جاڭا حابارلار

 جاي كەستەشىدەن سەرىكتەستىكتىڭ باس جوراسىنا اينالدى 

    كەلۋ قاينارى: شينجياڭ حالىق راديو ىستانسياسى    2018-07-10 07:37:14  

 ستانسيامىزدىڭ ءتىلشىسى حاميت، بۇراتالا راديو ستانسياسىنىڭ ءتىلشىسى جاڭ شياۋحۇي، پراكتيكانت ءتىلشى شۇي ۋيفىڭنىڭ حابارى :
 جاي كەستەشىدەن سەرىكتەستىكتىڭ باس جوراسىنا اينالعان، بۇراتالا قالاسىنداعى ويىنبيلىك شەبەر قولونەرى مەن قاجىرلىلىقپەن زەرتتەپ ۇيرەنۋ جىگەرىنىڭ ارقاسىندا، تىڭ تىرلىك جاراتۋ ارمانىن جۇزەگە اسىرۋدان سىرت، تاعى 600 دەن ارتىق ايەلدى كاسىپتەنىپ، كىرىسىن ارتتىرۋعا باستادى. 

   «مىنا قولجاۋلىق بۇراتالانىڭ ماقتاسىنان وندىرىلگەن كەزدەمەدەن جاسالعان».   شينجياڭ بويىنكۋ مادەنيەت تاراتۋ شەكتى سەرىكتەستىگىنىڭ كورمە زالىنا باراتىن بولساڭىز، قولمەن كەستەلەنگەن قولجاۋلىق، باس كيىم، ۇلتتىق كيىم-كەشەك، سونداي-اق ءتۇرلى فورماداعى قولونەر بۇيىمدارىنا كورمەنىڭ لىق تولعانىن، بۇيىمداردىڭ وتە ادەمى ەكەنىن بايقايسىز. سەرىكتەستىكتىڭ باس جوراسى ويىنبيلىك تىلشىگە، وسى ەرەكشە ساياحات بۇيىمدارىنىڭ الدا ەلىمىزدىڭ جەر-جەرىندە ساتىلاتىنىن ايتا كەلىپ بىلاي دەدى: بۇكىل ەلىمىز بەن تۇتاس شينجياڭدى زاتپەن قامدايمىز. ىشكى ولكەدەگى بىرنەشە ساۋداگەر سەرىكتەستىگىمىزگە تىكەلەي تاپسىرىس بەرىپ كەلەدى، كوپتەگەن ونىمدەرىمىز ەۆروپا، ا ق ش ەلدەرىنە بەتالدى. وسى ونىمدەردە كەستەلەۋدە ءبىز نەگىزىنەن جوعالۋعا تاياعان سۋرەتتەردى وسىزامانعى ونىمدەرمەن ۇشتاستىرىپ، جاڭالىق ەنگىزدىك.  

  ويىنبيلىك كىشكەنتاي كەزىنەن باستاپ ناعاشى اپاسىنان كەستە تىگۋدى ۇيرەنگەن، قولونەر بۇيىمدارىن جاساۋعا وتە قىزىعادى. 2010- جىلى ول ءبىر ساياحات ساۋدا دۇكەنىندەگى قولونەر بۇيىمدارىنىڭ ساۋداسىنىڭ كۇسەت ەكەنىن بايقاپ، وسى دۇكەننىڭ قوجايىنىمەن ءوزىنىڭ ونىمدەرىن اكەلىپ ساتۋدى اقىلداسادى. ويىنبيلىك: ولار ۇستىندە ماعان اقشا تولەدى، قانشالىق بۇيىم جاساسام، بارلىعىن الاتىنىن ايتتى،- دەدى.

   ءداستۇرلى كەستەشىلىك ونەرىنە مۇراگەرلىك ەتۋمەن بىرگە، ويىنبيلىك تاعى جاڭا ورنەكتەر مەن سۋرەتتەردى ۇزبەي ۇيرەنىپ، جوبالاعان جانە جاساعان ونىمدەرىن دە موڭعۇل ۇلتىنىڭ كەستەلەرىنەن ءار ۇلتتىڭ كيىم-كەشەگىنە، تۇرمىستىق بۇيىمدارىنا جانە ساياحات ەستەلىك بۇيىمدارىنا قاراي دامىتىپ، ونىمدەرىن رايونىمىزداعى  ءىرى كورىنىس رايوندارىندا ساتىپ، ساياحات بازارىندا ايرىقشا ءوتىمدى بولدى. ساۋداسىنىڭ بارعان سايىن كۇسەت بولۋىنا بايلانىستى، ويىنبيلىك جەرگىلىكتى ورىنداعى ايەلدەردى تاربيەلەپ، ولاردىڭ دا وزىمەن بىرگە اۋقاتتانۋىنا مۇمكىندىك جاسادى. ول: «ولاردىڭ بارلىعىنىڭ ۇيرەنگىسى كەلەدى. 50 ءتۇرلى ونەردى ولارعا ۇيرەتتىم، سونىمەن ولار مەنىڭ ونىمدەردى جاساي الاتىن بولدى»،-دەدى.    

ءبىر جىل تاربيەلەنۋ ارقىلى  بۇراتالا قالاسىنىڭ تۇرعىنى بويىنجىرعىلدىڭ تۇراقتى كىرىسى بولدى. ول: «كۇنىنە ون نەشە ءونىم جاسايمىن، باستان-اياق وعان ىلەسىپ ۇيرەنۋدەمىن، ايىنا 3 مىڭ يۋان ەڭبەكاقى الامىن. قازىر موڭعۇلدىڭ ۇلتتىق كيمىن تىگۋ، كىشكەنتاي بۇيىمداردى جاساۋ تۇگەل قولىمنان كەلەدى،- دەدى.   

 2014- جىلى ويىنبيلىك شينجياڭ بويىنكۋ مادەنيەت تاراتۋ شەكتى سەرىكتەستىگىن تىزىمگە تىركەپ قۇردى، ونىمدەرى   ءىرى شەكارا وتكەلدەرى مەن توراپ بەكەتتەرىندە، موڭعۇليا، قازاقستان، سونداي-اق ەۆروپا، ا ق ش ەلدەرىندە ساتىلىپ، جىلدىق ساتىلىم سوماسى ءبىر ميلليون يۋانعا جەتتى  ءارى بۇراتالا قالاسى، اراسان اۋدانى سياقتى جەردەگى 600 دەن ارتىق ايەلدى كاسىپتەنۋگە جەتەكتەدى. ويىنبيلىك بىلاي دەدى: وسى جۇمىسشى-قىزمەتكەرلەر ونىمدەردى وندىرگەندىكتەن، بۇگىنگىدەي تابىسقا قول جەتكىزىپ وتىرمىن، مەنىڭشە، قىزىققان جۇمىسىڭىزعا كىرىسىپ ىستەيتىن بولساڭىز، تابىسقا جەتە الاسىز. ءسوزجوق، ايانباي ىستەپ، سوڭىنا دەيىن جالعاستىرىپ، تاباندىلىقپەن قۇلشىنعاندا، تابىسقا جەتە الاسىز.


بەرىپ كەت ورامالىڭدى

دوستار

الىستاعى اق ەركە