جاڭا حابارلار

وقىتۋشىلاردىڭ كاسىپتىك قابىلەت جارىسىنىڭ شينجياڭداعى ىرىكتەۋ جارىسى اياقتادى

    كەلۋ قاينارى: شينجياڭ حالىق راديو ىستانسياسى    2018-07-07 12:22:34  
ستانسيامىزدىڭ ءتىلشىسى دۇڭ جىيۇڭ، پراكتيكانت ءتىلشى گۋان شياۋشياۋ، لي ۋيداردىڭ حابارى: 7-ايدىڭ 6-كۇنى تۇستەن بۇرىن، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ۇيىمداستىرعان تۇڭعىش كەزەكتى شينجياڭ تەحنيك جۇمىسشىلار مەكتەپتەرى وقىتۋشىلارىنىڭ كاسىپتىك قابىلەتى جارىسى جانە تۇڭعىش كەزەكتى مەملەكەتتىك تەحنيك-جۇمىسشىلارى مەكتەبى وقىتۋشىلارىنىڭ كاسىپتىك قابىلەت جارىسىنىڭ شينجياڭداعى ىرىكتەۋ جارىسى ءۇرىمجى قالاسىندا اياقتادى.
وسى رەتكى جارىس ماشينا ءتۇرى، توكشى-ەلەكترون ءتۇرى، ينفورماتسيا ءتۇرى، مادەنيەت كوركەمەونەر جانە ۋنيۆەرسال ءتۇرى، الەۋمەتتىك ءتۇر سياقتى 9 ءىرى ءتۇر بويىنشا جەكە-جەكە وتكىزىلدى جانە باعالانىپ سيلاندى. مۇندا جارىسقا قاتىناسۋشىنىڭ وقىتۋدى جوبالاۋ قابىلەتىن، تاعى ءاماليات بارىسىندا مەڭگەرۋ قابىلەتىن، ويلاۋ قابىلەتىن جانە جاسامپازدىق قابىلەتىن باقىلاۋ جارىستىڭ مازمۇنى بولدى.
شينجياڭ قاتىناس تەحنيكوتەرىن تاربيەلەۋ ينستيتۋتىنىڭ جارىسقا قاتىناسقان شەبەرى جيا ويىنشەشىك قاتىناس تۇرىندەگى جارىسقا قاتىناستى، ساباق سويلەۋ سايىسىندا، ول PPT مەن كەسكىن سياقتى كوپ مەديالى ءتاسىلدى اۆتوكولىكتىڭ ەلەكتر جابدىقتارىن ريمونتتاۋ ساباعىنا تولىق پايدالانىپ، وزىق ءارى قولدانىلمالى اۆتوكولىك ريمونتتاۋ تەحنيكاسىن ايگىلەپ، باعالاۋشىلاردىڭ ءبىر اۋىزدان مويىنداۋىنا يە بولىپ، سوڭىندا قاتىناس تۇرىندەگى جارىستىڭ اعا جۇلدەگەرلىگىن جەڭىپ الدى، ول الدا شينجياڭ اتىنان مەملەكەتتىك جارىسقا قاتىناسادى. جيا ويىنشەشىك بىلاي دەدى: «كاسىپتىك ونەر جارىسىنا قاتىناسۋ ارقىلى، كاسىپتىك ونەرىم ءتىپتى ۇشتالدى. ۇزدىكسىز قۇلشىنۋ جانە تاربيەلەنۋ ارقىلى، مەملەكەتتىك جارىستا مۇنان دا جاقسى ناتيجەگە قول جەتكىزەمىن، ءارى ءتىپتى جاقسى جەتىستىكتەردى الا كەلىپ، وقۋشىلارما ۇيرەتەمىن.
ۇعىسۋعا قاراعاندا، وسى رەتكى جارىستا اعا جۇلدەگەرلىككە يە بولعان 9 شەبەر شينجياڭ اتىنان مەملەكەتتىك تەحنيك جۇمىسشىلارى مەكتەپتەردىڭ وقىتۋشى، جۇمسشى-قىزمەتكەرلەر قابىلەت جارىسىنا قاتىناسادى ەكەن. سونىمەن بىرگە ءار ءتۇر بويىنشا ءبىرىنشى، ەكىنشى، ءۇشىنشى دارەجەلى جۇلدە العاندار ءبىر دارەجە جوعارى كاسىپتىك اتاققا يە بولادى ەكەن. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تەحنيكتەردى تاربيەلەۋ، جەتەكشىلىك ەتۋ ورتالىعىنىڭ مەڭگەرۋشىسى لياڭ پيڭ: «وسى رەتكى كاسىپتىك قابىلەت جارىسى رايونىمىزدا تۇڭعىش رەت وتكىزىلىپ وتىر، جارىس جاسامپازدىققا يە، ءبىزدىڭ الداعى جەردە تەحنيكتەردى تاربيەلەپ دامىتۋىمىز جونىنەن العاندا كەزەڭدىك رول اتقارادى. بۇدان بىلاي ءبىز تەحنيك جۇمىسشىلار مەكتەبى وقىتۋشىلار جارىسى قيمىلىن وتكىزۋ تەبىنىن ارتتىرىپ، تەحنيكتەردى تاربيەلەۋدىڭ تىڭ جاسامپازدىققا يە قىزمەتىن ويداعىداي ىستەيمىز»،-دەدى.

بەرىپ كەت ورامالىڭدى

دوستار

الىستاعى اق ەركە