جاڭا حابارلار

مۇكارام سادىق قىزمەت اترەتىنىڭ كادرلارىنا، ماعان كومەك قولىن سوزعان جاندارعا شىن جۇرەكتەن العىس ايتامىن دەدى

    كەلۋ قاينارى: شينجياڭ حالىق راديو ىستانسياسى    2018-07-06 10:23:43  

ستانسيامىزدىڭ ءتىلشىسى ليۋ چياڭنىڭ حابارى :
 حوتان ايماقتىق ساناق مەكەمەسىنىڭ قاراقاش اۋدانى كۇيا قالاشىعى پاۋان قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ مۇشەسىءپان ليپيڭ وتباسىلارىن ارالاۋ بارىسىندا، قىستاق ديحانى مۇكارام سادىقتىڭ قىزىنىڭ تۋما  دىبىس سەزگىش نەرۆ ساڭىراۋ  ەكەنىن بايقايدى.  ول جان-جاققا شاپقىلاپ سايكەستىرۋ ارقىلى  وپەراتسيا اقىسىن جينايدى، سوڭىندا بالاعا جاساندى ەلەكتروندىق قۇلاق ۇلۋى ءساتتى ورناتىلادى.  ستانسيامىزدىڭ ءتىلشىسى ليۋ چياڭنىڭ حابارى  ::  ءپان ليپيڭ مۇكارامنىڭ ۇيىندە تۇرعان كەزىندە، ونىڭ كىشى قىزى باھارگۇلدىڭ 2016-جىلى 6-ايدا تۋعاننان قازىرگە دەيىن ءتىلى شىقپاعانىن، سويلەي المايتىنىن بىلەدى. ءپان ليپيڭ كىشكەنتاي باھارگۇلگە جانى اشىپ، كەشتە بالانىڭ قاسىنا جاتادى، تۇندە بالانىڭ جىلاعانىنان ويانىپ ۇيقىسى بولىنگەنىمەن، ءبىراق ءپان ليپيڭعا كىشكەنتاي باھارگۇل ەمدەلسە ءتىلى شىعىپ سويلەي الاتىنداي سەزىلە بەرەدى. ءپان ليپيڭ: «انا بولعاندىقتان، بالاعا جانىم اشىدى، تۇندە بالانىڭ شەشەسى ەكەۋى مەنىڭ قاسىمدا جاتادى، بالانىڭ كەشتەگى جىلاعان داۋسىنان باسقا دىبىسى شىقپايتىننىن ەستىپ، كۇمانداندىم، بالانىڭ داۋىسى تۇپ-تۇنىق، ول شىنىندا ساقاۋ بولعانى ما،-دەدى. وسى كۇدىكپەن، ءپان ليپيڭ ەكىنشى كۇنى تاڭەرتەڭ ەرتە بالانى قاراقاش اۋداندىق شيپاحاناعا اپارىپ جان-جاقتىلى تەكسەرتەدى. قاراقاش اۋداندىق حالىق شيپاحاناسى بەس مۇشە ءبولىمىنىڭ شيپاگەرى مامەت ءيمىن بىلاي دەدى: جان-جاقتىلى تەكسەرگەننەن كەيىن، بالانىڭ  تۋما دىبىس سەزگىش نەرۆ ساڭىراۋ ەكەنىن بايقادىق. وسى وپەراتسيانى جاساۋدىڭ ەڭ جاقسى مەزگىلى 7 جاستان تومەن بالالار بولادى، بالانىڭ جاسى وپەراتسيا جاساۋعا نەداۋىر ۇيلەسەدى، ءوزى اقشا شىعارىپ ەمدەلەتىن بولسا، 200 مىڭ يۋان اينالاسىندا قارجى جۇمسالادى.   باھارگۇلگە  وپەراتسيا جاسايتىن بولسا ، ول  قالىپتى بالالارمەن بىردەي ەسەيىپ، تۇرمىس كەشىرەتىندىگىن ەستىگەن ءپان ليپيڭ مەن مۇكارام ەرەكشە قۋانادى، ءبىراق  قىرۋار ەمدەۋ اقىسى ول ەكەۋىن قاتتى تۇقىرجىلاتادى. مۇكارام سادىق: «قىزمەت اترەتىندەگىلەر بالامنىڭ ەمدەلۋىنە جىلۋ اتاپ، بالامدى ءۇرىمجى قالاسىنداعى شيپاحاناعا جەتكىزىپ، وپەراتسيا جاساتتى، قازىر بالامنىڭ جاعدايى وتە جاقسى، باسقا بالالارمەن بىرگە وينايتىن بولدى، ەرەكشە قۋانىشتامىن، قىزمەت اترەتىنىڭ كادرلارىنا، ماعان كومەك قولىن سوزعان جاندارعا شىن جۇرەكتەن العىس ايتامىن،-دەدى.  ءپان ليپيڭ بىلاي دەدى: وپەراتسيا جاساتىپ قايتىپ كەلگەننەن كەيىن، بالانىڭ دەنساۋلىعىنىڭ قالپىنا كەلۋىنە ەرەكشە نازار اۋدارامىن، بالانىڭ اقاۋسىز ەسەيىپ، بالالىق شاعىن شات-شادىمان، كوڭىلدى دە باقىتتى وتكىزۋىن تىلەيمىن.


بەرىپ كەت ورامالىڭدى

دوستار

الىستاعى اق ەركە