جاڭا حابارلار

شينجياڭ كەدەيلەردى سۇيەمەلدەۋ سالاسىنداعى ءىرىپ-شىرۋگە جانە ستيل ماسەلەسىنە ساياتىن 8 تيپتىك دەلونى اشىق جاريالادى

    كەلۋ قاينارى: شينجياڭ حالىق راديو ىستانسياسى    2018-07-07 12:41:13  
ستانسيامىزدىڭ حابارى: تاياۋدا، اۆتونوميالى رايوندىق ءتارتىپ تەكسەرۋ باقىلاۋ-تەكسەرۋ كوميتەتى كەدەيلەردى سۇيەمەلدەۋ سالاسىنداعى ءىرىپ-شىرۋگە جانە ستيل ماسەلەسىنە ساياتىن 8 تيپتىك دەلونى اشىق جاريالادى. بۇل 8 تيپتىك دەلو مىنالار:
1. اراسان اۋدانى اڭگىلىك قالاشىعى تولى قىستاعى پارتيا ياچەيكاسىنىڭ بۇرىنعى شۋجيى ما شىنحۋانىڭ كەدەيلەردى سۇيەمەلدەۋگە بەرىلگەن كومەك اقشانى باسقاعا جۇمساۋ، يەمدەنىپ الۋ سياقتى ماسەلەسى. 2014-جىلى، ما شىنحۋا قوي ساتىپ الۋ راسمياتىن جالعاننان جاساۋ ءتاسىلى ارقىلى اسىل تۇقىمدى ساۋلىققا بەرىلەتىن 60 مىڭ يۋان كومەك اقشانى جەكە يەمدەنىپ العان؛ كەدەيلەردى سۇيەمەلدەۋگە بەرىلەتىن ساۋىن سيىر نىسانى قارجىسىنان 86 مىڭ يۋاندى الىپ قالىپ، ونى سيىر ساتىپ الۋ بارىسىندا شىعىن بولعان تاماق، جاتىن ورىن، قاتىناس اقىسى سياقتى قاراجاتتاردى تولەۋگە جۇمساعان. 2017-جىلى 8-ايدا، ما شىنحۋا كەدەيلەردى سۇيەمەلدەۋگە بەرىلگەن سيىرلاردى باعۋعا بەرىلەتىن قاراجاتتان 166 مىڭ 20 يۋاندى زاڭسىز الىپ قالىپ، ونىڭ 110 مىڭ يۋانىن قىستاق كوميتەتىنىڭ كۇندەلىكتى شىعىمىنا جۇمساپ، 56 مىڭ 200 يۋانىن جەكە يەمدەنىپ العان. بۇدان سىرت، ما شىنحۋادا تاعى باسقا دا زاڭ-تارتىپكە قايشى اۋىر ماسەلە ساقتالعان. 2018-جىلى 4-ايدا، ما شىنحۋاعا پارتيادان ايداۋ جازاسى بەرىلىپ، ونىڭ زاڭعا قايشى قىلمىستى ماسەلەسى ءادىليا ورگانىنىڭ زاڭ بويىنشا ءبىرءجايلى ەتۋىنە تاپسىرىلدى.
2. حوتان اۋدانى ساعىزكول اۋىلدىق پارتكومنىڭ بۇرىنعى مۇشەسى، ورىنباسار اۋىل باستىعى ياڭ ميننىڭ كەدەيلەردى سۇيەمەلدەۋ نىسانى ينجەنەرياسىنان تيىمدىلىك الۋ سياقتى ماسەلەسى. 2017-5-ايدا، ياڭ مين 2016-جىلعى بەيقۇت ءۇي سالىپ، حالىقتى اۋقاتتاندىرۋ ينجەنەرياسى قارجىسىنىڭ ەسەبىن جابۋ قولايلىلىعىنان پايدالانىپ، بەلگىلى قۇرىلىس قوجايىنىنان 60 مىڭ يۋان تيىمدىلىك اقىسىن العان. بۇدان سىرت، ياڭ ميندا تاعى باسقا دا زاڭ-تارتىپكە قايشى اۋىر ماسەلە ساقتالعان. 2018-جىل 5-ايدا، ياڭ مينگە پارتيادان، قىزمەتتەن ايداۋ جازاسى بەرىلىپ، ونىڭ زاڭعا قايشى قىلمىستى ماسەلەسى ءادىليا ورگانىنىڭ زاڭ بويىنشا ءبىر ءجايلى ەتۋىنە تاپسىرىلدى.
