جاڭا حابارلار

«تىرەكتىڭ» ارقاسىندا قىستاق تۇرعىندارى جاقسى تۇرمىس كەشىردى

    كەلۋ قاينارى: شينجياڭ گازەتى    2018-07-02 19:08:23  

−يانجي حۇيزۋ اۆتونوميالى اۋدانى چيگىشيڭ قالاشىعى قوراتاۋ قىستاق پارتيا ياچەيكاسى تۋرالى
ءتىلشىمىز شيا چيڭ

  نەگىزگى ساتى پارتيا ۇيىمى اۋىل - قىستاقتاردى كوركەيتۋ ستراتەگياسىن اتقارۋدىڭ «تىرەگى». بۇرىن اۆتونوميالى رايون دارەجەلى كەدەي قىستاق بولعان يانجي حۇيزۋ اۆتونوميالى اۋدانى چيگىشيڭ قالاشىعى قوراتاۋ قىستاعىن مەملەكەتتىك تۇرعىن ءۇي جانە قالا قۇرىلىسى مينيسترلىگى «كورىكتى، قونىسقا جايلى ۇلگىلى قىستاق» دەپ باعالادى، ەكولوگيا كورىكتەنىپ، شارۋالاردىڭ تۇرمىسى بايىپ، بۇكىل قىستاق تۇتاستاي كەدەيلىكتەن قۇتىلدى... بۇل وزگەرىستىڭ بارلىعىن قىستاق پارتيا ياچەيكاسىنىڭ شىن ىقىلاستى ەڭبەگىنەن بولە قاراۋعا بولمايدى، بۇل نەگىزگى ساتى پارتيا ۇيىمى پارمەندى، قۋاتتى بولسا، اۋىل - قىستاقتى كوركەيتۋ ءجىتى دە ورنىقتى قاداممەن ىلگەرىلەيدى دەيتىن قيسىندى ءتۇسىندىردى.
  پارتيا قۇرىلىسىن مىقتى ۇستاپ، باسشىلىق القانى كۇشەيتتى
  6 - ايدىڭ 24 - كۇنى يانجي اۋدانى چيگىشيڭ قالاشىعى قوراتاۋ قىستاعىنىڭ تۇرعىنى تۇنيساگۇل يبىرايىم ءۇشىن ۇمىتىلماس كۇن بولدى، سول كۇنى ول پارتيا ياچەيكاسىنا پارتياعا كىرۋ ءوتىنىشىن تاپسىردى. قوراتاۋ جىبەك جولى بايىرعى قىستاعى نان - پراندىك سەلبەستىك كووپەراتيۆىنە مۇشە بولىپ ۇلگىرگەن تۇنيساگۇل تولعانا بىلاي دەدى: پارتيانىڭ جاقسى ساياساتىنىڭ ارقاسىندا، ءبىزدىڭ تۇرمىسىمىز بارعان سايىن جاقسارىپ كەلەدى، قىستاقتاعى پارتيا مۇشەلەرى جاقسى ىستە ەڭ الدىمەن ءار ۇلت قىستاق تۇرعىندارىن ويلايدى، ولار − مەنىڭ ۇيرەنۋ ۇلگىلەرىم، مەن دە جۇڭگو كوممۋنيستىك پارتياسىنا مۇشە بولامىن، پارتيانىڭ سوزىنە ماڭگى قۇلاق اسىپ، ماڭگى پارتياعا ىلەسەمىن.
  قوراتاۋ قىستاق پارتيا ياچەيكاسىنىڭ شۋجيى ليۋ يۇي بىلاي دەدى: اۋىل - قىستاقتىڭ كوركەيۋىن جۇزەگە اسىرۋدا، ۇيىمنىڭ كوركەيۋى ءتۇبىرلى كەپىل سانالادى.
