جاڭا حابارلار

قىستاق تۇرعىندارىن كەدەيلىكتەن قۇتىلدىرىپ بايۋعا باستاۋشى

    كەلۋ قاينارى: شينجياڭ حالىق راديو ىستانسياسى    2018-06-29 10:28:00  

 ستانسيامىزدىڭ ءتىلشىسى سۇن ۋيدىڭ حابارى  :اتۇش قالاسى قاراجون اۋىلى قىزىلتوو قسىتاعىنىڭ كىسى باسىنا تۋرا كەلتىن ەگىستىك جەرى نەبارى 0.8 مۋ عانا كەلەتىن، قىستاقتاعى 541 وتباسىنىڭ 250 ى كەدەي، تيپتىك ەرەكشە كەدەي قىستاق. اۆتونوميالى رايوننىڭ ورگان ىستەرىن باسقارۋ مەكەمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتى بايلانىسىمەن وسى قىستاقتا تۇرعان قىزمەت اترەتىنىڭ ءبىرىنشى شۋجيى، اترەت باستىعى لۇي حۇيبين قىزمەت اترەتىندەگىلەردى باستاپ، كەدەيلەسۋ سەبەبىن دۇرىس انىقتاپ، باعىتتامالى شارا قولدانىپ، ءۇرتىس 2 جىل كۇش سالۋدىڭ ناتيجەسىندە، ديقانداردىڭ كىرىسىن ارتتىرۋعا كومەكتەسۋدىڭ ۇزاق ءونىمدى مەحانيزىمى نىساندارى  مەن اۋىل-قىستاقتى كوركەيتۋدىڭ «ناتيجە تىزىمدىگى»  اۋىلداستار اراسىندا بىرتىندەپ ايگىلەندى. ستانسيامىزدىڭ ءتىلشىسى سۇن ۋيدىڭ حابارى  قىزىلتوو قىستاعىنىڭ جاراتىلىستىق شارت-جاعدايى ناشار، ەگىستىك جەر كولەمى تار، كەدەيلىكتەن قۇتىلدىرۋ مىندەتى اۋىر، « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەتى بايلانىسىمەن قىستاقتا تۇراتىن قىزمەت اترەتىنىڭ ءبىرىنشى شۋجيى، اترەت باستىعى لۇي حۇيبين مەن قىزمەت اترەتىندەگىلەر تۇرعىنداردىڭ كەدەيلەسۋ سەبەبىن انىقتاي كەلىپ بىلاي دەدى: «ءبىرىنشى، يدەيالىق جاقتاعى ماسەلە، ديقانداردا  كۇتىپ وتىرۋ، يەك سۇيەۋ يدەياسى باسىم؛ ەكىنشى، جاراتىلىستىق شارت-جاعدايى شەكتەمەسىنە ۇشىراعان، قىستاقتىڭ جەر بايلىعى كەڭ، الايدا، باسىم كوبى نەگىزىنەن سورتاڭ، ءشوپ شىقپايدى، باعىمشىلىقتى دامىتۋ شارت-جاعدايى جوق.»  قايتا-قايتا جاعداي ۇعىسۋ نەگىزىندە، لۇي حۇيبين باستاماشى بولىپ « قىزىلتوو قىستاعىنىڭ 5 جىلدىق جالپىلىق دامۋ  جوسپارىن» جاسادى، وندا، كوللەكتيۆ ەكونوميكانى دامىتۋ،  شاعىن ەرەكشە كاسىپتەردى دامىتۋ سياقتى 9 ارناۋلى جوسپار قامتىلدى. قىستاق تۇرعىنى توحتاحۇن سالماحۇن بىلاي دەدى: «بىزگە جۇگەرى، جوڭىشقا تۇقىمىن تاراتتى، قىستاقتاعى سۋ ماسەلەسى شەشىلدى، كۇزدە مول ءونىم الۋدى ءتورت كوزبەن كۇتىپ وتىرمىز. ءبىر مۋ جەردى 600 يۋاننان ەسەپتەگەندە 5 مۋ جەردەن 3 مىڭ يۋان كىرىس كىرگىزۋگە بولادى. قىستاعىمىز