3. توقسۋ اۋدانى ءىش ارىق قالاشىعى ويمالى قىستاعى پارتيا ياچەيكاسىنىڭ بۇرىنعى شۋجيى قۇربان مامەتتىڭ بەيقۇت ءۇي سالىپ حالىقتى اۋقاتتاندىرۋ ينجەنەرياسىنا بەرىلگەن كومەك اقشانى زاڭسىز الۋ سياقتى ماسەلەسى. 2014-جىلدان 2015-جىلعان دەيىن، قۇربان مامەت بەلگىلەمەگە قايشىلىق جاساپ قۇنى 45 مىڭ 400 يۋاندىق كەدەيلەردى سۇيەمەلدەۋ زاتىن كەدەي ەمەس وتباسىلارعا تاراتقان. 2016-جىلى، قۇربان مامەت بەيقۇت ءۇي سالىپ حالىقتى اۋقاتتانىرۋ ينجەنەرياسىنا بەرىلگەن 61 مىڭ يۋان كومەك اقشانى باسقالاردىڭ اتىمەن زاڭسىز الىپ، جەكە يەمدەنىپ العان. بۇدان سىرت، قۇربان مامەتتە تاعى باسقا دا زاڭ-تارتىپكە قايشى اۋىر ماسەلە ساقتالعان. 2018-جىل 5-ايدا، قۇربان مامەتكە پارتيادان ايداۋ جازاسى بەرىلىپ، ونىڭ زاڭعا قايشى قىلمىستى ماسەلەسى ءادىليا ورگانىنىڭ زاڭ بويىنشا ءبىر ءجايلى ەتۋىنە تاپسىرىلدى.
4. ماكىت اۋدانى قۇرما اۋىلى تام ءدوڭ قىستاعى پارتيا ياچەيكاسىنىڭ بۇرىنعى شۋجيى داۋىت اۋىتتىڭ بەلگىلەمەگە قايشىلىق جاساپ، كەدەيلەردى سۇيەمەلدەۋگە بەرىلەتىن ءوسىمدى قارىز اقشانىءبىتىرۋ سياقتى ماسەلەسى. 2013-جىلدان 2014-جىلعا دەيىن، داۋىت اۋىت قىزمەت قولايلىعىنان پايدالانىپ، 5 كەدەي وتباسىنىڭ اتىمەن كەدەيلەردى سۇيەمەلدەۋگە بەرىلەتىن 140 مىڭ يۋان ءوسىمدى قارىز اقشانى ءبىتىرىپ، ونى ءوزىنىڭ باعىمشىلىق قورا-قالتقى قۇرىلىسىنا پايدالانعان. بۇدان سىرت، داۋىت اۋىتتا تاعى باسقا دا زاڭ-تارتىپكە قايشى اۋىر ماسەلە ساقتالعان. 2018-جىل 4-ايدا، داۋىت اۋىتقا پارتيادان ايداۋ جازاسى بەرىلىپ، زاڭعا قايشى قىلمىستى ماسەلەسى ءادىليا ورگانىنىڭ زاڭ بويىنشا ءبىر ءجايلى ەتۋىنە تاپسىرىلدى.
5. شەريا اۋدانى ۇلىساي اۋىلدىق پارتكومنىڭ بۇرىنعى ورىنباسار شۋجيى، اۋىل باستىعى مامەتجان ماتتۇردىنىڭ بەيقۇت ءۇي سالىپ، حالىقتى اۋقاتتاندىرۋ قۇرىلىسى قارجىسىن باسقاعا جۇمساۋ، يەمدەنىپ الۋ سياقتى ماسەلەسى. 2016-جىلى 12-ايدا، مامەتجان ماتتۇردى باسقالارمەن بىرلەسىپ تالوندى جالعاننان كەسۋ تاسىلىمەن، ۇلىساي اۋىلىنىڭ 2015-جىلعى بەيقۇت ءۇي سالىپ حالىقتى اۋقاتتاندىرۋ ينجەنەرياسىنىڭ نەگىزگى قۇرىلعى قۇرىلىسى نسىانىنا بەرىلگەن 118 مىڭ يۋان اقشانى زاڭسىز الىپ، مۇنىڭ 108 مىڭ يۋانىن جەردى تەگىستەۋ، اۋىلدىق ۇكىمەت اسحاناسىنىڭ كۇندەلىكتى شىعىسى سياقتىلارعا پايدالانىپ، 10 مىڭ يۋانىن جەكە يەمدەنىپ العان. بۇدان سىرت، مامەتجان ماتتۇردىدا تاعى باسقا دا زاڭ-تارتىپكە قايشى اۋىر ماسەلە ساقتالعان. 2018-جىل 5-ايدا، مامەتقان ماتتۇردىعا پارتياداعى، قىزمەتتەگى مىندەتىنەن قالدىرۋ جازاسى بەرىلىپ، دارەجەسى باسشىلىق مىندەتى جوق ورىنباسار ءبولىم دارەجەسىنە ءتۇسىرىلدى.
