جاڭا حابارلار

قارتتار قورەكتىك تولىقتاۋدا كوڭىل بولۋگە ءتيىستى 11 ءتۇيىن

    كەلۋ قاينارى: شينجياڭ حالىق راديو ىستانسياسى    2018-07-04 21:43:30  

 1. مولشەرى ازىراق بولسىن. قارتتار ءار رەتكى تاماق مولشەرىن جاس كەزىندەگىسىنەن 10 پايىز  اينالاسىندا ازايتۋمەن بىرگە، از-ازدان كوپ رەتكە تاقىل -تاقىل  تاماقتانۋعا كەپىلدىك ەتۋ كەرەك.     2. ساپاسى جاقسىراق بولسىن.بەلوك قارتتار دەنەسىنىڭ قالىپتى زات الماسۋى مەن دەنە قۋاتىن كۇشەيتۋدە ماڭىزدى رول اتقارادى. قارتتار ادەتتە ءار كيلوگرام سالماعىنا ءبىر  گرام بەلوك قاجەتسىنەدى، سوندىقتان بالىق، ەت، جۇمىرتقا، ءسۇت، بۇرشاق تەكتەس ساپالى بەلوكتىك ازىقتىقتاردى كوبىرەك تۇتىنۋ كەرەك.     3. كوكونىس كوبىرەك بولسىن. كوكونىستى كوبىرەك تۇتىنۋ جۇرەك پەن قان تامىردى قورعاپ، راكتىڭ الدىن الۋعا پايداسى زور، قارتتار كۇنىنە از دەگەندە 250 گرام كوكونىس جەۋ كەرەك.     4. تاماقتىڭ تۇزى ازىراق بولسىن. تۇزدى كوپ تۇتىنعاندا بۇيرەكتىڭ جۇگىن اۋىرلاتىپ، تۇماۋ باكتەريالارىنىڭ تىنىس جولىندا ءوسىپ-وربۋى مەن كەڭەيۋىنە وراي جاراتىلادى. سوندىقتان قارتتار ءار كۇنگى تۇز مولشەرىن 5 گرامنان اسىرماعانى ءجون.     5. تاماقتىڭ ءتۇرى مول بولسىن. ەتتى-ەتسىز قۋرىلعان كوكونىس، اق استىق، قارا استىق تاعامدارىن ارالاستىرىپ تۇتىنۋ كەرەك، ءتۇرى قانشا كوپ بولسا سونشا جاقسى. ءار كۇنگى نەگىزگى جانە قوسىمشا تاعام  10 تۇردەن (دامدەندىرگىشتەردىڭ سىرتىندا) كەم بولماعانى ءجون.     6. تاماق تاتىمدى بولسىن. بۇل جەردەگى «تاتىمدى» دەگەنىمىز تۇز، دامدەندىرگىشتەردى كوپ  تۇتىنۋ دەگەندىك ەمەس، قايتا سارىمساق، جەمجەمىل سياقتى تابيعي دامدەندىرگىشتەرمەن تاماقتىڭ ءدامىن كەلتىرۋ دەگەندىك. ادامنىڭ بەس مۇشەسى جالعاسىپ تۇرادى، سوندىقتان ءيىس سەزىمى ارقىلى ءدام جاعىنداعى كەمدىكتى تولىقتاۋعا بولادى. تاماقتىڭ مۇرىن جارعان جاعىمدى ءيىسى قارتتاردىڭ تابەتىن ارتتىرارى داۋسىز.     7.تاماق ىستىقىراق بولسىن. قارتتار سۋىق، شيكى تاعامداردى جەۋدەن ساقتانۋ كەرەك، اسىرەسە قىس كۇندەرىندە ءتىپتى دە سولاي.     8. تاماق سۇيىقتاۋ بولسىن. كۇرىش  سۋىن كوبىرەك قۇيىپ، بوتقا  ەتىپ پىسىرعاندا وڭاي قورتىلىپ، ءسىڭىمدى بولادى. بىراق ءار رەتكى تاماقتا بوتقا ىشۋگەدە بولمايدى.     9. تاماقتى اقىرىنىراق جەۋ كەرەك. ابدەن شايناپ جەگەندە تويۋ سەزىمىن كۇشەيتۋمەن بىرگە ارتىق جەۋدەن ساقتانىپ، اس قورتۋ  جاقسارادى.     10. تاڭەرتەڭگى تاماق جاقسىراق بولسىن. تاڭەرتەڭگى تاماق ءبىر كۇندىك ەنەرگيا مولشەرىنىڭ 30-40 پايىزىن  يەلەيتىندىكتەن، ساپاسى جانە ازىقتىق قۇنى جوعارىراق بولعانى ءجون، مايعا پىسىرىلعان، قاتقىل نەمەسە تىتىركەندىرگىشتىگى كۇشتى تاعامداردى تاڭەرتەڭ استە جەمەگەن ءجون.     11. كەشكى تاماقتى ەرتەرەك جەۋ كەرەك.قارتتاردىڭ ەڭ ۇيلەسىمدى كەشكى تاماق ۋاقىتى تۇستەن كەيىنگى 6 مەن 7 ارالىعىندا بولۋى، تۇندە ازىراق جەۋى نەمەسە جەمەۋى كەرەك.


بەرىپ كەت ورامالىڭدى

دوستار

الىستاعى اق ەركە