جاڭا حابارلار

ىلە وبلىسى ەمدەۋ رەفورماسىن تەرەڭدەتىپ، حالىق تۇرمىسىنا ۇزدىكسىز يگىلىك جاراتتى

    كەلۋ قاينارى: شينجياڭ حالىق راديو ىستانسياسى    2018-07-09 13:01:22  

ستانسيامىزدىڭ ءتىلشىسى حاميت، ىلە راديو ستانسياسىنىڭ ءتىلشىسى يۇي تيان، پراكتيكانت ءتىلشى شۇي ۋيفىڭنىڭ حابارى: ىلە وبلىسى ەمدەۋ رەفورماسىن تەرەڭدەتىپ، الەۋمەتتىك دەنساۋلىق ساقتاۋ قىزمەت وتەۋ دەڭگەيىن ۇزدىكسىز جوعارىلاتىپ، حالىق تۇرمىسىنا ۇزدىكسىز يگىلىك جاراتتى.
جۋىردا، چاپشال سىبە اۆتونوميالى اۋدانى جاعىستاي اۋىلدىق ەمحاناسىندا، 83 جاستاعى قارت نۇر مۇحپيار جوعارى قان قىسىمى ناۋقاسىمەن اۋرۋحاناعا جاتىپ ەمدەلدى. نۇر مۇحپيار تىلشىگە: «بۇرىن ەمدەلۋ قولايسىز بولاتىن، اۋدانعا بارۋعا تۋرا كەلەتىن، قازىر اۋىلدىق شيپاحانادا بىرنەشە كۇن جاتىپ ساۋىقتىم، شيپاحاناداعى ەمدەۋ قىزمەتكەرلەرىنىڭ تەحنيكاسى دا جوعارى ەكەن. قازىر ناۋقاس تەكسەرتۋ توتەنشە قولايلى»،-دەدى.
جاعىستاي اۋىلى اۋداننان 35 كيلومەتر شالعايدا، ەڭ الىس مال شارۋاشىلىق اۋىلى سانالادى. بۇرىن، اۋىلدىق ەمحانانىڭ ەمدەۋ شارت-جاعدايى شەكتەمەگە ۇشىراعاندىقتان، بۇقارا سىرقاتتانسا بولعانى اۋدانعا جۇگىرىپ، ەرەكشە قولايسىز-ەدى. سوڭعى جىلداردان بەرى، بۇقارانىڭ جاقىن ماڭنان ەمدەلۋىنە قولايلىلىق جاساۋ ءۇشىن، اۋىلدىق شيپاحانا جۇمساق جانە قاتتى بولشەك دەڭگەيىن ۇزدىكسىز جوعارىلاتىپ ەمدەۋ قىزمەتكەرلەرى بۇرىنعى 20 ادامنان ارتىپ، 70 ادامعا جەتىپ، ءتۇرلى ەمدەۋ تەكسەرۋ جابدىقتارى نەگىزىنەن تولىقتاندى. اۋىلدىق ەمحانانىڭ ورىنباسار باستىعى ايجامال راحمەتوللا قىزى: «قازىر B تيپتەگى اسىرە دىبىس تولقىنى اسپابى، رەنتىگەن اسپابى بار، 2016-جىلدان باستاپ جابدىقتار نەگىزىنەن تولىقتاندى، قازىر اۋرۋحانا باستىسى ۇستىڭگى تىنىس جولى قابىنۋىن، جوعارى قان قىسىمىن، سونداي-اق كوپ كەزىگەتىن اۋرۋلاردى وسى ارادا ەمدەيدى»،-دەدى.
«اقاۋسىز ىلەنىڭ» نۇرلى بولاشاعىن جۇزەگە اسىرۋ ءۇشىن، ىلە وبلىسى ەمدەۋ رەفورماسىن ۇزدىكسىز تەرەڭدەتىپ، نەگىزگى ساتى ەمدەۋ قىزمەت وتەۋ ساپاسىن جوعارىلاتۋعا كۇش سالىپ، بۇقارانىڭ ۇزاق جولعا شىقپاي-اق ەمدەلۋىنە مۇمكىندىك جاسادى. قۇلجا اۋداندىق حالىق شيپاحاناسى مەملەكەتتىك «ەكىنشى A دارەجەلى شيپاحانا»، 2013-جىلى، جياڭسۋدىڭ نانتۇڭىنىڭ شينجياڭعا باعىتتامالى كومەكتەسۋى جانە جەرگىلىكتى پارتكوم مەن ۇكىمەتتىڭ قولداۋىندا، 210 ميلليون يۋان قارجى قوسىپ، 120 مۋلىق، قۇرىلىس اۋماعى 40 مىڭ شارشى مەترلىك جاڭا شيپاحانا سالىندى ءارى شيپاحانا تولىق كوشىرىلدى. جاڭا شيپاحانانىڭ اۋماعى، ەمدەۋ قىزمەت وتەۋى جانە يقۋات قۇرىلعىلارى تۇتاس رايونىمىزدىڭ اۋدان دارەجەلى ەمدەۋ قۇرىلىمدارى ىشىندە الدىڭعى قاتاردا تۇرىپ، باتىس بولەك رايونداعى ەڭ كورىكتى اۋداندىق شيپاحانا دەپ اتالدى.