6. بۋرىلتوعاي اۋدانى كوكاعاش اۋىلى اقوتكەل قستاعى پارتيا ياچەيكاسىنىڭ بۇرىنعى شۋجيى قۇداكەلدى ماجەن ۇلىنىڭ بەلگىلەمەگە قايشىلىق جاساپ، بەيقۇت ءۇي سالىپ حالىقتى اۋقاتتاندىرۋ ينجەنەرياسىنا بەرىلگەن كومەك قاراجاتتان يگىلىكتەنۋ سياقتى ماسەلەسى. 2014-جىلى 4-ايدان 2015-جىلى 5-ايعا دەيىن، قۇداكەلدى ماجەن ۇلى قىزمەت قولايلىلىعىنان پايدالانىپ، باسقالاردىڭ اتىن جامىلىپ، بەيقۇت ءۇي سالىپ حالىقتى اۋقاتتاندىرۋ ينجەنەرياسىنا بەرىلەتىن قوسىمشا قاراجاتتان 35 مىڭ 300 يۋاندى بەلگىلەمەگە قايشىلىق جاساپ يگىلىكەنگەن؛ شارتقا ۇيلەسپەيتىن ەكى تۋىسىنىڭ وتباسىنا بەيقۇت ءۇي سالىپ حالىقتى اۋقاتتاندىرۋ ينجەنەرياسىنا بەرىلەتىن 72 مىڭ 500 يۋان كومەك قاراجاتتان بەلگىلەمەگە قايشىلىق جاساپ، قايتالاي يگىلىكتەندىرگەن. 2018-جىلى قۇداكەلدى ماجەن ۇلىنا پارتيادا قالدىرىپ،ءبىر جىل باقىلاۋ جازاسى بەرىلدى.
7 . موڭعۇلكۇرە اۋدانى اقدالا قالاشىعىنىڭ بۇرىنعى ورىنباسار باستىعى مۇرات جۇمان ۇلىنىڭ اپاتتان قۇتقارۋ ارناۋلى قارجىسىن باسقاعا جۇمساۋ ماسەلەسى. 2014-جىلدان 2016-جىلعا دەيىن، مۇرات جۇمان ۇلى قالاشىقتىڭ حالىق ىستەر قىزمەتىنە جاۋاپتى بولىپ تۇرعان كەزىندە، قىزمەتكەرلەرگە جول كورسەتىپ، «اپاتقا ۇشىراعاندارعا بەرىلەتىن تۇرمىستىق قۇتقارۋ قاراجاتىن تىزىمدەۋ كەستەسىن» جالعاننان تولتىرتىپ، اپاتتان قۇتقارۋعا بەرىلگەن 32 مىڭ 500 يۋان ارناۋلى كومەك اقشانى زاڭسىز الىپ، ونى اۋىلدىق ۇكىمەت اسحاناسىنىڭ كۇندەلىكتى شىعىمى سياقتى قاراجاتتارعا جۇمساعان. 2018-جىلى، مۇرات جۇمان ۇلىنا پارتيادا قالدىرىپ، ءبىر جىل باقىلاۋ جازاسى بەرىلىپ، دارەجەسى ءجاي قىزمەتكەرگە ءتۇسىرىلدى. 8. يانجي اۋدانى بەيداچۇي اۋىلى ليۋداحۋ قىستاعى پارتيا باس ياچەيكاسىنىڭ بۇرىنعى ورىنباسار شۋجيى ۋالي ءشارىپتىڭ كەدەيلەردى سۇيەمەلدەۋگە بەرىلەتىن ارناۋلى قارجىنى زاڭسىز الۋ ماسەلەسى. 2017-جىلى 10-ايدا، ۋالي ءشارىپ كەدەيلەردى سۇيەمەلدەۋگە بەرىلەتىن قوي ساتىپ الۋعا جاۋاپتى بولۋ ورايىنان پايدالانىپ، باسقالارمەن بىرلەسىپ قوي ساتىپ الۋ قارجىسىنان 34 مىڭ 900 يۋاندى زاڭسىز الىپ، 10 مىڭ يۋانىن ءوزى جەكە يەمدەنگەن. 2018-جىلى 5-ايدا، ۋالي شارىپكە پارتياداعى مىندەتىن قالدىرۋ جازاسى بەرىلدى.

بەرىپ كەت ورامالىڭدى

دوستار

الىستاعى اق ەركە