جاڭا حابارلار

جىلى ءسوز جانىڭدى جىلىتادى

    كەلۋ قاينارى: شينجياڭ حالىق راديو ىستانسياسى    2018-07-09 13:03:40  

 ءبىر زاعيپ باقشانىڭ ءدال ورتاسىنداعى شاكەنە ۇيدە تۇرادى ەكەن. ەكى كوزى سۋ قاراڭعى بولسادا، ول ۋاقىتىن دەرلىك باعىنداعى گۇلدى باپتاۋعا ارنايدى، مەيلى كوكتەم، جاز، الدە كۇز بولسىن ونىڭ باعى قاشاندا گۇل - گۇل جايناپ تۇرادى.    الۋان ءتۇستى گۇلگە قىزىققان بىرەۋ ودان:    − ءسىز بۇل گۇلدەردى نەگە وسىرەسىز؟ بۇلاردى كورە الاسىز با؟ - دەپ سۇرايدى.    − كورە المايمىن، ولاردىڭ قانداي گۇلدەر ەكەنىن مۇلدە بىلمەيمىن.    − وندا، نەگە گۇل باپتايسىز؟    − مۇنىڭ ءتورت ءتۇرلى سەبەبى بار: ءبىرىنشى، مەن باعبانشىلىقتى ۇناتامىن؛ ەكىنشى، مەن وسى گۇلدەردى سيپاپ ايىرا الامىن؛ ءۇشىنشى، مەن ولاردىڭ حوش ءيىسىن سەزە الامىن؛ ءتورتىنشى، ءسىزدىڭ سەبەبىڭىزدەن، - دەدى زاعيپ وعان.    − مەن بە، مۇمكىن ەمەس، ءسىز مەنى مۇلدە تانىمايسىز عوي؟    − دۇرىس ايتاسىز، مەن ءسىزدى تانىمايمىن، الايدا ايتەۋىر ءبىر كۇنى ءسىزدىڭ وسى ارادان وتەتىنىڭىزدى، ءسىزدىڭ وسى گۇلدەردى كورىپ شاتتاناتىنىڭىزدى، اۋەلى، مەنىمەن شىنايى اڭگىمەلەسەتىنىڭىزدى سەزەتىنمىن.    ءبارىمىز ءبىر قوعامدا جاساپ جاتىرمىز. بوتەن بىرەۋمەن تىلدەسۋ مىنا زاعيپتىڭ جۇرەگىنىڭ تۇكپىرىنە تەرەڭ ۇيالاعان، سوندىقتان دا ول ءارقانداي بوداۋ بەرۋدەن قورىقپاي، ءوزىنىڭ وسى ءبىر قاجەتىن قاناعاتتاندىردى. ءبىر اۋىز جىلى ءسوز ءارقانداي تارتۋدىڭ ورنىن باسىپ تۇسەدى، ويتكەنى مۇمكىندىگى شەكتەۋلى وسىنداي جاندار زارەدەي بولسا دا قۇرمەتكە، سۇيىسپەنشىلىككە كەنەلۋدى اڭسايدى.


بەرىپ كەت ورامالىڭدى

دوستار

الىستاعى اق ەركە