شيپاحانانىڭ باستىعى مىڭ كى بىلاي دەپ تانىستىردى: سوڭعى جىلداردان بەرى، شيپاحانا ىلگەرىندى-كەيىندى اۆتونوميالى رايونداعى جانە نانتۇڭداعى كوپتەگەن ەمدەۋ ورىندارىمەن «وڭىرلىك ەمدەۋ بىرىككەن تۇلعاسى» سەلبەستىگىن ورىستەتىپ، اۋىل كولەمىندەگى اۋىل-قالاشىق شيپاحانالارىمەن «وڭىرلىك ەمدەۋ بىرىككەن تۇلعاسى» قارىم-قاتىناسىن ورناتىپ، ءار ۇلت ناۋقاستارىنا ساپالى ەمدەۋ قىزمەتىن وتەپ، بۇقارانىڭ اۋداننان سىرت جەردە ەمدەلۋ سالىستىرماسى بۇرىنعى %40 تەن تومەندەپ، بۇگىنگى %12 كە ءتۇستى. مىڭ كى: «ءبىز ءار جىلى مىڭنان استام الىس ارالىقتا بىرىگىپ اۋرۋ تەكسەرۋدى ورىندايمىز، بۇقارا اۋداننىڭ وزىندە اۆتونوميالى رايون ماماندارىنىڭ ساپالى قىزمەت وتەۋىنەن يگىلىكتەنە الادى، ءبىز تاعى دا اۆتونوميالى رايوننىڭ ماماندارىن ۇسىنىس ەتىپ، وپەراتسيا جاساتامىز، الىناتىن اقى اۋدان دارەجەلى شيپاحانانىڭ ولشەمىندەي. قازىر كەيبىر وسپەنى الۋ وپەراتسياسىن جاسايمىز، ايتالىق ۇيقى بەز راگىن تۇبەگەيلى ەمدەيمىز، قاتەرلى وسپەنى اۋداندا ءونىمدى ەمدەيمىز»،-دەدى.
بيىل ىلە وبلىسى ەمدەۋ، ءدارى-دارمەك، دەنساۋلىق ساقتاۋ ءتۇزىلىسى رەفورماسىن ءۇرتىس تەرەڭدەتۋ، ەمدەۋ جاعىندا حالىققا تيىمدىلىك جاساۋ ينجەنەرياسىن ءۇرتىس اتقارۋ، سالماقتى اۋرۋدىڭ الدىن الۋ مەڭگەرۋ تەبىنىن ۇزدىكسىز كۇشەيتۋ، ەمدەۋ قىزمەت وتەۋ ساپاسىنداعى حاۋىپسىزدىك دەڭگەيىن ۇزدىكسىز جوعارىلاتۋدى، دەنساۋلىق جاعىندا كەدەيلەردى سۇيەمەلدەۋ ينجەنەرياسىن ۇزدىكسىز ىلگەرلەتۋدى قامتىعان ون ءتۇرلى ءتۇيىندى ەمدەۋ حالىققا تيىمدىلىك جاساۋ قىزمەتىن ورىستەتىپ، بۇقاراعا شىن مانىندە باقىت جولىن اشىپ بەردى. ىلە وبلىستىق دەنساۋلىق ساقتاۋ جانە جوسپارلى تۋىت كوميتەتى ەمدەۋ ىستەرى ەمدەۋدى باسقارۋ باسقارماسىنىڭ باستىعى جين يۇڭ: «اۋدان-اۋىل-قىستاق، سونداي-اق قالاداعى ۇكىمەت شيپاحانالارى ءدارى-دارمەككە ۇستەمەلەي اقى قوسۋدى جاپپاي كۇشىنەن قالدىردى. ءبىز تاعى دا امبەباپ رەفورما شارالارىن اتقاردىق، مۇندا ەمدەۋ اقىسىنىڭ ۇيلەسىمسىز جوعارلاۋىن مەڭگەرۋ دە قامتىلادى، وتكەن جىلعى تۇتاس جىلداعى ەمدەۋ اقىسىنىڭ ارتۋ مولشەرى %7.13 ىشىندە بولىپ، اۆتونوميالى رايون بەلگىلەگەن %10 تەن تومەن بولدى. ءبىز وڭىرلىك ەمدەۋ بىرىككەن تۇلعاسى ءتاسىلىن قولدانىپ، ساپالى بايلىقتى تومەنگە ءتۇسىرىپ، نەگىزگى ساتىداعى بۇقارانىڭ ۋاعىندا ەمدەلۋ مۇمكىنشىلىگىن ارتتىرىپ، ءىرى شيپاحانانىڭ تومەنگە تۇسە الماۋ، نەگىزگى ساتىنىڭ ونى قابىلداي الماۋ ماسەلەسىن شەشتىك»،-دەدى.


بەرىپ كەت ورامالىڭدى

دوستار

الىستاعى اق ەركە