جاڭا حابارلار

رايونىمىز كولەمىندە كوپتەگەن ۇلاسپالى اۋە لەنيالارى اشىلىپ، «بۇلت ءۇستى الەۋمەتتىك قاتىناستى» قالىپتاستىردى

    كەلۋ قاينارى: شينجياڭ حالىق راديو ىستانسياسى    2018-07-11 18:29:25  
7-ايدىڭ 9-كۇنىنەن باستاپ، شينجياڭ كولەمىندە كوپتەگەن ۇلاسپالى اۋە لەنيالارى اشىلىپ، شينجياڭ كولەمىندەگى نەگىزگى كوزەۋلى ساياحات وڭىرلەرى اراسىندا كەڭىستىك لەنياسى قالىپتاسىپ، شينجياڭنان شىعاتىن اۋە لەنيالارىمەن ءوزارا تۇتاسىپ «بۇلت ءۇستى الەۋمەتتىك قاتىناس» اۆياتسيالىق سترەولى تورابىن قالىپتاستىردى.
7-ايدىڭ 9-كۇنى، حۋاشيا اۆياتسياسى حوتاننان كورلاعا توتە ۇشاتىن كەزەكشى ايروپلانىن كوبەيتىپ قاتىناتىپ، وسى ارالىققا بومبارديير ( Бомбардир)-CRJ900 تۇرپاتتى ايروپلان ۇشۋ مىندەتىن اتقاردى، ايروپلاندا 87 ورىن بار. كورلا-حوتان باعىتىندا ءار كۇنى ساعات 8 دەن 20 مينۋت وتكەندە ۇشىپ، 9 دان 50 مينۋت وتكەندە قونادى، ال حوتان-كورلا باعىتىندا ءار كۇنى ساعات 10 نان 30 مينۋتتا ۇشىپ، ساعات 11 دەن 50 مينۋت وتكەندە قونادى. ۇشۋ ۋاقىتى ءبىر جارىم ساعات مولشەرىندە.
سول كۇنى، حۋاشيا اۆياتسياسى تاعى كورلادان قۇمىلعا جانە قۇمىلدان تۇرپانعا، شاۋەشەككە دەيىنگى ەكى اۋە لەنياسىن اشتى. قۇمىل قالاسىنىڭ تۇرعىنى لي يۇنجۋ قۇمىلدان شاۋەشەككە تۇڭعىش قاتىنايتىن كەزەكشى ايروپلانعا وتىراتىنىن ايتا كەلىپ بىلاي دەدى: «بۇل جولى تۇڭعىش رەت شاۋەشەككە ۇشاتىن ايروپلانعا وتىرىپ، ساياحاتتاماقشىمىز، كوپ ۋاقىتىمىز ۇنەمدەلدى، ءبىر جارىم ساعات مولشەرىندە جەتەمىز».
سونىمەن بىرگە، تۇرپاننىڭ يارعول اۋە جايىندا 7-ايدىڭ 15-كۇنى چاڭشادان تۇرپانعا، ونان قۇلجاعا ۇشاتىن اۋە لەنياسى اشىلادى. سول ۋاقىتتا، تۇرپاننىڭ جولاۋشى تاسىمال لەنياسى 9 عا، قاتىنايتىن قالالارى 15 كە جەتەدى. تۇرپان قالالىق اۋە لەنيالارىن كوبەيتۋ باسشىلىق گرۋپپاسى كەڭسەسىنىڭ قىزمەتكەرى لي بيڭ بىلاي دەدى: «تۇرپاننان چاڭشاعا دەيىنگى كەزەكشى ايروپلان اپتاسىنا 2 كەزەكتەن 4 كەزەككە كوبەيتىلەدى، قۇلجا مەن شاۋەشەككە كەزەكشى ايروپلان قاتىناعاننان كەيىن، تۇرپاننىڭ شينجياڭ كولەمىندەگى باسقا قالالار اراسىنا ايروپىلان قاتىناتۋ مولشەرى 5 قالاعا كوبەيەدى».
6-ايدان بەرى، ساياحاتتىڭ قاۋىرت مەزگىلى باستالىسىمەن، شينجياڭنىڭ حالىقتىڭ اۆياتسيا تاراۋلارى اۋە لەنيالارىن جاڭادان اشىپ، كەزەكشى ايروپلانداردىڭ قاتىناۋ رەت سانىن كوبەيتۋ سياقتى شارالار ارقىلى ساياحاتشىلاردىڭ ساياحاتتاۋىنا قولايلىق جاسادى. حۋاشيا اۆياتسياسىنان سىرت، 7-ايدىڭ 1-كۇنىنەن باستاپ، وڭتۇستىك اۆياتسياسى ءۇرىمجى مەن ياركەن اراسىنا بارىپ كەلەتىن كەزەكشى ايروپلاندى كۇنىنە 3 كەزەككە جەتىپ، تاڭەرتەڭ، ءتۇس، كەشتەردە قاتىناتادى. قاشقار، اقسۋ جانە حوتان قالالارىنا دا كۇنىنە ءبىر ايروپىلان تىكە قاتىنايدى، ۇرىمجىدەن جولىشباي لەنيا اۋىستىرۋدىڭ قاجەتى جوق. سونىمەن بىرگە، قاشقاردان التايعا، التايدان قۇلجاعا، قۇلجادان قاناسقا، قۇلجادان شاۋەشەككە دە توتە اۋە لەنيالارى اشىلىپ، تيانشاننىڭ تۇستىگى مەن تەرىستىگىننىڭ اۋە قاتىناسى ىركىلىسسىزدەندىرىلدى.

بەرىپ كەت ورامالىڭدى

دوستار

الىستاعى اق ەركە