جاڭا حابارلار

 ساۋىر ماڭلىك كوپشىلىكتى باستاپ، ىنتىماقتاسا العا ۇمتىلىپ، بۇرىنعى كەدەي قىستاقتى  « اۋقاتتى قىستاق» ەتىپ قۇرىپ شىقتى

    كەلۋ قاينارى: شينجياڭ حالىق راديو ىستانسياسى    2018-07-03 13:25:26  

 لوپنۇر اۋدانىنىڭ شيڭپيڭ اۋىلى داشي قىستاعىندا، قىستاق پارتيا ياچەيكاسىنىڭ شۋجيى ساۋىر ماڭلىك كوپشىلىكتى باستاپ، ىنتىماقتاسا العا ۇمتىلىپ، بۇرىنعى كەدەي قىستاقتى  « اۋقاتتى قىستاق» ەتىپ قۇرىپ شىقتى، ءار ۇلت قىستاق تۇرعىندارىنىڭ قالتاسى قامپايىپ، رۋحاني جاقتان دا سەرپىلدى. ەندى بايىنعولىن وبلىستىق راديو ستانسياسىنىڭ ءتىلشىسى مياۋ مەييۇيدىڭ حابارىن تىڭداڭىزدار:    قازىر ساياحاتتىڭ قىزۋ ورلەۋگە كوتەرىلگەن مەزگىلى، داشي قىستاعىنا ساياحاتتاۋعا باراتىندار دا بىرتىندەپ كوبەيدى. تاڭەرتەڭ ەرتە، داشي قىستاعى پارتيا ياچەيكاسىنىڭ شۋجيى ساۋىر ماڭلىك قىستاق پارتيا ياچەيكاسى مەن قىستاق تۇرعىندار كوميتەتى القاسىنداعىلاردى جيناپ، داشي سالت- سانا باقشاسىنىڭ سوڭعى جوبا قۇرىلىسىن اقىلداستى. «لوپنۇر اۋدانى ياسىن داشي سالت- سانا باقشاسى»نىڭ جاۋاپتىسى ياسىنجان قاسىم:«ءبىز اۋلا شارۋاشىلىعىن دامىتۋ ءۇشىن، وسى سالت- سانا باقشاسىن قۇردىق. اۋدان 10 ميلليون يۋاننىڭ ۇستىندە قارجى قوسىپ، بىزگە وسىنشاما جاقسى جول جاساپ بەردى، جاسىلداندىرىپ، كورىكتەندىردى،  قوناعىمىز دا كوبەيىپ، ساۋدامىز كۇننەن- كۇنگە جاقساردى، وتكەن جىلى 170 تە 180 مىڭ يۋانعا دەيىن اقشا تاپتىق، بيىل 250 مىڭ يۋانعا جەتكىزۋگە قۇلشىنامىز»،- دەدى.      كوپتەگەن ساياحاتشى  داشي قىستاعىنىڭ وراسان زور وزگەرىسىن، ات- اتاعىن ەستىپ بارادى. 40 نەشە جىلدىڭ الدىندا، وسى ارا «استىق تۇتىنۋدا قايتا ساتىپ الۋعا، وندىرىستە  ءوسىمدى قارىز الۋعا، تۇرمسىتا قۇتقارۋعا سۇيەنۋ» سىندى « ۇشتە يەك سۇيەيتىن» قىستاق ەدى، قازىرگى داشي قىستاعى « مەملەكەتتىك دوڭگەلەك داۋلەتتى قىستاق قۇرۋداعى شولپان قىستاق»قا، « مەملەكەتتىك وركەنيەتتى قىستاق- قالاشىق»قا، « جۇڭگوداعى ون تاڭداۋلى دوڭگەلەك داۋلەتتى قىستاق»قا اينالدى، وسىنىڭ بارلىعىن  « كوشباسى» ساۋىر ماڭلىكتىڭ ەڭبەگىنەن بولە قاراۋعا بولمايدى. 1978- جىلى، ساۋىر ماڭلىك قىستاق پارتيا ياچەيكاسىنىڭ شۋجيلىعىنا تاعايىندالعاننان كەيىن، قسىتاق تۇرعىندارىن ارىق قازۋ ، تۇنبانى تازالاۋ، سوردى ىعىستىرۋ، استىق ءوندىرىسىن مىقتى يگەرۋ جۇمىستارىنا جۇمىلدىرىپ، 9 مىڭ 300 مۋ ەگىستىكتى ورمانمەن كومكەردى، سونىمەن بىرگە ىلگەرىندى- كەيىندى ۇن مانەرلەۋ زاۆودى، جىلىجاي، اۋىل شارۋاشىلىعى ونىمدەرى بازارى سياقتىلاردى قۇرىپ، قىستاق كوللەكتيۆى ەكونوميكاسىن جوقتان بارعا، شاعىن كولەمنەن ءىرى كولەمگە ۇلعايتتى. 2014- جىلى 9- ايدا، باس شۋجي شي جينپيڭ  داشي قىستاعىنداعىلارعا جازعان جاۋاپ حاتىندا، «پارتيانىڭ ءتيىمدى ساياساتى، ءار ۇلت بۇقاراسىنىڭ ءبىر نيەتتە كۇرەس جاساۋ رۋحى بولعاندا عانا، اۋىلداستارعا ءجايلى دە باقىتتى تۇرمىس جاراتۋعا بولادى»-دەگەن بولاتىن. ساۋىر ماڭلىك بىلاي دەدى: «2016- جىلعى كىسى باسىندىق كىرىس 29 مىڭ 700 يۋاننان استى، 2017- جىلى 31 مىڭ 700 يۋانعا جەتتى، داشي قىستاعىنداعى ءار ۇلت حالقىنىڭ سەنىمى بارعان سايىن كۇشەيدى، مەن بۇقارامەن بىرگە جۇمىس ىستەيمىن، باس شۋجي قالاي ورنالاستىرسا، سولاي ىستەيمىن، بۇقارانىڭ تۇرمىسىنداعى وزگەرىس ءالى دە مولايا تۇسپەك» .


بەرىپ كەت ورامالىڭدى

دوستار

الىستاعى اق ەركە