وسىنشاما جاقسارىپ كەتەدى دەپ ويلاپ كورمەگەن ەكەنمىن. »   لۇي حۇيبيننىڭ جەتەكشىلىگى مەن كومەگىندە تۇرعىنداردىڭ كىرىستى ارتتىرىپ، اۋقاتتانۋ جولى بارعان سايىن كەڭەيدى، قىزمەت اترەتى جەرگىلىكتى جاعدايعا بىرلەستىرىپ، قازىرگى بار بايلىقتى تولىق اشىپ پايدالانىپ، « شاعىن، ەرەكشە» كاسىپتەردى بەلسەنە دامىتىپ، 2 ميلليون 100 مىڭ يۋان قارجى توپتاپ ەسەك باعۋ كوپەراتيۆىن قۇرىپ، ءبىرىنشى كەزەكتە 50 ەسەك باقتى.   وسىلايشا قىستاق تۇرعىندارىنىڭ  اۋقاتتانۋ جولى بارعان سايىن كەڭەيە ءتۇستى، كوپەراتيۆتىڭ مۇشەسى سىرايىل جۇما بىلاي دەدى: «باستابىندا باعىمشىلىق تاجىريبەمىز بەن ساۋاتىمىز جوق بولعانىقتان، قىزمەت اترەتىءبىر كۇندە نەشە ۋاق جەم بەرۋدى، قانشالىقتى بەرۋدى ۇيرەتتى، كەيىنگى مەزگىلدە قالاي باپتاۋدى، سونداي-اق مۇنىڭ بولاشاقتاعى تيىمدىلىگىن ءتۇسىندىردى .قىزمەت اترەتى  كەدەيلىكتەن قۇتىلۋىمىزعا ءتۇرلى ءادىس-امالداردى قولدانىپ، بەلسەنە كومەكتەستى، الداعى تۇرمىسىمىزدىڭ بارعان سايىن جاقساراتىنىنا سەنىمىم كامىل.»& مۇنان سىرت، قىزمەت اترەتى كوكونىس ارناۋلى كوپەراتيۆىن، قامىس مانەرلەۋ كوپەراتيۆىن ۇيىمداستىرىپ قۇرىپ، كوپەاتيۆ پەن كەدەي وتباسىلارىن بىرىكتىرۋ ۇلگىسىندە كەدەي وتباسىلارىنىڭ دامۋ ومىرشەڭدىك قۋاتىن جۇمىلدىردى. 2017- جىلى قىزىلتوو قىستاعىنىڭ كىسى باسىندىق كىرىسى 7 مىڭ 11 يۋانعا جەتىپ، الدىنداعى جىلداعىدان 2 مىڭ 399 يۋان ارتتى. قىستاق  كوللەكتيۆىنىڭ كىرىسى دە بۇرىنعى 20 مىڭ يۋاننان 87 مىڭ يۋانعا مولايدى. بيىل، قىستاقتىڭ كولەكتيۆ كىرىسى 100 مىڭ يۋاننان اساتىندىعىنان، قىستاقتاعى 163 كەدەي وتباسىنىڭ دا كەدەيلىكتەن قۇتىلۋىنان ءۇمىت بار. لۇي حۇيبين بىلاي دەدى:« كەدەيلىكتەن قۇتىلدىرۋدان قامال الۋدا جەرگىلىكتى جاعدايعا قاراي شارا قولدانىپ، شاعىن ەرەكشە كاسىپتەردى ايگىلەنۋمەن بىرگە، ۇزاق ءونىمدى مەحانيزىمدى دە ايگىلەۋ كەرەك. تاۋىق باعۋ، قوي باعۋ، كوكونىس جىلىجايى، اۋلا شارۋاشىلىعىن دامىتۋ، بارلىعى جوسپار بويىنشا كارتينالانعان. كەدەيلەردى اقىل-پاراسات جاعىنان سۇيەمەلدەۋ مەن جىگەر-قايرات جاعىنان سۇيەمەلدەۋدى ءوزارا ۇشتاستىردىق،  نەگىزىنەن جەتەكشىلىك ەتۋ ارقىلى ولاردى ءوز كۇشىنە سۇيەنىپ، ءومىر ءسۇرىپ، كەدەيلىكتەن قۇتىلىپ، اۋقاتتانۋعا جەبەدىك.»
 


بەرىپ كەت ورامالىڭدى

دوستار

الىستاعى اق ەركە