جاڭا حابارلار

رايونىمىز جاسىل ءتۇستى حالىقتى اۋقاتتاندىرۋ ۇستانىمىنا تاباندى بولىپ، تۇنىق سۋ، جاسىل تاۋدىڭ قىمباتتى بايلىققا اينالۋىنا مۇمكىندىك جاسادى

    كەلۋ قاينارى: شينجياڭ حالىق راديو ىستانسياسى    2018-07-11 18:44:08  
ستانسيامىزدىڭ ءتىلشىسى ايبىننىڭ حابارى: پارتيا 19-قۇرىلتايى بايانداماسىندا: «تۇنىق سۋ، جاسىل تاۋدىڭ ءوزى قىمباتتى بايلىق دەيتىن يدەيانى،ءسوزسىز، ورناتۋ جانە ءامالياتتان وتكىزۋ كەرەك»، «جاسىل دامۋ ءتاسىلى مەن تۇرمىس ءتاسىلىن قالىپتاستىرىپ، ءوندىرىستى دامىتۋ، تۇرمىستى الۋەتتەندىرۋ، ەكولوگيانى جاقسارتۋ سىندى وركەنيەتتى دامۋ جولىمەن تاباندىلىقپەن ءجۇرۋ كەرەك»،-دەپ اتاپ كورسەتىلدى. كەزەكتە، رايونىمىز ەكولوگيالىق بايلىق ابزالدىلىعىن تياناق ەتىپ، ەكولوگيانى قورعاۋ ارقىلى حالىقتى اۋقاتتاندىرۋ يدەياسىنا بەرىك تۇرىپ، تۇنىق سۋ، جاسىل تاۋدىڭ قىمباتتى بايلىققا اينالۋىنا مۇمكىندىك جاسادى.
اپتانىڭ سوڭعى كۇنى تاڭ سارىدە، ءۇرىمجى قالاسى دابانچىڭ رايونى ساياپىل اۋماعىن باسقارۋ كوميتەتى چاييۋان قىستاعىنىڭ تۇرعىنى اسحانا قوجايىنى ما جۇڭ قاربالاستىققا ءتۇسىپ، كوكونىستاردى تازالاپ، تۋراپ، ماتەريالداردى دايىنداپ، كەلە جاتقان قالىڭ ساياحاتشى ءۇشىن الدىن الا ازىرلىك جاسادى.
ما جۇڭنىڭ ءۇيى ساياپىل كولىنىڭ جاعالاۋىندا، دابانچىڭ رايونى ساياپىل كولىندە مال جايۋعا تيىم سالعاننان بەرى، ساياپىل كولىنىڭ سۋ اۋماعى بۇرىنعى قالپىنا كەلىپ، 17.54 شارشى كيلومەترگە كەڭەيدى، ساياپىل كولىندە قوناقتاعان قۇستىڭ ءتۇرى 132 گە جەتتى. ءار اپتانىڭ سوڭعى كۇندەرى، وسى توڭىرەكتەگى قالا تۇرعىندارى وسى اراعا كەلىپ، سەرۋەندەپ كوڭىل اشادى، وسى ساۋدا ورايىن اڭعارعان، ما جۇڭ اسحانا اشتى. ما جۇڭ:« بيىل كولدىڭ سۋى مولايىپ، ءشوبى جاسىلداندى، جايلىمدا بىرتىندەپ قالپىنا كەلدى. ەكولوگيانى جاقسى قورعاساق ساياحاتشىلار كەلىپ، ساۋدامىزدا كۇسەت بولا تۇسەدى، وتكەن جىلى كۇندىك ورتاشا كىرىسىمىز مىڭ يۋاننان ەكى مىڭ يۋانعا دەيىن بولدى»،-دەدى.
تۇنىق سۋ جاسىل تاۋ-قىمباتتى بايلىق، كەزەكتە مەملەكەتتىك بەس A دارەجەلى كورىنىس رايونى قاناس كولىنىڭ ساياحاتى قىزۋ ورلەۋگە كوتەرىلىپ، اسقار تاۋ، اساۋ وزەن، نۋ ورمان، كول، جايلىم سياقتى 33 ءتۇرلى جاراتىلسىتىق كورىنىسكە يە قاناس كورىنىس رايونى شار-تاراپتان كەلگەن ساياحاتشىلاردى باۋرادى. كورىنىس رايونى قاناس كولىنىڭ بويىنداعى قاناس قىستاعىندا ءداستۇرلى قىستاقتى قورعاۋ جوباسى مەن كورىكتى اۋىل-قىستاق قۇرىلىسىنىڭ تالابى بويىنشا، «مۇمكىندىگىنشە ازايتۋ، كوبەيتپەۋ»، «ۇيلەردى بۇزىپ جاڭالاۋ» سىندى رەتتەۋ شارالارىن قولدانىپ، ءداستۇرلى قىستاقتىڭ تاريحي بەينەسىن بارىنشا ساقتادى، سونىمەن بىرگە قىستاق تۇرعىندارىن ساياحات كاسىبىنە بەلسەنە قاتىناسۋعا شابىتتاندىرىپ، اۋەلگى سالت-سانانىڭ قاناستىڭ تاعى ءبىر تانسىقىسىنا اينالۋىنا مۇمكىندىك جاراتتى.
