جاڭا حابارلار

پارتيا قۇرىلىسىن مىقتى ۇستاپ، بىرىككەن كۇش ۇيىستىرىپ، كەدەيلىكتەن قۇتىلدىرۋدى جەبەدى

    كەلۋ قاينارى: شينجياڭ گازەتى    2018-07-06 19:37:14  

−اۆتونوميالى رايوندىق باس جۇمىسشى ۇيىمىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا اتۇش قالاسى اعۋ اۋىلى توعراق قىستاعىندا تۇراتىن قىزمەت اترەتى پارتيا پاچەيكاسى جونىندە
ءتىلشىمىز ميھىرگۇل ناسىر، ەرىكتى ءتىلشى نيۋ جىلۇڭ

 جىل باسىنان بەرى، اۆتونوميالى رايوندىق باس جۇمىسشى ۇيىمىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا اتۇش قالاسى اعۋ اۋىلى توعراق قىستاعىندا تۇراتىن قىزمەت اترەتى پارتيا پاچەيكاسى بۇقارانىڭ قيىن ماسەلەلەرىن دەن قويا شەشىپ، بۇقارانى ۋايىمنان ارىلتىپ، ناقتى، جاقسى ىستەر تىندىرىپ، بۇقارانىڭ القاۋىنا بولەندى. قىستاق تۇرعىندارى بىلاي دەدى: «قىزمەت اترەتى ءبىزدىڭ ەڭ جاقىن جان اشىرلارىمىز».
  تىلەك پەن بىلەكتى بىرىكتىرىپ، كەدەيلىكتەن قۇتىلدىردى
  توعراق قىستاعىنىڭ ادام باسىنا تۋرا كەلەتىن جەرى از، قىستاق تۇرعىندارىنىڭ سىرتقا شىعىپ جۇمىس ىستەۋى قيىن، كىرىستەرىن ارتتىرۋ ارناسى تار. وسىعان سايكەس، قىزمەت اترەتى پارتيا ياچەيكاسى قامال الۋ مىندەتىن ايقىنداپ، «ەكىدەن ۋايىمداماۋ، ءۇشتى قامتاماسىز ەتۋ» تالابىنا ساي، ءتۇرلى كۋرس بايلىقتارىن بىرىكتىرىپ، ينفورماتسيالىق قىزمەت كورسەتۋدى جانە كاسىپتەنۋگە جەتەكشىلىك ەتۋدى كۇشەيتىپ، تەحنيكالىق شەبەرلىككە باۋلۋ كۋرسى، سىرتقا شىعىپ جۇمىس ىستەۋ جانە اۋىلىنا قايتىپ شارۋاشىلىق قۇرۋ ءوزارا ىقپال ەتكەن جاڭا جاعدايدى بىرتىندەپ قالىپتاستىردى.
  كەدەي ەڭبەككۇشتەردىڭ جاقىن ماڭدا جۇمىسقا ورنالاسۋىن ىلگەرىلەتۋ ءۇشىن، اۆتونوميالى رايوندىق باس جۇمىسشى ۇيىمى قارجى قوسىپ، جاتاق، اس - سۋ، كۋرس، قيمىل، ەرەن بازار، ەلەكتروندى ساۋدا سياقتى كوپ ءتۇرلى قىزمەت كورسەتۋ ءبىر تۇلعالانعان «اعۋ اۋىلى شارۋا - جۇمىسكەرلەرگە قىزمەت كورسەتۋ ورتالىعىن» قۇرىپ، جەرگىلىكتى ورىنداعى قىستاق تۇرعىندارىن تەحنيكالىق شەبەرلىككە باۋلىپ، جۇمىسقا ورنالاستىردى.
  «مەنىڭ ءبىر جاقسى تۋىسىم بار، ول ايەلىم ەكەۋىمىزدىڭ قىزمەت تابۋىمىزعا بارىن سالدى، ءبىزدىڭ كىرىسىمىزدى ارتتىرۋ ءۇشىن از باس قاتىرعان جوق، ءبىزدىڭ ەندى قۇلشىنا ىستەمەۋىمىزگە قانداي سەبەپ بار؟ ماحمۇت وتباسىنداعى 5 جاننىڭ تەك ەكەۋى عانا ەڭبەككۇش. بىلتىر، ونىڭ جۇپ قۇراعان تۋىسى، قىزمەت اترەتى پارتيا ياچەيكاسىنىڭ شۋجيى ءانۋار ابدىراحىماننىڭ جان - جاقتى سايكەستىرۋىندە، ماحمۇت اتۇش شارۋا - جۇمىسكەرلەرگە قىزمەت كورسەتۋ ورتالىعىنان جاقسى قىزمەت تابادى، ايەلى دە تەحنيكالىق شەبەرلىككە باۋلۋ كۋرسىنا قاتىناسىپ، اۋدان قالاشىعىنداعى اسحانا كۇتۋشى بولىپ ىستەيدى.
