جاڭا حابارلار

ساياحاتتىڭ  دەنە تاربيەمەن ۇشتاسۋى شينجياڭ ساياحاتىنىڭ ساپاسىن جوعارلاتىپ، ساياحات مازمۇنىن بايىتتى

    كەلۋ قاينارى: شينجياڭ حالىق راديو ىستانسياسى    2018-07-10 07:43:37  

:ستانسيامىزدىڭ ءتىلشىسى جين لەي، ياڭ جيانچياۋ، پراكتيكانت ءتىلشى لو يۋانميڭدەردىڭ حابارى
 رايونىمىزدىڭ جەر-جەرىندەگى كورىنىس رايوندارى ساياحاتتى دەنە تاربيەمەن بارىنشا توعىستىرىپ، ساياحات مازمۇنىن بايىتىپ، ساياحات ساپاسىن جوعارىلاتتى.     شىلدە ايىنداعى شىلىڭگىر ىستىقتا، قۇتىبي اۋدانىنداعى «تيانشان ءبىرىنشى قالقىماسى» كورىنىس رايونىندا، ساياحاتشىلار قايىققا وتىرىپ، قاتتى اعىنعا ىلەسە تولقىندى جارا العا ءجۇزىپ،  قالقىمادان الماعايىپ ، ەرەكشە كوڭىل - كۇيگە بولەندى. ۇرىمجىلىك ساياحاتشى لي لۇڭفي بىلاي دەدى: « كۇن ەرەكشە ىستىق بولعانىمەن ، سۋ ساپ - سالقىن، بۇل جەر  سالقىنداپ سەيىلدەۋگە ەرەكشە لايىق ەكەن. قالقىمانىڭ تومەنگە قۇلديلايتىن ءۇش جەرى ەرەكشە اسەر بەردى، جادىراپ، كوڭىلىمىز كوتەرىلىپ قالدى، اناعۇرلىم كوپ دوستاردى وسى جەرگە كوڭىل كوتەرۋگە ەرتىپ كەلسەم دەيمىن».   بۇگىنگى كۇنى، رايونىمىزداعى كوپتەگەن كورىنىس رايوندارى قالقىما، مارافون جارىسى، ىستىق گازدى شارمەن شارلاۋ، ايداعارشا قايىقپەن وزەننەن جارىسىپ ءوتۋ، شولدە دالالىق اۆتوموبيلمەن ءجۇرۋ، تاس جولدا ۆەلوسيپەت ايداۋ، اۆتوموبيل لاري جارىسى سياقتى دەنە  تاربيە تۇرلەرى مەن جارىستارىن ەنگىزىپ، ساياحاتتى  دەنە تاربيەمەن  بارىنشا توعىستىرۋدى جەدەلدەتىپ، ساياحاتشىلاردى دەنە تاربيە قيمىلىنا قاتىناستىرۋ ارقىلى  ولارعا شينجياڭنىڭ كوركەم كورىنىسىن سەزىندىردى. جانبۇلاق كورىنىس رايونى سوڭعى جىلداردان بەرى، ىلگەرىندى-كەيىندى مارافون، يەن دالادا جۇگىرۋ، جاياۋ ءجۇرۋ سياقتى جارىس قيمىلدارىن وتكىزدى، باي مازمۇندى قيمىلدار كورىنىس رايونىنىڭ اتىن اسپانداتتى. شونجى اۋدانى جانبۇلاق كورىنىس رايونىن باسقارۋ كوميتەتىنىڭ مەڭگەرۋشىسى ۋاڭ شياۋجۇڭ بىلاي دەدى: «دەنە تاربيە قيمىلدارى ساياحاتقا تىڭ ومىرشەڭدىك كۇش قوسسا، ساياحات جالپى حالىقتى دەنە شىنىقتىرۋعا جۇمىلدىرىپ، وڭىرلىك ساياحاتتىڭ دامۋ ومىرشەڭدىك كۇشىن اناعۇرلىم نىعايتتى، بۇدان كەيىن،  سىرعىمالى پاراشوت ۇشىرۋ بازاسىن قۇرۋدى جوسپارلاپ وتىرمىز، كورىنىس رايونىنداعى 10 مىڭ مۋلىق جاڭبىر سۋىنا سۇيەنەتىن ەگىستىك جەردىڭ ماڭىندا، بۇدان سىرت،  تاۋلى وڭىردە دالالىق اۆتوموبيلمەن ساياحاتتاۋ نىسانىن اتقارىپ، ىستىق گاز شارىمەن شارلاۋ سياقتى قيمىلداردى وتكىزبەكشىمىز، جانبۇلاق قار شاڭعى الاڭى نىسانىن بەلسەنە ىلگەرىلەتىپ، ساياحات پەن سپورتتى اناعۇرلىم ۇشتاستىرماقپىز».   

