جاڭا حابارلار

تۇرپان قالاسى «تۇرپانعا تۇنگى سەيىل» اتتى ساياحات جەلىلەس ورنىمدەرىن تانىستىرىپ، ساياحاتشىلارعا تۇنگى كوزايىم ساتتەگى وزگەشە سالت-ءداستۇردى سيلادى

    كەلۋ قاينارى: شينجياڭ حالىق راديو ىستانسياسى    2018-07-11 18:27:52  

تۇرپان راديو ستانسياسىنىڭ تىلشىلەرى زىڭ ءۋي مەن يۋان ياننىڭ حابارى: ءدال قازىر، ساياحاتتىڭ قاۋىرت مەزگىلى، تۇرپان «تۇرپانعا تۇنگى سەيىل» اتتى ساياحات جەلىلەس ورنىمدەرىن تانىستىرىپ، ساياحاتشىلارعا تۇنگى كوزەيىم ساتتەگى وزگەشە سالت-ءداستۇردى سيلادى.
كەشكى ساعات 11 دە، تۇرپان كارىز ۇلتتىق سالت-سانا باقشاسى ەرەكشە دۋمانعا بولەندى. قاقپا الدىنداعى شاعىن الاڭدا، ءبيشى ارتيستەردىڭ باستاماشىلىعىندا، ەلىمىزدىڭ جەر-جەرىنەن كەلگەن ساياحاتشىلار مەن ديحاندار بىرلىكتە ءماشىراپ بيىنە باستى. حىناندىق ساياحاتشى حى گۋاڭجان دا شاتتىققا بولەندى ءارى فوتواپپاراتىمەن تاماشا كورىنستەردى سۋرەتكە ءتۇسىردى. ول تىلشىگە: «تۇرپانداعى ءبىرنەشە كورىنىس رايونىن: يالقۇنتاع پەن بويلىقتاردى ارالادىم، كورىنىسى كوز تارتادى ەكەن، شىنىندا كەرەمەت، سوڭىنان ءان-ءبي ويىندارىن تاماشالادىم، كوپ سۋرەت ءتۇسىردىم»،-دەدى.
تۇرپاننىڭ تۇنگى سەيىلىنە تۇڭعىش قاتىناسقان نانجيڭدىق ساياحاتشى ليۋ حانىم تىلشىگە بىلاي دەدى: «كەشتە تۇرپاندا سالقىن سامال ەسىپ قالماستان، قالانىڭ ورتاسى جانعا راحات سيلايدى، وتە-موتە، قويۋ ۇلتتىق عۇرىپ-ادەت، سالت-ساناسى، تابيعاتقا دەگەن جاناسىمدىلىق ادامعا مەيىرىمىلىك سيلايدى ەكەن، كارىزدىڭ قاعيداسى مەن رولىن دا تۇسىندىك، وراي بولسا، بالالارىمىزدى دا وسى اراعا ەرتىپ كەلۋدى ويلادىق».
جەر استىنداعى كارىز تۋنەلىمەن جۇرسەڭىز، جانعا جايلى سامال ەسەدى. مولدىرەپ اعىپ جاتقان سۋعا شامنىڭ جارىعى ءتۇسىپ، كارىزدىڭ جۇمىس قاعيداسىن جانە قازىلۋ بارىسىنداعى ءتىلسىم كورىنىستەرىن ايگىلەپ تۇرعانداي. گانسۋلىق ساياحاتشى ۋاڭ چيان بىلاي دەدى: «كارىزدى تۇندە سەيىلدەسە وتە تاماشا بولادى ەكەن. شينجياڭعا ساياحاتتاي كەلگەنىمە جارىم اي بولدى، شىنىندا كەڭ بايتاق جەر ەكەن، كوركەم كورىنىستەرى كوپ، ءدامدى تاعامدارى مول، وتە ماعىنالى ەكەن، شينجياڭ ايتسا ايتقانداي كەرەمەت جەر ەكەن».
كارىز ۇلتتىق عۇرىپ-ادەت باقشاسى كورىنىس رايونىنىڭ باس مەڭگەرۋشىسى جاڭ ميڭميڭ تىلشىگە بىلاي دەدى: «كورىنىس رايونى ءبىر قىدىرۋ ءتيىمدى قيمىلدار وتكىزىپ، ساياحاتشىلاردى باۋرادى، تۇرپانعا تۇنەپ اتتاناتىن ساياحات ۇيىرمەسى مەن جەكە ساياحاتشىلارعا باعىتتاپ، ەسىك بەلەتىن %20 ارزانداتتىق. كارىز ۇلتتىق عۇرىپ-ادەت باقشاسى قوناق ۇيىنە تۇسكەندەرگە اقشاعا سىندىرىپ پايدالانۋعا بولاتىن 50 يۋاندىق قۇندى قاعاز بەرەمىز، الدا تاعى ءدامدى تاعامدار كوشەسى ساياحات ءتۇرىن اشامىز، وندا دا اقشاعا سىندىرىپ پايدالانۋعا بولاتىن قۇندى قاعاز بەرىلەدى. تۇرپانعا قوناتىن ساياحات ۇيىرمەسىنە جەتەكشىلىك ەتىپ كەشتە كارىزدى سەيىلدەۋگە ۇيىمداستىرىپ، ولارعا ساياحاتتىڭ اناعۇرلىم كوپ راحاتتى ساتتەرىن سيلاۋدى جوسپارلاپ وتىرمىز».
تۇرپان قالالىق ساياحات مەكەمەسى پارتگرۋپپاسىنىڭ ورىنباسار شۋجيى، مەكەمە باستىعى ءان جينچياڭ تانىستىرا كەلىپ بىلاي دەدى: «تۇرپاننىڭ يارعول بايىرعى جۇرتى مەن، كارىزىن تۇندە سەيىلدەۋ، سۇلەيمەن مۇناراسىنا بارىپ كىتاپ وقۋ، كولىككە وتىرىپ تۇنگى كورىنىستى تاماشالاۋ سياقتى تۇنگى سەيىل ساياحات ونىمدەرىن جالعاستى اشىپ، ساياحاتشىلاردىڭ كۇندىز ساياحاتتاپ بولعاننان كەيىن كەشتە تۇرپاندى ءتىپتى ىشكەرلەي تۇسىنۋىنە مۇمكىندىك جاسالدى. ساياحاتشىلاردىڭ كورىنىس رايونىنان تۇرپاننىڭ تاريحي مادەنيەتىن، جاراتىلىستىق كورىنىسىن تاماشالاۋىنا، سونداي-اق كورىنىس رايونىنداعى ءتۇرلى قيمىلدارعا قاتىناسىپ، كورىنىس رايونى جونىندەگى تانىمىن اناعۇرلىم تەرەڭدەتۋىنە مۇمكىندىك جاسادىق ءارى تۇرپان كورىنىس رايونىن سارا تۋىندى ولشەمىنە جەتكىزىپ، ساياحاتشىلاردىڭ كوڭىلىنەن شىعۋعا كۇش سالدىق».


بەرىپ كەت ورامالىڭدى

دوستار

الىستاعى اق ەركە