جاڭا حابارلار

كەي ادامدار نەلىكتەن ۇنەمى ماجاۋراپ جۇرەدى

    كەلۋ قاينارى: ءتاڭىرتاۋ تورابى    2018-07-05 18:14:15  

  كوپ ۇيىقتاعان بولسا دا، ادام نەلىكتەن ۇنەمى ماجاۋراپ تۇرادى؟ بۇل كوپتەگەن ادامنىڭ باسىن قاتىراتىن ماسەلەسىنە اينالعان بولۋى مۇمكىن. گەرمانيا «تولعاقتى تۇيىندەر جەلىسى» تورابى جۋىقتا ادامداردىڭ ۇنەمى ماجاۋراۋىنىڭ 8 ءتۇرلى سەبەبىن جيناقتاپ شىقتى. ەندەشە، قانە بىرلىكتە نازار سالايىق.   

1. قالقانشا بەزدە ماسەلە تۋىلعان بولۋى مۇمكىن. قالقانشا  بەز  گورمون ءبولىپ شىعارۋ ارقىلى زات الماسۋدى  رەتتەيدى. ەگەر قالقانشا بەز قىزمەتى السىرەسە، ءۇش يودتى قالقانشا بەز اممياك قىشقىلى مەن قالقانشا بەز گورمونىنىڭ ءبولىنىپ شىعۋى جەتكىلىكسىز بولىپ، قان تامىردىڭ ارەكەتى باياۋلاپ، ۇيقى باسۋ سياقتى بەلگىلەر كورىلۋى مۇمكىن. ەگەر قالقانشا بەز قىزمەتى قالىپسىز كۇشەيسە، ادامداردا جۇرەك قىسىلۋ، مازاسىزدانۋ جانە دارمەنسىزدەنۋ ءجايتى كورىلەدى. سوندىقتان ۇنەمى ماجاۋراۋ جاعدايى بايقالسا، شيپاحاناعا بارىپ، قالقانشا بەز قىزمەتىنىڭ قالىپتى-قالىپسىزدىعىن تەكسەرتۋ كەرەك.   

2. تەمىر  جەتىسپەۋ.   كوپتەگەن ايەلدەر دەنەگە تەمىر جەتىسپەسە، سوزىلمالى   قان ازدىق تۋىلۋى مۇمكىن. قىزىل كلەتكانىڭ دەنەنىڭ باسقا كلەتكالارىن وتتەگى مەن قامداۋى جەتكىلىكسىز بولعاندا، ادامدار ماۋجىراپ، زەيىن قۋاتى شوعىرلانبايدى نەمەسە وڭاي تۇماۋراتادى.     ايەلدەردە تەمىر جەتىسپەۋدىڭ سەبەبى وتە كوپ، نەگىزىنەن ەتەككىر مەزگىلىندە قان كوپ كەتۋدەن  نەمەسە ازىقتىقتىڭ قۇرامىندا تەمىر از بولۋدان بولۋى مۇمكىن. سوندىقتان ەت، كوكونىس، بۇرشاق سياقتى قۇرامىندا ۆيتامين C مول ازىقتىقتاردى  تولىقتاپ، تەمىردىڭ ءسىمىرىلۋىن ارتتىرۋ كەرەك.   

 3. اسىرە سەزىمتالدىققا قارسى دارىلەردى تۇتىنۋ. كوپتەگەن ادام  گۇل توزاڭىنا اسىرە سەزىمتال بولۋ سياقتى سەبەپتەردەن اسىرە سەزىمتالدىققا قارسى دارىلەردى  تۇتىنادى، الايدا  ءىشىنارا اسىرە سەزىمتالدىققا قارسى دارىلەر اسىرە سەزىمتالدىققا قارسى تۇرۋدان تىس، مي نەرۆ كلەتكاسىنا ىقپال جاساپ، ادامدى ماجاۋراتادى. سوندىقتان ءدارى ءىشۋدىڭ الدىندا ءدارى-دارمەكتىڭ ادامدى ماجاۋراتۋ-ماجاۋراتپايتىندىعىنا كوڭىل ءبولۋ نەمەسە كەشتە ءىشۋ كەرەك.  

 4. سۋدى وتە از ءىشۋ. زەرتتەۋلەردە سۋدى از ىشەتىن ادامداردىڭ ادەتتە ۇيقىسى جاقسى بولمايتىندىعى، ونىڭ ۇستىنە مۇنىڭ قاتەرلى اينالىم ەكەندىگى ايتىلعان. سوندىقتان ءار كۇنى، ەڭ جاقسىسى، 1.5 ليتر دە 2 ليتر سۋ ءىشىپ تۇرۋ كەرەك.   

 5. قانتتى نەسەپ اۋرۋىنا شالدىققان بولۋى مۇمكىن. 2-تۆپتى قانتتى نەسەپ اۋرۋىنا شالدىققانداردىڭ دەنەسىندەگى ينسۋلين گليۋكوزانى ەنەرگياعا اينالدىرۋ بارىسىندا ماسەلە تۋىلۋدان ناۋقاستاردا قالجىراۋ، دارمەنسىزدەنۋ سياقتى جاعدايلار  تۋىلادى. ەگەر  ماجاۋراۋدىڭ قانتتى نەسەپ اۋرۋىمەن قاتىستى بولۋىنان كۇماندانساڭىز، وندا دەر كەزىندە بارىپ شيپاگەرگە تەكسەرىلگەنىڭىز ءجون.  

6. ارەكەتتىڭ از بولۋى. شارشاپ-شالدىعۋ سەبەبىنەن ارەكەت جاساۋعا زاۋقى سوقپاۋ، بۇل قاتەرلى جاعداي بولۋى مۇمكىن. ويتكەنى دەنە ارەكەتىمەن شۇعىلدانعىسى كەلمەيتىن ادامدار ۇنەمى شارشاپ-شالدىعىپ تۇرادى،سوندىقتان بۇل داعدىنى بۇزىپ، كوبىرەك دەنە شىنىقتىرۋ كەرەك.  

 7. ۆيتامين B12 كەمشىل بولۋ. ەگەر دەنەدە ۆيتامين B12 جەتىسپەسە، قان ازدىق تۋىلىپ، ماجاۋراۋ، زەيىن قۋاتى شوعىرلانباۋ، ءوڭى بوزارۋ سياقتى جاعدايلار كورىلۋى مۇمكىن. ۆيتامين B12 نىڭ جەتىسپەۋى تاماقتانۋدىڭ قالىپسىزدىعى نەمەسە قورەكتىك قابىلداۋدىڭ كەدەرگىگە ۇشىراۋىنان بولۋى مۇمكىن، سوندىقتان قاجەت بولعاندا شيپاگەرگە كورىنۋ كەرەك.   

 8. ۇيلەسىمسىز  ۋاقىتتا كوفە، شاي ءىشۋ. كوفەنىڭ نەمەسە شايدىڭ قۇرامىنداعى كوفەيننىڭ رۋحتى سەرپىلتۋ رولى بولادى، الايدا تۇستەن كەيىن ىشكەننەن سوڭ تۇنگى ۇيقىعا ىقپال جاساپ، سول ارقىلى ۇيقى ءريتىمىن بۇلدىرەدى. سوندىقتان، رۋحتى سەرپىلتەتىن سۋسىنداردى ىشكەندە ۋاقىتقا كوڭىل ءبولىپ، تۇنگى دەمالىسقا ىقپال جەتكىزۋدەن ساقتانۋ كەرەك.


بەرىپ كەت ورامالىڭدى

دوستار

الىستاعى اق ەركە