جاڭا حابارلار

تۇرپان قالاسى توقسۇن اۋدانى شيا اۋىلى قاراسۋ قىستاعى كەدەي وتباسىلارىنىڭ كەدەيلىكتەن ءبىر جولا قۇتىلۋىنا كومەكتەستى

    كەلۋ قاينارى: شينجياڭ حالىق راديو ىستانسياسى    2018-07-04 12:39:37  
تۇرپان راديو ستانسياسىنىڭ ءتىلشىسى زىڭ ۋيدىڭ حابارى: تۇرپان قالاسى توقسۇن اۋدانى شيا اۋىلىنىڭ قاراسۋ قىستاعى پارتيا ياچەيكاسى نازاردى باس نىساناعا شوعىرلاندىرىپ، وتباسىلارىنا قاراي ساياسات اتقارىپ، ەرەكشە كاسىپتى دامىتىپ، كەدەي وتباسىلاردىڭ كەدەيلىكتەن ءبىرجولاتا قۇتىلۋىنا كومەكتەستى.
توقسۇن اۋدانى شيا اۋىلى قاراسۋ قىستاعىندا، مەتال بۇيىمدار دۇكەنىن اشاتىن قىستاق تۇرعىنى روزى توقتى كوپشىلىك مويىنداعان شەبەر جوندەۋشىگە اينالدى، قايسى وتباسىنىڭ سۋ قۇبىرىنان كىلتيپان شىقسا، وعان ەڭ الدىمەن تەلەفون بەرەدى. روزى توقتى ءار كۇنى ەرەكشە قاربالاس بولادى. روزى توقتى تىلشىگە، بۇرىن ونىڭ وتباسىنداعى 4 جاننىڭ 9 مۋ جەرگە سۇيەنىپ تىرلىك ەتەتىنىن، قوڭىر قالتا عانا تۇرمىس كەشىرەتىنىن، ەكى جىلدىڭ الدىندا، قىستاقتىڭ پارتيا ياچەيكاسى وعان كومەكتەسىپ كەدەيلەردى سۇيەمەلدەۋگە ارنالعان شاعىن سومالى سەنىمدى قارىز اقشا الىپ بەرگەننەن كەيىن، مەتال بۇيىمدار دۇكەنىن اشقانىن، قازىر تۇرمىسىنىڭ بارعان سايىن جاقسارىپ، وسى جىلدىڭ الدىڭعى جارىمىندا كىرىسىنىڭ 50 مىڭ يۋان بولعانىن ايتا كەلىپ بىلاي دەدى: «ەگىس جۇمىسنا ۇلگىرمەسەم دە كەلىپ كومەكتەسەدى، ولارعا العىسىم شەكسىز. پارتيانىڭ ءۇمىتىن اقتاپ، پارتيانىڭ سوزىنە قۇلاق اسىپ، پارتياعا ىلەسىپ، كوپشىلىكتىڭ اناعۇرلىم باقىتتى تۇرمىسقا كەنەلۋىنە مۇمكىندىك جاسايمىن».
ساناققا قاراعاندا، ەكى جىلدان بەرى، قاراسۋ قىستاعى پارتيا ياچەيكاسى ىلگەرىندى-كەيىندى 104 كەدەي وتباسىنا 2 ميلليون 890 مىڭ يۋان شاعىن سومالى امانات قارىز اقشا الىپ بەرىپ، ولاردىڭ باعىمشىلىق، جەمىس اعاسى كاسبى، كوكونىس ەگۋ، قولونەر بۇيىمدارىن مانەرلەۋ سياقتى ەركەشە كاسىپتى دامىتۋىنا كومەكتەسىپ، كەدەي وتباسىلارىن بىرتىندەپ كەدەيلىكتەن قۇتىلدىرعان.
قىستاق تۇرعىنى پەريزات توقتىنىڭ اكە-شەشەسىنىڭ دەنساۋلىعى ناشار، ەكى بالاسى ءالى مەكتەپتە وقيتىندىقتان، ونىڭ سىرتقا شىعىپ جۇمىس ىستەۋگە ۋاقىتى جوق ەدى. پەريزات توقتىنىڭ نان جاباتىن ونەرى بار ەكەنىن بىلگەننەن كەيىن، قىستاقتىڭ پارتيا ياچەيكاسى ونى ۇيىندە نان جاۋىپ، كىرىسىن ارتتىرۋعا شابىتتاندىرىپ، وعان كومەكتەسىپ تاپسىرىس الىپ بەرەدى، وعان تاعى كەدەيلەردى سۇيەمەلدەۋگە بەرىلەتىن شوجە مەن قوي بەرەدى. قازىر، پەريزات توقتى جەرگىلىكتى ورىنداعى ءبىر ەرەن بازارعا ءوزى جاپقان ەرەكشە نانىن جەتكىزىپ تۇرادى، وسىنىڭ وزىنەن ول ءبىر جولدا 400 يۋان اقشا تابادى، ول: «مەن ناندى بۇدان دا جاقسى جابۋعا قۇلشىنامىن، ۇكىمەت ماعان كەدەيلەردى سۇيەمەلدەۋگە بەرىلەتىن قوي، شوجە بەردى، قازىر تۇرمىسىمىز بارعان سايىن جاقساردى»،-دەدى.
2017-جىلى، قاراسۋ قىستاعىنداعى ارحيۆ تۇرعىزىلىپ، كارتچكا تاراتىلعان 187 كەدەي وتباسىنداعى 782 كەدەي حالىق سانى تۇگەلدەي كەدەيلىكتەن قۇتىلدى. قىستاق ياچەيكاسىنىڭ شۋجيى ءابىليميت عىني بىلاي دەدى: «بۇدان كەيىن، قىزمەت اتىرەتىندەگىلەرمەن بىرگە كەدەيلىكتەن قۇتىلدىرۋ جەتىستىگىن جالعاستى بەكەمدەپ، ولاردى قايتالاي كەدەيلەستىرمەۋگە كۇش سالامىز. باس نىسانانى جالعاستى تياناقتاندىرىپ، قىستاق تۇرعىندارىنىڭ كىرسىن جوعارىلاتىپ، دوڭگەلەك داۋلەتتى تۇرمىسقا بىرگە قادام تاستايمىز».

بەرىپ كەت ورامالىڭدى

دوستار

الىستاعى اق ەركە