىمدى قوسامىن».

بەرىپ كەت ورامالىڭدى

دوستار

الىستاعى اق ەركە