  جۋىق جىلداردان بەرى قوراتاۋ قىستاق پارتيا ياچەيكاسى پارتيا قۇرىلىسىن ءارقاشان مىقتى ۇستاۋعا، باسشىلىق القانى كۇشەيتۋگە تاباندى بولدى ءارى «جۇلدىز دارەجەسى» بويىنشا وزات ورىن بولۋ قىزمەتىمەن بىرلەستىرىپ، پارتيا مۇشەلەرى قوسىنىن باسقارۋدى كۇشەيتتى. ياچەيكانىڭ جاۋىنگەرلىك قۋاتىن جوعارىلاتۋ ءۇشىن، قىستاق پارتيا ياچەيكاسى «ءۇش جيىن، ءبىر ساباق» ءتۇزىمىن قاتاڭ تياناقتاندىرىپ، «x + 8 تاقىرىپتىق پارتيا كۇنى قيمىلىن» ورىستەتتى. سونىمەن بىرگە، قىستاق پارتيا ياچەيكاسى كادرلاردى اۋماقتى كوتەرمەگە الۋ ءتۇزىمىن بار كۇشپەن جالپىلاستىرىپ، پارتيالى كادرلار الدا ءجۇرىپ، جاپادا الدا بولىپ، ناقتى ارەكەتتەرىمەن قالىڭ بۇقارانى ىنتىماقتاستىرىپ، باستاپ، بۇكىل قىستاقتىڭ ءتۇرلى قىزمەتتەرىنىڭ ورنىقتى ىلگەرىلەۋىنە مۇمكىندىك جاسادى.
  «ءبىز باسشىلىق القا مۇشەلەرىنىڭ بىرگە - ءبىر پىكىرلەسۋ مەحانيزمىن ورناتىپ، باس قوسۋ جيىنىن، اڭگىمە ءماجىلىس اشۋ، ۇيرەنۋ - تاربيە ورىستەتۋ سياقتى تاسىلدەرىمەن جەتكىزۋ، كومەكتەسۋ، جەتەكتەۋ جۇرگىزىپ، بەتپە - بەت تاجىريبە ۇيرەتىپ، وي جەلىسىن ۇيرەتىپ، ءادىس ۇيرەتىپ، پارتيالى كادرلاردىڭ جاۋاپكەرلىك ارقالاۋ تانىمى مەن بۇقارالىق قىزمەت قابىلەتىن شىنايى جوعارىلاتۋىن جەبەدىك»، − دەيدى قوراتاۋ قىستاعى پارتيا ياچەيكاسىنىڭ ورىنباسار شۋجيى شاۋ گوپيڭ.
  قىستاق پارتيا ياچەيكاسىنىڭ جەتەكتەۋىندە، قوراتاۋ قىستاعىنىڭ جان باسىندىق جىلدىق ورتاشا كىرىسى 2013 - جىلعى 3000 يۋانعا جەتپەيتىن مولشەردەن بىلتىر 15 مىڭ 200 يۋانعا كوبەيىپ، تۇتاس قىستاقتىڭ كەدەيلىكتەن قۇتىلۋىن جۇزەگە اسىردى. ءىس ىستەۋگە قابىلەتتى، ءىستى ىستەي الاتىن، ءىس ىستەۋگە باتىل نەگىزگى ساتى پارتيا ۇيىمى قىستاق تۇرعىندارىنىڭ قولداۋىنا بولەندى ءارى قىستاق تۇرعىندارىنا ناقتى تيىمدىلىك جەتكىزدى.
  ليۋ يۇي بىلاي دەيدى: ءبىر پارتيا مۇشەسى − ءبىر تۋ، ءبىز 100 ەسە قۇلشىنىسپەن پارتياعا كىرۋ سەرتىن جۇزەگە اسىرىپ، قوراتاۋ قىستاعىن سوتسياليستىك جاڭا قىستاق ەتىپ قۇرىپ شىعامىز.
  اۋىل - قىستاق كورىكتەنىپ، حالىق تىلەگى توعىستى
  قوراتاۋ قىستاعىندا جۇرسەڭىز، سۋ سىڭبەيتىن توعاندار قايشالىسا جالعاسىپ، اسفالت جولدار سايراپ جاتقانىن، بەيقۇت ۇيلەر رەتتى، اسەم قاتار تۇزەپ، شار تاراپ مامىراجاي بەرەكەگە شومعان كورىنىسكە كۋا بولاسىز.
