جاڭا حابارلار

 ءاحات يلىم مەن ۋي شيڭسان  دوستىق سەزىمى باياعىداي ىستىق مەيىرگە تولى بولدى

    كەلۋ قاينارى: شينجياڭ حالىق راديو ىستانسياسى    2018-07-08 11:33:04  

 ءاحات يلىم مەن ۋي شيڭسان بالا كەزىنەن بىرگە وسكەن ەدى، كەيىن قىزمەت سەبەبىنەن ەكەۋىنىڭ قارىم- قاتىناسى بىرتىندەپ الىستادى. 35 جىلدان كەيىن، ەكەۋى قايتا جولىققاندا ارالارىنداعى دوستىق سەزىمى باياعىداي ىستىق مەيىرگە تولى بولدى. وسىلايشا ولار اعايىندىق دوستىعىن جالعاستىرىپ، دامۋ جولىنا بىرگە ۇمتىلعان ۇلتتار ىنتىماعىنىڭ  ۇلگى جىرىن جازدى.  ەندى ستانسيامىزدىڭ ءتىلشىسى سۇن ۋيدىڭ حابارىن تىڭداڭىزدار:قازىر مەرەكە- مەيرامدا ءبىر- بىرىنە قىدىرىپ بارۋ، ماكىت اۋدانىنىڭ تۇرعىنى ءاحات يىلىم مەن تۇمشۇق  قالاسىنىڭ تۇرعىنى ۋي شيڭسان  وتباسىنداعىلاردىڭ داعدىسىنا اينالدى،  ەكى وتباسىنىڭ اڭگىمەسىن ۇزاق جىلدىڭ الدىنداعى ءبىر قىستان باستاپ ايتۋعا تۋرا كەلەدى. سول كەزدە ەكى وتباسى كورشى ەدى، بالالار بىرگە وينايتىن، ءبىر جولى ۋي شيڭساننىڭ 5 جاسار قارىنداسى ابايسىزدا مۇزدىڭ  جارىعىنا ءتۇسىپ كەتەدى، نەبارى 15 جاستاعى ءاحات يلىم دەرەۋ مۇزدىڭ جارىعىنا سەكىرىپ ءتۇسىپ ۋي شيڭساننىڭ قارىنداسىن قۇتقارىپ الادى، سول كەزدەن باستاپ ۋي شيڭسان ءاحات يلىممەن ماڭگىلىك اعايىن بولۋعا بەكىنەدى. وسىدان باستاپ ۋي شيڭسان مەن ءاحات يلىم ارالارىنان قىل وتپەيتىن جاقسى دوستارعا اينالىپ، ەكەۋى  مەكتەپكە بىرگە بارىپ، جازدىق دەمالىستا بىرگە جۇمىس ىستەپ اقشا تاۋىپ، ءبىر- بىرىنەن ەكى ەلى ايىرىلمايدى. كەيىن كەلە، ولار بىرتىندەپ ەرجەتىپ، ءاركىم ءوز جولىنا تۇسەدى. تەلەفون ءالى جالپىلاسپاعان مەزگىلدە ەكەۋىنىڭ قاتىناسى بىرتىندەپ الىستاي باستايدى. ءاحات يلىم: «ءبىزدىڭ تانىسقانىمىزعا 45 جىل بولدى، ءبىز بالا كەزىمىزدەن بىرگە ويناپ ەرجەتتىك، كەيىن كەلە ول ىشكى ولكەگە كەتتى، مەن دە ۇرىمجىگە بارىپ قىزمەت ىستەدىم، ول ىشكى ولكەگە كەتەردە مەن ونى  قيماعان ەدىم»،- دەدى.    قازىر ۋي شيڭسان مەن ءاحات يلىم  دوستىقتارىن بۇرىنعىدان دا قاستەرلەدى. اعايىندى ەكەۋى تىزە قوسا بىرلىكتە دامىپ، تۇرمىستارىن ۇزدىكسىز جاقسارتۋدى اقىلداستى. ولار  وزدەرىنىڭ ناقتى ارەكەتى ارقىلى بالالارىنا ىقپال ەتىپ، سوڭعى بۋىندارعا ۇلتتار ىنتىماعىنىڭ جاقسى ۇلگىسى بولۋعا بەكىندى. ءاحات يلىم: « مەن ارامىزداعى دوستىقتى ەرەكشە قادىرلەيمىن، بۇدان كەيىن ۇرپاقتارىمىزدى جالعاستى ىنتىماقتاسۋعا شاقىرىپ، ولاردى ۇلتتار ىنتىماعىن جاقسى قورعاۋعا، ۇلتتار ىنتىماعىنىڭ تۇقىمىن سەبۋگە باستاپ، بالالاردىڭ دا تىزە قوسا وتىرىپ، تاماشا دا باقىتتى تۇرمىستى جاراتۋىنا مۇمكىندىك جاسايمىن»،- دەدى.
 


بەرىپ كەت ورامالىڭدى

دوستار

الىستاعى اق ەركە