جاڭا حابارلار

ديقاندار قوزعالىسىنىڭ تەبىندى باسشىسى ــ لو شۋە -زان

    كەلۋ قاينارى: شينجياڭ حالىق راديو ىستانسياسى    2018-07-03 13:15:17  

 اتالعان ايداردا 7-ايدىڭ-3كۇنى: «ديقاندار قوزعالىسىنىڭ تەبىندى باسشىسى ــ لو شۋە -زانمەن » تانىساسىزدار:     لو شۋە -زان، 1893- جىلى حۋنان ولكەسىنىڭ شياڭتان دەگەن جەرىندە دۇنيەگە كەلگەن. 1919 - جىلى، لو شۋە -زان فرانسياعا جۇمىس ىستەي ءجۇرىپ ۇيرەنۋگە بارىپ، لي ۋيحان سياقتىلارمەن بىرگە «جۇمىس ىستەي ءجۇرىپ ۇيرەنۋگە ىنتالاندىرۋ قوعامىن» قۇرىپ، ماركسيزمدى ۇيرەنەدى. توڭكەرىستىك قيمىلعا قاتىناسقاندىعى سەبەپتى، 1921 - جىلى 10- ايدا، فرانسيا ۇكىمەتى ەلگە كۇشپەن قايتارادى، سول جىلدىڭ سوڭىندا شاڭحايعا قايتىپ كەلگەننەن كەيىن، جۇڭگو كوممۋنيستىك پارتياسىنا مۇشە بولادى.    1922 -جىلى كۇزدە، لو شۋە -زان چاڭشاعا قايتىپ بارىپ، ىلگەرىندى - كەيىندى جاياۋ ارباشىلار ۇيىمىندا، حۋنان ولكەلىك جۇمىسشىلار بىرلەستىگى ۇيىمىندا جۇمىسشىلار قوزعالىسىمەن شۇعىلدانادى. 1925 -جىلى، لو شۋە -زان جۇڭگو كوممۋنيستىك پارتياسى حۋنان ولكەسى ليليڭ اۋداندىق كوميتەتتىڭ شۋجيلىعىنا تاعايىندالادى. ول پارتيا، وداق مۇشەلەرىن دامىتىپ، ءارقايسى رايوندا پارتيا ياچەيكاسىن قۇرىپ، گومينداڭ پارتياسى سولشىلدارىمەن بىرلىكساپ  قىزمەتىن ورىستەتەدى. 1928 -جىلى 5 - ايدا، لو شۋە -زان  قىزمەت بابىمەن شاڭحايعا اۋىستىرىلىپ، كەيىن شاندۇڭدا پارتيا قىزمەتىن ىستەۋگە جانە شاڭدۇڭ چيلۋ داشۋەسىنە وقىتۋشى بولۋعا جىبەرىلەدى. 1929- جىلى حاڭجۋعا جىبەرىلىپ، جۇڭگو كوممۋنيستىك پارتياسى جىجياڭ ولكەلىك كوميتەتىنىڭ باسشىلىق  قىزمەتىنە قاتىناسىپ، ىلگەرىندى -كەيىندى ولكەلىك كوميتەت ۇگىت ءبولىمىنىڭ باستىعى، ولكەلىك كوميتەتتىڭ شۋجيى بولادى. ارادا كوپ وتپەي جاۋلارعا قولدى بولادى دا، 1930- جىلى 8 - ايدىڭ 27 - كۇنى قاستاندىقپەن استىرتىن ولتىرىلەدى.  


بەرىپ كەت ورامالىڭدى

دوستار

الىستاعى اق ەركە