  «بۇرىن جولدىڭ جانىندا قوقىستار ءۇيىلىپ جاتاتىن، جاڭبىر جاۋسا قىستاق تۇگەل لاي - بالشىق بولىپ كەتەتىن. قىستاق پارتيا ياچەيكاسىنىڭ قۇلشىنىسىندا، قازىر قىستاقتا تازا دارەتحانا سالىنىپ، قوقىس ساندىقتار قويىلدى، سونىمەن بىرگە تاسقىن سۋ اعىزاتىن ور قازىلىپ، قورشاعان ورتا كورىكتەنىپ، جۇرتتىڭ كوڭىل سارايى اشىلدى»، − دەيدى قوراتاۋ قىستاعىنىڭ تۇرعىنى كەرىم حالىق اسەرلەنە.
  كەرىم سەكىلدى، كەزىندە قىستاق تۇرعىنى نۇرساحان سىمايىلدىڭ دا كوڭىلى الاڭ بولعان. نۇرساحان: بۇرىن بارلىعىمىز ۇيىمىزدەن ءبىر كيلومەتر شالعايداعى داچۋانگۋدەن سۋ تاسىپ ىشەتىنبىز، جول ءتۇزۋ بولماعاندىقتان، ۇيگە جەتكەنشە شايقالاقتاپ، شەلەكتەگى سۋدىڭ جارىمى توگىلىپ بولاتىن. قازىر قۇبىر سۋى ۇيگە دەيىن جەتتى، وتە قولايلى، - دەدى.
  قوراتاۋ قىستاعىنىڭ ءىس جۇزىندىك جاعدايىنا ۇشتاستىرىپ، قوراتاۋ قىستاعى پارتيا ياچەيكاسى دامۋدىڭ وي جۇلگەسىن جوبالاپ، كۇش - قايراتتى كورىكتى اۋىل - قىستاق سومداۋعا جۇمىلدىردى. اۋداندىق، اۋىلدىق پارتكوم مەن ۇكىمەتتىڭ زور كۇشپەن قولداۋىندا، قوراتاۋ قىستاعى پارتيا ياچەيكاسى ءتۇرلى جاقتان قارجى سايكەستىرىپ، ونى قىستاقتىڭ نەگىزدىك قۇرىلعىلار قۇرىلىسى، ەكولوگيالىق جاسىلداندىرۋ، قورشاعان ورتانى وڭاۋ سياقتى جۇمىستارعا جۇمسادى، نىسان سانى 77گە جەتتى.
  قىستاق تۇرعىندارىنىڭ مادەني تۇرمىسىن بايىتۋ ءۇشىن، قىستاق ىلگەرىندى - كەيىن شارۋالاردىڭ انشىلەر توبى، بيشىلەر توبى، حور توبى سياقتىلاردى قۇرىپ، اپتا سايىن قيمىل وتكىزۋگە كەپىلدىك ەتتى، قىستاق تۇرعىندارى بۇعان اۋىز جاپپاي القاۋ ايتتى.
  بۇگىنگى كۇندە قوراتاۋ قىستاعىندا وسىزاماندانعان دوپ الاڭى مەن مادەنيەت الاڭى بار، قىستاق جولدارىنا كۇن ساۋلەسىنەن قۋات الاتىن جول شامدارى ورناتىلدى، بالاباقشا، ەمحانا سياقتى قوسالقى قۇرىلعىلار دا وتە كەمەلدى.
  «قازىر قىستاعىمىز كورىكتەندى، ءبىز وڭاي - وسپاق قول جەتپەگەن وسى ناتيجەنى قاستەرلەيمىز، مەيلى كىم بولسا دا مادەنيەتسىز قۇبىلىستارعا توقتاۋ ايتىپ، تيداۋ سالادى، قىستاق تۇرعىندارىنىڭ كوڭىلى ونان سايىن جاقىنداي ءتۇستى»، − دەدى نۇرساحان.
  كاسىپ وركەندەپ، تەڭ بايىدى
  6 - ايدا قوراتاۋ قىستاعىندا ساياحاتتىڭ قاۋىرت مەزگىلى باستالادى، كوپتەگەن ساياحاتشىلار سەرۋەن قۇرۋ، سالقىنداۋ ءۇشىن كۇن قۇرعاتپاي وسى جەرگە كەلەدى. زەڭگىر اسپان، تۇنىق اۋا جانە ءدامى ءتىل ۇيىرەتىن ەرەكشە تاعامدار ادامعا ۇمىتىلماستاي اسەر قالدىرادى.
