جاڭا حابارلار

رايونىمىزدىڭ «توڭكەرىستىك ورىندارعا ساياحاتى» بىرتىندەپ قىزۋ ورلەۋگە كوتەرىلدى

    كەلۋ قاينارى: شينجياڭ حالىق راديو ىستانسياسى    2018-07-04 12:34:56  
ستانسيامىزدىڭ جيناق حابارى: پارتيا قۇرىلعاندىعىنىڭ 97 جىلدىعىن اتاپ ءوتۋ كۇنى مەن «1-تامىز ارميا قۇرىلۋ مەرەكەسى» كەلۋ بايلانىسىمەن، رايونىمىزدىڭ «توڭكەرىستىك ورىندارعا ساياحاتى» بىرتىندەپ قىزۋ ورلەۋگە كوتەرىلدى.
تاڭەرتەڭ مۇراجايدىڭ ەسىگى اشىلىسىمەن، شىحىزى قالاسىنداعى بيڭتۋان اسكەري تىڭ يگەرۋ مۇراجايى كوپتەگەن ساياحاتشىنى قارسى الدى. شينجياڭدى بەيبىت جولمەن ازات ەتۋ ءىسىن اقىلداسۋ تەلەگرامماسى، شەكاراداعى جاستاردىڭ پارتياعا كىرۋ ءوتىنىشى، ءجىپ ءيىرۋ ۇرشىعى سياقتى ءوندىرىس-تۇرمىس قۇرالدارى مەن كورمەگە قويىلعان بۇيىمداردىڭ ارعى استارىنداعى تاريحي وقيعالار حىناننان كەلگەن ساياحاتشى جاڭ چۇنبونى ەرەكشە اسەرلەندىردى. ول: «تىڭ يگەرگەن جاۋىنگەرلەردىڭ وسىنداي جاپالى شارت-جاعدايدا، تىڭ يگەرۋ رۋحى مەن وتانشىلدىق رۋحتىڭ جەبەۋىندە، بۇگىنگى كۇنگە قول جەتكىزۋى وڭاي ەمەس. بۇل ءبىزدىڭ، سونداي-اق جاڭا ءداۋىردەگىءىز باسارلاردىڭ ۇيرەنۋىنە تاتيدى»،-دەدى.
بيڭتۋان اسكەري تىڭ يگەرۋ مۇراجايىنىڭ ءتۇسىندىرۋشىسى ۋاڭ دان بىلاي دەدى: «مۇراجايدى ءار كۇنى شامامەن 50 دە 60 ادام ەكسكورسيالايدى، ەكسكورسيالاعان ادام سانى شامامەن 4 مىڭ ادامعا جەتتى، وتكەن جىلدىڭ وسى تۇسىنداعىمەن سالىستىرعاندا ەكسكۋرتسيالاعان ادام سانى ۇشتەن ءبىر ۇلەس ارتتى. ساياحاتشىلار مۇراجايعا كەلگەننەن كەيىن، مۇراجايعا قاتىستى تانىستىرۋدى تىڭداپ، توڭكەرىسشىل قاھارمانداردى، توڭكەرىستىك تاريحتى ەسكە الىپ، پارتيانىڭ توڭكەرىستىك رۋحى جانە تاڭداۋلى ءداستۇرى جونىندەگى تۇسىنىگى مەن تانىمىن بارىنشا تەرەڭدەدى.
ءۇرىمجى قالاسىنداعى ماۋ زىمين ەجەلگى تۇراعى ەسكەرتكىش سارايىن ەكسكۋرتسيالايتىنداردىڭ سانى كۇنىنە 2 مىڭداي ادام اينالاسىندا بولادى، كوپ سانداعى جوعارى مەكتەپ وقىتۋشى-وقۋشىلارى وزدىكتەرىنەن ۇيىمداسىپ، وسى ەسكەرتكىش سارايدى ەكسكۋرتسيالايدى. شينجياڭ پەداگوگيكا ۋنيۆەرسيتەتى ماتەماتيكا جانە ءپان ءىلىمى يستيتۋتىنىڭ ءۇشىنشى جىلدىق وقۋشىسى لو زىياڭ: «پارتيا مۇشەسى تۇرعىسىنان، وزىمە جۇكتەلگەن جاۋاپكەرلىك سەزىمى مەن بورىشتىلىق سەزىمىن شىنايى سەزىندىم، بۇدان بىلايعى جوعارى مەكتەپ تۇرمىس ورتاسىندا، ءوز-وزىمە قامشى باسىپ، جۇرەكتىلىكپەن العا ۇمتىلىپ، قينشىلىقتان جاسقانباي، تىنباي قۇلشىنىپ، جالىقپاي ۇيرەنۋ ارقىلى شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋعا ءوز ۇلەسىمدى قوسامىن»،-دەدى.
ماۋ زىمين ەجەلگى تۇراعى ەسكەرتكىش سارايىنىڭ تۇسىندىرۋشىسى تاۋ مەي-يە تىلشىگە، ءۇرىمجى قالاسىنداعى ورتا-باستاۋىش مەكتەپ وقۋشىلارىنىڭ ىركەس-تىركەس جازدىق دەمالىسقا تاراۋىنا بايلانىستى، كوپتەگەن وقۋشىنىڭ ەسكەرتكىش سارايىنا كەلىپ، قوعامدىق امالياتتان وتكىزۋ قيمىلىنا قاتىناسقانىن ايتا كەلىپ، بىلاي دەدى: «كوپتەگەن اتا-انا بالالارىن ەرتىپ كەلىپ، ىرىقتىلىقپەن ەرىكتى قىزمەت ەتىپ، تازالىق ىستەدى نەمەسە كىشكەنتاي ءتۇسىندىرۋشى بولدى».
بىرنەشە كۇننەن بەرى، كۇشار اۋدانىنداعى لين جيلۋ قۇرباندار ەسكەرتكىش سارايىنا ارنايى بارعان ساياحاتشىلاردىڭ سانى دا بىرتىندەپ مولايدى. اكبار ابىلەمەت كۇشار اۋدانىنداعى جاي پارتيا مۇشەسى، ول تىلشىگە ءوزىنىڭ ءار جىلى وسى اراعا كەلىپ، پارتياعا كىرگەندە بەرگەن سەرتىن قايتالاي بەرەتىندىگىن ايتا كەلىپ: «باس شۋجي شي جينپيڭ باقىتتى تۇرمىستىڭ كۇرەس جاساۋدان كەلەتىنىن ايتتى، جاڭا ءداۋىردىڭ جاستارى رەتىندە، اعا بۋىن توڭكەرىسشىلەردى وزىمىزگە ۇلگى ەتىپ، الداعى قىزمەتتە قۇلشىنا كۇرەس جاساپ، جاقسى ناتيجەلەر جاراتۋعا كۇش سالامىز»،-دەدى.

بەرىپ كەت ورامالىڭدى

دوستار

الىستاعى اق ەركە