جاڭا حابارلار

حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى ساۋ زىحۇڭنىڭ الدىنا قويىلعان ماڭىزدى مىندەت ەدى

    كەلۋ قاينارى: شينجياڭ حالىق راديو ىستانسياسى    2018-06-27 08:30:11  

  ستانسيامىزدىڭ حابارى: شەريا اۋدانىنىڭ بوستان اۋىلى ءدوڭباق قسىتاعى ءشول قويناۋىنا ورنالاسقان، تۇتاس قىستاقتا 379 وتباسى، 984 ادام بار، ولاردىڭ ىشىندە  197 كەدەي، قيىنشىلىعى بار وتباسىندا 551 ادام بار، ەرەكشە كەدەي قىستاق. كەدەيلەردى قالاي دالمە-ءدال سۇيەمەلدەۋ، كەدەيلىكتەن قالاي دالمە-ءدال قۇتىلدىرىپ، تۇرعىنداردى اۋقاتتانىپ دوڭگەلەك داۋلەتكە جەتۋگە باستاۋ ـــ  اۆتونوميالى رايوندىق سۋ يگىلىگى مەڭگەرمەسىنەن ءدوڭباق قىستاعىنا تۇسكەن قىستاقتىڭ ءبىرىنشى شۋجيى، « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى ساۋ زىحۇڭنىڭ الدىنا قويىلعان ماڭىزدى مىندەت ەدى. 
  ساۋ زىحۇڭ ءدوڭباق قىستاعىنا بارعاننان كەيىن، قىستاق تۇرعىندارىنىڭ كەدەي، نەگىزىنەن نەگىزىنەن كونە كوزقاراستان ارىلماعانىن، ارتىق ەڭبەككۇشتەردىڭ تولىپ جاتقانىن، وتباسىنان ۇزاپ شىقپاعانىن بايقايدى. سونىمەن، ول ەگىنشى - مالشىلار كەشكى مەكتەبىنەن، الىس ارالىقتى وقىتۋ تەكشەسىنەن پايدالانىپ، قىزمەت اترەتىندەگىلەر مەن قىستاق كادرلارىن باستاپ قىستاق تۇرعىندارىنا ديقاندارعا تيىمدىلىك جەتكىزۋ ساياساتى جونىندە ۇگىت-لەكسيا جاسايدى، ءارى تەحنيكانى جانە مەملەكەتتىك ورتاق ءتىل كۋرسىن كۇشەيتىپ، تۇرعىنداردىڭ اۋقاتتانۋ قۋاتىن، وتە-موتە، سىرتقا شىعىپ كاسىپ كوزىن اشۋ تانىمىن نىعايتادى. سونداي-اق، ارناۋلى باعىمشىلىقپەن شۇعىلداناتىندار مەن اۋىلدارىنا قايتقان  جۇمىسكەرلەردى ۇيىمداستىرىپ « اڭگىمە ايتۋ، دامۋ جونىندە اڭگىمەلەسۋ» قيمىلدارىن ورىستەتىپ، تۇرعىنداردى   « كۇتە تۇرۋ، يەك سۇيەۋ، الاقان جايۋ» يدەياسىنان ارىلۋعا جەتەكشىلىك ەتتى.
  ۇزدىكسىز ۇگىت-لەكسيا جاساۋ ناتيجەسىندە قىستاق تۇرعىندارىنىڭ كوزقاراسى وزگەرىپ،  سىرتقا شىعىپ جۇمىس ىستەۋدى داڭقتى ءىس سانايتىن بولدى. ساۋ زىحۇڭ بەتالىسقا قاراي جەتەكشىلىك ەتىپ، تۇرعىنداردى ۇيىمداستىرىپ ۋاقىتتىق 6 قۇرىلىس اترەتى مەن 12 اعاششىلىق اترەتىن قۇرىپ،  ولاردى مال قورا، بەيقۇت ءۇي سالۋ سياقتى نىسانداردا تۇرعان جەرىندە كاسىپتەنۋگە ورنالاستىرادى. ءارى ; ماڭىنداعى اۋدان، قالالارمەن، كاسىپورىندارمەن بەلسەنە ۇشتاسىپ،  باعىتتامالى كورسەتۋ، الەۋمەتتىك يگىلىك سيپاتتى قىزمەت ورنىمەن قامداۋ تاسىلدەرىن قولدانىپ،  كەدەي قىستاقتاعى 160 تۇرعىننىڭ شەريا اۋدانى، بوستان سۋ قويماسى سياقتى جەرلەردە كاسىپتەنۋىنە كومەكتەسەدى. 
  وسىعان وراي، سىرتقا شىعىپ جۇمىس ىستەيتىن تۇرعىن مامەت يۇسىپ جوسپار جاساي كەلىپ بىلاي دەدى: بۇرىن ەگىمشىلىك پەن باعىمشىلىققا سۇيەنىپ جىلىنا نە ءبارى 5 مىڭ دا 6 مىڭ يۋان تابىس تاباتىنبىز، قازىر، جەر مەن مالداردى كوتەرمەگە بەرىپ، ءبىر جىلدا 3 مىڭ 400 يۋان تابىس تابۋمەن قاتار، قىزمەت اترەتىنىڭ كومەگىندە سىرتقا شىعىپ جۇمىس ىستەپ، ايىنا تاعى 3 مىڭ 500 يۋان كىرىس كىرگىزەمىز، ءبىر جىلدىق تابىسىمىز 40 مىڭ يۋان. 
  سونىمەن بىرگە، ءدوڭباق قىستاعىنىڭ جاعىراپيالىق ورنى شەتكەرى، شالعاي، ءوندىرىس دەڭگەيى تومەن، كاسىبى جالاڭ بولۋ ماسەلەلەرىنە قاراتا، ساۋ زىحۇڭ قىزمەت اترەتىن باستاپ ەگجەي-تەگجەيلى تەكسەرۋ - زەرتتەۋ جۇرگىزىپ،  ەگىمشىلىك پەن باعىمشىلىقتى بىرلەستىرۋدى تۇرعىنداردىڭ كەدەيلىكتەن قۇتىلىپ اۋقاتتانۋىنداعى نەگىزگى جول ەتۋ بەكىمىنە كەلەدى. ول جان-جاققا شاقپىلاپ ءجۇرىپ،  82 كەدەي وتباسىنىڭ شاعىن سومالى سەنىمدى قارىز اقشاسىن تياناقتاندىرىپ، ولاردا قارجى تاپشى بولۋ ماسەلەسىن شەشەدى؛ مەملەكەتتىك كەدەيلەردى سۇيەمەلدەۋ نىسان قارجىسىنان 2 ميلليون 700 مىڭ يۋاننان ارتىق قارجىنى الۋعا كۇش سالىپ، ونى جەر تەگىستەۋ، توعان سالۋ، مال ساتىپ الۋ جانە  قاراستى قۇرىلعى قۇرىلىستاردى سالۋ، 199 مال قورا سالۋ سياقتىلارعا پايدالانىپ، اۋلا شارۋاشىلىعى نىسانىنا 215 وتباسىن تياناقتاندىرىپ، كەدەي وتباسىلارىنا 2 مىڭ 822 تۇياق قوي، 224 ەسەك ساتىپ الىپ بەرەدى. ساۋ زىحۇڭنىڭ كۇش سالۋىندا، قىستاقتاعى كەدەي وتباسىلارى اۋقاتتانىپ دوڭگەلەك داۋلەتتى دەڭگەيگە جەتۋگە بەرىك سەنىم بايلادى.


بەرىپ كەت ورامالىڭدى

دوستار

الىستاعى اق ەركە