جاڭا حابارلار

بۇيرا كوكونىس 8 ءتۇرلى راك اۋرۋىنان ساقتايدى

    كەلۋ قاينارى: شينجياڭ حالىق راديو ىستانسياسى    2018-07-09 12:48:06  

بۇيرا كوكونىستىڭ(西兰花) «كوكونىس پاتشاسى» دەگەن اتى بار، ويتكەنى ونىڭ قۇرامىندا بەلوك، قانت، ماي، ۆيتامين جانە كاروتين سياقتى ازىقتىق زاتتار مول ، قورەكتىك قۇنى ۇقساس تۇردەگى كوكونىستەردىڭ ىشىندە ماڭداي الدى ورنىندا تۇرادى.    الايدا ونىڭ قۇندىلىعى قۇرامىنداعى قورەكتىك زاتتاردىڭ از-كوپتىگىندە ەمەس، قايتا راكقا قارسى تۇرۋ قۋاتىنىڭ كۇشتىلىگىندە.    ا ق ش-نىڭ راك اۋرۋىن زەرتتەۋ ورنى بۇيرا كوكونىستىڭ توق ىشەك پەن تىك ىشەك راگىنان ساقتاۋدا ءبىرىنشى دارەجەلى، ال اۋىز قۋىسى راگى مەن وكپە راگىنان ساقتاۋدا ەكىنشى دارەجەلى قۋاتقا يە ، راكتان ساقتاۋ جانە راكقا قارسى تۇرۋداعى ونىمدىلىگىنىڭ كوكونىستەردىڭ ىشىندە ءبىرىنشى ورىندا تۇراتىندىعىن بايقاعان.    1. ىشەك راگىنان ساقتايدى. بۇيرا كوكونىستىڭ قۇرامىنداعى ءتۇرلى توتىقتىرعىش زاتتار دەنەنىڭ ۋىتتى سىرتقا شىعارۋىن جەدەلدەتەدى. بۇدان تىس، ونىڭ قۇرامىندا ءتۇرلى ۋلى زاتتار مەن راك پايدا ەتەتىن زاتتاردى سىرتقا شىعاراتىن تابيعي حيميالىق زاتتار بولادى.    زەرتتەۋلەردەن، اپتاسىنا 3 رەت بۇيرا كوكونىس جەگەندە توق ىشەك پەن تىك ىشەك راگىنا شالدىعۋ سالىستىرماسىن %60 تومەندەتۋگە بولاتىندىعى بايقالعان.    2. كومەكەي راگىنان ساقتايدى. «حالىقارالىق اۋىز قۋىسى مەديتسينا جۋرنالىنىڭ» تەكسەرۋىنە نەگىزدەلگەندە، كاروتين اۋىز قۋىسى راگىنان ساقتاۋ رولىنا يە ەكەن. بۇيرا كوكونىستىڭ قۇرامىندا كاروتين ەرەكشە مول ، ءار 100 گرامنىڭ قۇرامىنداعى كاروتين مولشەرى 7 مىڭ 210 ميكروگرامعا جەتىپ، ءسابىزدىڭ ەكى ەسەسىنە تەڭ كەلىپ، اۋىز قۋىسى راگى جانە جۇتقىنشاق راگى سياقتى كومەكەي راگىنان ءونىمدى ساقتايدى.    3. ومىراۋ راگىنان ساقتايدى. ا ق ش قورەكتىك ماماندارىنىڭ زەرتتەۋىنە نەگىزدەلگەندە، بۇيرا كوكونىستىڭ قۇرامىندا ءبىر تۇردەگى ازوتتى قوسىلىس − يندول بار ، ول دەنەدەگى انالىق گورمون مولشەرىن تومەندەتىپ، اكتيۆسىز انالىق گورمون ارقىلى اكتيۆ انالىق گورموننىڭ ومىراۋ كلەتكالارىن تىتىركەندىرۋىن تەجەپ، راكقا قارسى تۇرۋ جانە راكتان ساقتاۋ رولىن اتقارادى ەكەن.    4. قۋىق راگىنان ساقتايدى. حارۆەرد ۋنيۆەرسيتەتى مەن وگايو شتاتى ۋنيۆەرسيتەتىنىڭ بىرلەسىپ جاساعان تەكسەرۋ ناتيجەسىنە نەگىزدەلگەندە، اپتاسىنا 2 نەمەسە 2 رەتتەن ارتىق بۇيرا كوكونىس تۇتىناتىن ادامنىڭ اپتاسىنا ءبىر رەت بۇيرا كوكونىس تۇتىناتىن ادامعا قاراعاندا قۋىق راگىنا شالدىعۋ سالىستىرماسى %40 تومەن بولادى ەكەن. 5. قۋىق ءتۇبى بەزى راگىنان ساقتايدى. ۇلى بريتانيانىڭ ازىق-تۇلىك زەرتتەۋ بولىمشەسى مىناداي تاجىريبە جاساعان: ولار تاجىريبەنى ەكى گرۋپپاعا ءبولىپ جاساپ، اپتاسىنا ەكى گرۋپپاعا جەكە-جەكە 4 ۇلەستەن بۇيرا كوكونىس جانە اتباس بۇرشاق بەرگەن. ناتيجەدە، بۇيرا كوكونىس جەگەن گرۋپپاداعى ناۋقاستاردىڭ دەنەسىندە «راكقا قارسى گەن» پايدا بولىپ، ەرلەردىڭ قۋىق ءتۇبى بەزى راگىنا شالدىعۋىنان ساقتايتىندىعىن بايقاعان.    6. باۋىر راگىنان ساقتايدى. بۇيرا كوكونىس باۋىرداعى فەرمەنتتەردى جانداندىرىپ، باۋىردىڭ ۋلى زاتتار مەن راك تۋدىراتىن زاتتارعا بولعان قارسىلىق قۋاتىن كۇشەيتەدى.    7. اسقازان راگىنان ساقتايدى. اسقازان راگىنا شالدىققاندا قان سارى سۋىنداعى سەلەننىڭ مولشەرى كورنەكتى تومەندەپ، اسقازان سولىندەگى ۆيتامين C نىڭ قويۋلىق دارەجەسى دە قالىپتى ادامداردىكىنەن كورنەكتى تومەندەيدى. بۇيرا كوكونىس دەنەنى بەلگىلى مولشەردەگى ۆيتامين C جانە سەلەنمەن قامداۋمەن بىرگە، مول كاروتينمەن قامداپ، راك كلەتكاسىنىڭ قالىپتاسۋىنان ساقتاپ، راك وسپەسىنىڭ ءوسۋىن تەجەۋ رولىن اتقارادى.    زەرتتەۋلەردەن ءار كۇنى بەلگىلى مولشەردە (شامامەن 70 گرام) بۇيرا كوكونىس تۇتىنىپ، ەكى اي جالعاستىرسا، اسقازان راگىنان ساقتانۋعا بولاتىندىعى بايقالعان.    8. وڭەش راگىنان ساقتايدى. بۇيرا كوكونىستىڭ قۇرامىندا وسىمدىك قورەكتىك زاتى مول ،  ۇزاق ۋاقىت بۇيرا كوكونىس جەسە، وڭەش راگىنان ساقتاپ قانا قالماستان، دەنەنىڭ قارسىلىق قۋاتىن ارتتىرىپ، قورەكتىكتىڭ تەپە-تەڭدىگىن ساقتاپ، دەنە قۋاتتى جاقسارتادى.


بەرىپ كەت ورامالىڭدى

دوستار

الىستاعى اق ەركە