  «ايەلىم ەكەۋىمىزدىڭ ءبىر ايلىق ايلىعىمىزدى قوسقاندا 5000 يۋانعا تايايدى، بۇل بۇرىنعى ەگىن ەككەنىمىزبەن سالىستىرعاندا الدەقايدا كوپ، وتباسىمىزدىڭ تۇرمىس شارت - جاعدايى دا ايتارلىقتاي جاقساردى، كەدەيلىك قالپاعىن تۇبىرىنەن الىپ تاستادىق» -، دەدى، ماحمۇت قۋانا.
  قىزمەت اترەتى پارتيا ياچەيكاسى تەز ءونىم بەرەتىن نىسانداردى اتقارىپ، ماتا وڭدەۋ فابريكاسىن باستاماشىلدىقپەن ەنگىزىپ، قىستاقتاعى 100دەن استام ارتىق ەڭبەككۇشتىڭ جاقىن ماڭنان جۇمىس تابۋىنا كومەكتەستى.
  نەگىزدى بەكەمدەپ، پارتيا قۇرىلىسىن مىقتى ۇستادى
  «اۋىل - قىستاق پارتيا ۇيىمدارى كەدەيلىكتەن قۇتىلدىرۋ ءبىرىنشى شەبىنىڭ ۇيتقى كۇشى، نەگىزگى ساتىنىڭ بەرىك جاۋىنگەرلىك قامالىن، ءسوز جوق، بەكەمدەپ، بۇقارانىڭ پارتياعا العىس ايتۋىنا، پارتيانىڭ سوزىنە قۇلاق اسۋىنا، پارتياعا ىلەسۋىنە مۇمكىندىك تۋدىرۋ كەرەك»، - دەدى ءانۋار.
  قىزمەت اترەتى پارتيا ياچەيكاسى مەن «قىستاق ەكى كوميتەتى» القاسى تىزە قوسا كۇرەس جاساپ، بۇقاراعا قىزمەت كورسەتۋدىڭ تۇگەلدەي قامتىۋىن ىسكە اسىردى. قىزمەت اترەتى پارتيا ياچەيكاسى «جۇمىسقا قاراي قىزمەت ورنىن ورنالاستىرۋ» قىزمەت ءتۇزىمىن شىعارىپ، «ۇعىسۋ، تيىمدىلىك جاساۋ، توعىستىرۋ» قىزمەت مىندەتىن اشالاپ، مىندەتتەردى قىزمەت ورنىنا دەيىن تياناقتاندىردى ءارى «قىزمەت ورنى بويىنشا گرۋپپاعا ءبولۋ» تالابىنا ساي، قىستاقتا تۇراتىن ءتۇرلى كۇشتەردى گرۋپپالارعا ءبولىپ، شاعىن اترەتتەردى گرۋپپالارعا ءبولىپ، بىرىگە «كۇرەس جاساپ» مىندەتتى ادامعا دەيىن تياناقتاندىرىپ، جاۋاپكەرلىكتى قىزمەت ورىندارىنا دەيىن ايقىندادى.
  قىزمەت اترەتى پارتيا ياچەيكاسىنىڭ جەتەكشىلىگىندە «قىستاق ەكى كوميتەتىنىڭ» ۇيىستىرۋ كۇشى بارعان سايىن كۇشەيدى، قىستاق تۇرعىندارى اسقاق سەنىممەن «قىستاق ەكى كوميتەتىنە» ىلەسە، بىرگە ىستەپ، كۇرەس ارقىلى تاعدىرلارىن وزگەرتۋگە بەل بايلادى، كەيبىر قىستاق تۇرعىندارى پارتيا ۇيىمىنا بەلسەنە جاقىندادى.
