جاڭا حابارلار

 توعىزتاراۋ اۋدانى اعارسىن قالاشىعىنىڭ بەسسالا قىستاعىنداعى جۋ جۇڭچاۋ ءوزى قارجى دايىنداپ سەمەنت تەحنولوگيا بۇيىمدارى زاۆوتىن قۇرعاننان كەيىن، ماڭىنداعى قىستاق تۇرعىندارىن بىرلىكتە كىرىستى ارتتىردى

    كەلۋ قاينارى: شينجياڭ حالىق راديو ىستانسياسى    2018-07-04 22:43:29  

 ىلە راديو ستانسياسىنىڭ ءتىلشىسى لي يان مەن توعىزتاراۋ راديو ستانسياسىنىڭ ءتىلشىسى يان چيڭنىڭ حابارى  
 توعىزتاراۋ اۋدانى اعارسىن قالاشىعىنىڭ بەسسالا قىستاعىنداعى جۋ جۇڭچاۋ ءوزى قارجى دايىنداپ سەمەنت تەحنولوگيا بۇيىمدارى زاۆوتىن قۇرعاننان كەيىن، ماڭىنداعى قىستاق تۇرعىندارىن بىرلىكتە كىرىستى ارتتىرىپ، اۋقاتتانۋعا باستاپ، كۇرەس جاساۋ ارقىلى باقىتتى تۇرمىسقا كەنەلدى،    توعىزتاراۋ اۋدانى اعارسىن قالاشىعىنىڭ بەسسالا قىستاعىنداعى سەمەنت تەحنولوگيا بۇيىمدارى زاۆوتىندا، جۋ جۇڭچاۋ جۇمىسشىلارمەن بىرگە تەحنولوگيا بۇيىمدارىن مۇقيات جوندەپ، ولارعا سىر بۇركىپ، تاپسىرىستى ۇلگىرتۋمەن قاربالاس بولدى. ەندەشە ، وسى قىستاقتاعىلار قالايشا سەمەنت تەحنولوگيا بۇيىمىن جاساۋمەن شۇعىلدانادى؟ جۋ جۇڭچاۋدىڭ ايتۋىنا قاراعاندا،   2008 - جىلى، اراق زاۆوتىندا قىزمەت ىستەيتىن ول كەزدەيسوق ءبىر ورايدا  سەمەنت كوركەمونەر بۇيىمدارىمەن جانامالاي ارالاسىپ قالادى، ول سەمەنتتەن كوزدىڭ جاۋىن الاتىن  ادەمى بۇيىم جاساۋ ونەرىنە  تاڭ قالۋمەن بىرگە،  وسى كاسىپكە اڭسارى بارىنشا اۋادى. ىلە وبلىسىنىڭ   اۋدان، قالالارىندا  وسى كاسىپپەن  ەشكىم شۇعىلدانباعانىن  ۇعىسقان ول تەكسەرگەننەن كەيىن ءوزى قارجى دايىنداپ، زاۆود قۇرىپ، سەمەنت تەحنولوگيا بۇيىمدارىن وندىرە باستايدى. كاسىپ اشقان العاشقى مەزگىلدە قارجى جەتىسپەگەندە،  جان - جاققا شاپقىلاپ اقشا توپتاپتى. ول بىلاي دەدى: « مەنى ەرەكشە تەبىرەنتكەن ءبىر قىزمەتتەسىم بولدى، ول مەنىڭ وسى نىسانمەن اينالىسقانىمدى بىلگەننەن كەيىن دەر كەزىندە كومەك قولىن سوزىپ، 20 مىڭ يۋان اقشانى ەسەپ نومىرىمە جىبەردى،  ول مەنىڭ ءدال سول كەزدەگى  قيىنشىلىعىمدى تۇسىنىپ، قىسىلعاندا قول ءۇشىن بەردى».    جۇمىستى باستاۋعا قاجەتتى قارجى تابىلعاننان كەيىن، جۋ جۇڭچاۋ تەز ارادا زاۆوتتى قۇردى، ادام جەتىسپەگەندە ءوزى ىستەدى، سەمەنت تەحنولوگيا بۇيىمدارىن جاساۋ وتە لاس ءارى ادامدى قاتتى شارشاتاتىن جۇمىس ەدى، الايدا ول ءتىسىن - تىسىنە باسىپ تاباندىلىق ىستەدى. جاساعان تەحنولوگيا بۇيىمدارى ادەمى، ءوزى سەنىمدى بولعاندىقتان، ونىڭ تاپسىرىسى بارعان سايىن كوبەيىپ، 2014 - جىلى  سەمەنت تەحنولوگيا بۇيىمدارى زاۆوتىنىڭ جىلدىق تيجارات سوماسى ءبىر ميلليون يۋانعا جەتتى. زاۆوت اقشا تاپقاندا، ول اۋىلداستارىن بىرگە اۋقاتتاندىرۋدى ەسىنەن شىعارماي، 10 نەشە اۋىلداسىن  ءوزىنىڭ قاتارىنا قوستى. زاۆوتتىڭ جۇمىسشىسى جۋ فۋشان بىلاي دەدى: « مەنىڭ بۇل جەردە ىستەگەنىمە 3 تە 4 جىل بولدى، ايىنا 5 مىڭ يۋاننىڭ ۇستىندە ەڭبەكاقى الامىن، ۇيىمە دە جاقىن، وتباسىما دا قارايلاسا الامىن».    2017 - جىلى، جۋ جۇڭچاۋدىڭ سەمەنت تەحنولوگيا بۇيىمدارى زاۆوتىنىڭ تيجارات سوماسى ءبىر ميلليون 700 مىڭ يۋاننان استى، بيىل، ول تاعى جابدىق ساتىپ الىپ، زاۆوتتىڭ كولەمىن كەڭەيتتى، تيجارات ەتەتىن ونىمدەرىنىڭ ءتۇرى دە 10 نەشەگە جەتىپ، باۋ - باقشا، قالا كورىنسى سياقتى كوپتەگەن سالاعا سايدى. جۋ جۇڭچاۋ زاۆوت ءۇيىنىڭ كولەمىن جالعاستى كەڭەيتىپ، كۇرەس جاساۋ بارىسىندا، ءومىرىنىڭ قۇنىن ايگىلەيتىندىگىن  ايتا كەلىپ بىلاي دەدى:« مەملەكەت تاس جولى  316 - لەنياسىنىڭ بويىنان ءبىر ورىندى  تاڭداپ قويدىم، ول جەردەن ارناۋلى ءونىم تانىستىرۋ رايونىن اشىپ، ونى باقشا، زاۆوت ۇلگىسىندەگى كورمە رايونى ەتىپ سالىپ، اناعۇرلىم كوپ ادامنىڭ ونىمدەرىمىزگە نازار اۋدارۋىنا مۇمكىندىك جاساپ، ونىمدەرىمىزدىڭ اتىن شىعارامىن».         


بەرىپ كەت ورامالىڭدى

دوستار

الىستاعى اق ەركە