قاناس كورىنىس رايونى زالاتى ەگىنشى-مالشىلار ساياحات سەلبەستىك كوپەراتيۆىندە موڭعۇل ۇلتىنىڭ كومەي، اتباس قوبىزدا ورىندالعان كونسەرت نومىرلەرى ءار كۇنى جۇزدەگەن ساياحاتشىنى باۋرايدى. سەلبەستىك كوپەراتيۆى جەرگىلىكتى ورىنداعى 10 قىستاق تۇرعىنى وتباسىنان قۇرام تابادى. بۇرىنعى قاراپايىم عانا تاماقتانىپ، قونىپ قايتۋدان قازىرگى ۇلتتىق سالت-سانانى ەكسكۋرتسيالاپ، ءان-ءبيدى تاماشالاپ، جايلاۋ مادەنيەتىنەن ءلاززاتتانۋعا دەيىن كوپ نەگىزدى ەرەكشە قىزمەت ەتۋ ــــــ جەر-جەردەن بارعان ساياحاتشىلاردىڭ قاجەتىن ۇزدىكسىز قاناعاتتاندىرۋدا. حۋبەيلىق ساياحاتشى لي حانىم: «توتەنشە تاماشا، ءبىز سونشاما ۇزاقتان كەلۋىمىز جەرگىلىكتى ەرەكشەلىكتەگى سالت-سانانى سەزىنۋ ءۇشىن، بۇل جولى كەرەمەت بولدى»،-دەدى.
تەمىر شىڭى مەملەكەت دارەجەلى جاراتىلىستىق قورىعىن ءتىپتى جاقسى قورعاۋ ءۇشىن، اقسۋ ايماعى ەكولوگيالىق كوشىرۋ ينجەنەرياسىن ورىستەتىپ، قورىق ىشىندەگى ەگىنشى-مالشىلاردى كوشىرىپ ورنالاستىرىپ، ادامزات قيمىلىنىڭ ەكولوگيالىق جۇيەگە تيگىزەتىن ىقپالىن بارىنشا ازايتتى، كوشىپ تۇسكەن مالشىلار دا قورىقتىڭ سىرتىندا تىڭ تىرلىگىن باستادى. ونسۋ اۋدانى كوكجار باسقارۋ رايونى پاقىلىق قىستاعىندا، قورىقتان كوشىپ شىققان احات حەلەل شەكارا قورعاۋشىعا اينالىپ، ءبىر ءۇيلى ءتورت جان 84 شارشى مەترلىك جاڭا ۇيگە تەگىن كوشىپ كىرۋدەن سىرت، تاعى دا 60 شارشى مەترلىك قوي قورا مەن 8 مۋلىق جاڭعاق باقشاسىنا يە بولىپ، ماي تارتاتىن شەبەرحانا، دۇكەن اشىپ، ايلىق كىرىسىن 7 مىڭ يۋانعا جەتكىزدى. احات حەلەل:« پارتكوم مەن ۇكىمەت تاماشا ءۇي جانە مال قورا سالىپ بەردى، بۇل اراعا كەلگەندە قاتتى قۋاندىق، تۇرمىسىمىز جاپالى ەمەس»،-دەدى.
تەمىر شىڭى مەملەكەت دارەجەلى جاراتىلىستىق قورىعىن قورعاۋ مەكەمەسىنىڭ ورىنباسار باستىعى جاۋ سۇنلياڭ: «توڭىرەكتەگى ەگىنشى-مالشىلار ءبىزدىڭ جاراتىلسىتىق قورىقتى قورعاۋىمىز ۇرپاققا جاۋاپتى بولعاندىق، ولار سۇيەنىش ەتكەن ورتاسىن قورعاۋ ەكەنىن بىرتىندەپ ءتۇسىندى، جاراتىلىستىق قورىقتىڭ ورتا ەكولوگياسى ويداعىداي قورعالسا عانا، سۇيەنىش ەتكەن ورتاسى بارعان سايىن كورىكتەنىپ، ءۇرتىس دامي الادى، وسى توڭىرەكتەگى ەگىنشى-مالشىلار جاراتىلستىق قورىقتى قورعاۋ بارىسىندا يگىلىككە بولەنىپ، ولاردىڭ بەلسەندىلىكپەن ەرىكتى تۇردە جاراتىلسىتىق قورىقتى قورعاۋعا قاتىناسۋىنا مۇمكىندىك جاراتىلادى»،-دەدى.

بەرىپ كەت ورامالىڭدى

دوستار

الىستاعى اق ەركە