  جىلىنا ءبىر رەت وتكىزىلەتىن تارىمدى اۆتوموبيلمەن اينالۋ لاري جارىسى جانە سايرام كولى تاس جولىن ۆەلوسيپەتپەن اينالۋ جارىسى قازىر ەلىمىزگە تانىمالى سارا دەنە  تاربيە ساياحات جارىسىنا اينالدى.   تارىمدى اۆتوموبيلمەن اينالۋ لاري جارىسىنا تەك ەلىمىزدىڭ جەر - جەرىنەن جارىس شەبەرلەرى ، ارتقى شەپ كوماندالارى ، اقپارات تىلشىلەرى عانا قاتىناسىپ قالماستان، تاعى كوماندالارمەن ىلەسىپ كەلگەن تۋىس - تۋعان ، دوس - جاراندار شوعىرى  مەن جارىستى تاماشالاۋعا كەلگەندەر بولىپ، سانى مولشەرمەن 10 مىڭ ادامعا جەتتى. بيىل، حىبەي چيان - ءان اۆتوموبيل كومانداسىنىڭ شەبەرى شىن جاۋياڭ جارىستان كەيىن وتباسىنداعىلارىن شينجياڭعا ساياحاتتاپ كوڭىل كوتەرۋگە ارناۋلى ەرتىپ كەلدى، ول بىلاي دەدى: « بۇل جەر بارلىق دالا تابيعاتىن سۇيەتىندەر  كەلۋدى ارماندايتىن جەر، بۇل ارا ەرەكشە كوركەم، قۇبا ءتۇزى، ءشول دالاسى،  جايلاۋى، ءتۇرلى شاتقالدارى ءوز كولىگىمەن ساياحاتتاۋعا وتە لايىق، وتە تاماشا ءلاززات الاسىز».    7 - ايدىڭ ورتاسىندا، سايرام كولى تاس جولىن ۆەلوسيپەتپەن اينالۋ جارىسى وتكىزىلەدى، سول كەزدە قىرۋار ساياحاتشى جارىستى تاماشالاپ، كولدى ۆەلوسيپەتپەن اينالۋدى  ءوز كوزدەرىمەن كورەتىن بولادى. اۆتونوميالى رايوندىق ساياحاتتى دامىتۋ كوميەتىنىڭ ورىنباسار مەڭگەرۋشىسى گۇلي ءابليم بىلاي دەدى: « بۇرتالا وبلىسىنىڭ سايرام كولى تاس جولىن ۆەلوسيپەتپەن اينالۋ جارىسى، تاعى ءبىزدىڭ تارىمدى اۆتوموبيلمەن اينالۋ جارىسىمىز شينجياڭنىڭ سپورتى مەن ساياحاتىنداعى ەكى ءىرى ايگىلى ماركاعا اينالىپ،  شينجياڭنىڭ ساياحاتىنا كورىك بەرىك قالماستان، ءوز كولىگىمەن ساياحاتتاۋ، ۇيشە اۆتوموبيلمەن ساياحاتتاۋ سياقتى جاڭا كاسىپتىڭ قارىشتاپ دامۋىن اناعۇرلىم جەبەدى. كەڭ بايتاق ءوڭىردىڭ، كورىنىسى كوز تارتاتىن تابيعاتتىڭ، شينجياڭ جاقسى جەر دەيتىن ساياحات وبرازىنىڭ ارقاسىندا، دەنە تاربيە پەن ساياحاتتىڭ جەدەل العا باسۋىندا، شينجياڭنىڭ اتى الىسقا تارالىپ، ادامداردىڭ جۇرەگىنەن تەرڭ ورىن الدى».      


بەرىپ كەت ورامالىڭدى

دوستار

الىستاعى اق ەركە