  قىزمەت اترەتىنىڭ جانە «قىستاق ەكى كوميتەتىنىڭ» پارتيالى كادرلارىنىڭ بۇقارانى كەدەيلىكتەن قۇتىلدىرىپ، اۋقاتتاندىرۋ ءۇشىن ىستەگەن شىنايى ۇلەستەرىنەن اسەرلەنگەن اۋقاتتانۋعا باستاۋشى تۇرعۇن قاۋىلدىڭ پارتياعا بولعان تانىمى ونان ارى تەرەڭدەپ، پارتياعا ىلەسۋ سەنىمى ونان ارى بەكەمدەلە تۇسەدى دە، قىستاق پارتيا ياچەيكاسىنا پارتياعا كىرۋ ءوتىنىشىن تاپسىرادى.
  تۇرعۇن بىلاي دەدى: ءبىزدىڭ وسىنداي باقىتتى كۇندەرىمىزدى پارتيا سيلاعان، مەن كوممۋنيستىك پارتيا مۇشەسى بولۋدى، اۋىلداستاردى بىرگە اۋقاتتانۋعا باستاپ، توعراق قىستاعىنىڭ كەدەيلىكتەن قۇتىلدىرۋدان قامال الۋى ءۇشىن اناعۇرلىم مول ۇلەس قوسۋدى ارماندايمىن.
  «قان بەرۋدى» «قان جاساۋعا» وزگەرتتى
  «نەگىزگى ساتى پارتيا قۇرىلىسى مەن كەدەيلىكتەن قۇتىلدىرۋدان قامال الۋدى ۇشتاستىرۋ − جان - جاقتىڭ كۇشىن ۇيىستىرىپ، كەدەيلىكتەن قۇتىلىپ اۋقاتتانۋدى جانە پارتيا قۇرىلىسىن كۇشەيتۋدى تەڭ ىلگەرىلەتكەندىك سانالادى»، - دەدى ءانۋار.
  اۆتونوميالى رايوندىق باس جۇمىسشى ۇيىمىنىڭ اعۋ اۋىلىنداعى 3 قىستاقتاعى تۇيىندە 30عا تارتا كادر بار، ولار ارحيۆ تۇرعىزىلىپ، كارتچكا جاسالعان 40تان استام كەدەي وتباسىمەن جۇپ قۇراپ كومەكتەستى. قىزمەت اترەتى پارتيا ياچەيكاسى «ۇلتتار ىنتىماعىنىڭ بەرەكەلى شاڭىراعى» قيمىلىن وراي دەپ ءبىلىپ، تۋىس بولعان كادرلاردىڭ كەدەي وتباسىلاردى سۇيەمەلدەۋ مەحانيزمىن ورناتىپ، پارتيا مەن بۇقارا، كادرلار مەن بۇقارا اراسىنداعى قاتىناستى نىعايتىپ، كەدەيلەردى سۇيەمەلدەۋ جانە پارتيا قۇرىلىسى قىزمەتىن تىعىز ۇشتاستىرىپ، ءوزارا جەبەپ، بىرگە يگىلىككە كەنەلدىردى.
  «تۋىستاسۋ قيمىلى ارقىلى ءبىز كەدەي وتباسىلاردى تاربيەلەۋ، ۇگىتتەۋ، جەتەكشىلىك ەتۋ تەبىنىن كۇشەيتىپ، كەدەي بۇقارانىڭ كۇتىپ وتىرۋ، ارقا سۇيەۋ، سۇرانۋ يدەياسىن ونان ارى وزگەرتىپ، كەدەي بۇقارانىڭ ءوز كۇشىنە سۇيەنىپ كەدەيلىكتەن قۇتىلۋ ارمانىن جانە ىشكى قوزعاۋشى كۇشىن تاسقىنداتىپ، كەدەيلىكتەن قۇتىلدىرۋدان قامال الۋ قىزمەتىن ىرىقسىز كۇيدەگى قان بەرۋدەن ىرىقتى كۇيدەگى قان جاساۋعا وزگەرتىپ، كەدەي بۇقارانىڭ كەدەيلىكتەن قۇتىلدىرۋدان قامال الۋدى تۇسىنەتىن، وعان ات سالىساتىن، قولداۋ كورسەتەتىن تاماشا ىقپالداستىقتى قالىپتاستىردى»، - دەدى ءانۋار. بۇقارانىڭ تىلەگىن ۇيىستىرعاندا عانا بىرىككەن كۇش قالىپتاستىرىپ، كەدەيلىكتەن قۇتىلدىرۋدان قامال الۋدى ويداعىداي جۇرگىزۋگە، ونان جەڭىسكە قول جەتكىزۋگە بولادى.


بەرىپ كەت ورامالىڭدى

دوستار

الىستاعى اق ەركە