  قىستاق تۇرعىنى ايگۇل تۇللانىڭ شارۋالار شاتتىعى ساياجايى دا ءبىر جىلداعى ەڭ قاربالاس مەزگىلگە ەندى، كەلىنى، قىزى تۇگەل كومەككە كەلدى. ايگۇل وتباسى بۇرىن مال وسىرۋمەن شۇعىلدانعان، ءبىر جىلداعى تاپقان تابىسى تاماقتان اسپايتىن. قىستاق كادرلارىنىڭ كومەگىمەن، شارۋالار شاتتىعى ساياجايىن اشقاننان كەيىن، ونىڭ تابىسى قاۋىرت مولايدى. «جول جوندەلگەننەن كەيىن كەلەتىن ادام كوبەيدى، ساۋدامىز دا كۇسەت بولا ءتۇستى»، − دەدى ايگۇل كوڭىلدەنىپ.
  قاتىناس قولايسىز، ينفورماتسيا توماعا - تۇيىق، تەڭىز دەڭگەيىنەن ەداۋىر بيىك، باعىمشىلىق كاسىبى جالاڭ بولۋ سياقتى «بوگەتتەرگە» بايلانىستى، قوراتاۋ قىستاعىنداعى ەگىنشى - مالشىلاردىڭ كىرىسى تومەن بولاتىن. قىستاق پارتيا ياچەيكاسى بۇكىل قىستاقتىڭ قازىرگى جاعدايى مەن دامۋ كومەسكى كۇشىنە تەرەڭ، ەگجەي - تەگجەيلى تەكسەرۋ - زەرتتەۋ جۇرگىزىپ، سارالاۋ، تالداۋ ارقىلى اۋىل - قىستاق ساياحاتىن بار كۇشپەن دامىتۋدى ۇيعارىپ، قورشاعان ورتانى وڭاۋ مەن كاسىپ سالاسىن باۋلۋدى ۇشتاستىرىپ، ءبىر جاعىنان، اسپانى اشىق، تاۋى مانات، سۋى تۇنىق ەكولوگيالىق ورتا قالىپتاستىرسا، تاعى ءبىر جاعىنان، ساياحات شارۋاشىلىعىن دامىتتى. قىستاق پارتيا ياچەيكاسى قىستاق تۇرعىندارىنىڭ 2000 مۋ جەردى اينالىمعا سالۋىنا كومەكتەسىپ، قىستاق تۇرعىندارىنىڭ جەردەن ازات بولىپ، ساياحات شارۋاشىلىعىمەن اينالىسۋىنا مۇمكىندىك جاسادى. قازىر قوراتاۋ قىستاعىنداعى 92 وتباسىنىڭ ىشىنەن 34 وتباسى شارۋالار شاتتىعى ساياجايىن اشتى. ەكولوگيا كورىكتەنىپ، ساياحاتشىلار كوبەيدى.
  ساياحات قوسالقى شارۋاشىلىعىن ارقاۋ ەتىپ، قىستاق پارتيا ياچەيكاسىنىڭ باستاماشى، جەتەكشى بولۋىمەن، قىستاقتا ناۋبايلار كووپەراتيۆى، سىبىرتكى كووپەراتيۆى سياقتىلار قۇرىلىپ، قىستاق تۇرعىندارىنىڭ كىرىسىن ارتتىردى.
  الداعى جوبا - جوسپار تۋرالى ءسوز بولعاندا، ليۋ يۇي تىلشىگە: الداعى جەردە، ءبىز ەكولوگيالىق مادەنيەت ساياحاتى، تۇسەل ساياحاتى سياقتى اۋىل - قىستاق ساياحات ونىمدەرىن اشۋعا كۇش سالىپ، ساياحات شارۋاشىلىعىنىڭ تىزبەگىن ۇزارتىپ، ءتىپتى، كوپ قىستاق تۇرعىندارىنىڭ ات سالىسىپ، ەسىگىنىڭ الدىندا كىرىسىن ارتتىرىپ، اۋقاتتانۋىنا مۇمكىندىك جاسايمىز، − دەدى.


بەرىپ كەت ورامالىڭدى

دوستار

الىستاعى اق ەركە