جاڭا حابارلار

قۇمنىڭ بويىنان 300 مىڭ مۋلىق ءشول دالا جاسىل القابى قۇرىلدى

    كەلۋ قاينارى: شينجياڭ حالىق راديو ىستانسياسى    2018-07-11 19:49:45  

ماكىت اۋدانى تاكلاماكان ءشولىنىڭ باتىس وڭتۇستىك جيەگىنە ورنالاسقان، ءشولدىڭ اۋماعى تۇتاس اۋدان جالپى اۋماعىنىڭ %90 ءىن يەلەپ، ەلىمىزدەگى بىردەن-ءبىر ءشول ىشىنە ەنگەن اۋدان سانالادى. قالىڭ قۇم قويناۋىنىدا، اتا مەكەنىن قورعاۋ ءۇشىن، 2012-جىلدان باستاپ، ماكىت اۋدانى تاكلاماكان شولىندە ءبىر ميلليون مۋلىق بوراننان ساقتانىپ، قۇمدى تىزگىندەۋ ەكولوگيالىق ورمان قۇرىلىسى ينجەنەرياسىن باستادى، قازىر 300 مىڭ مۋلىق ءشول دالا جاسىل القاپقا اينالدى، بۇل قۇمنىڭ جىلجۋ اياق الىسىن بوگەۋدەن سىرت، تاعى دا ەگىنشى-مالشىلاردىڭ كىرىستى ارتتىرىپ،اۋقاتتانۋ بەسىگىنە اينالدى. ءار كۇنى تاڭەرتەڭ، ماكىت اۋدانى قۇمقۇسار اۋىلىنىڭ ورمان قورعاۋشىسى ياسىن اتاۋوللا موتوسيكلىنە ءمىنىپ، ءوزى باسقاراتىن ءبىر مىڭ 500 مۋلىق ورماندى شارالاپ، ورمان بەلدەۋىنە ىقپال جاسايتىن ءار قانداي كومەسكى كىناراتتى بايقاسا بولعانى، دەرەۋ ءبىر جايلى ەتىپ وتىردى. ياسىن اتاۋوللا، ءوزىنىڭ بالا كەزىنەن قۇمدى ءشولدىڭ جيەگىندە وسكەنىن، ءشول دالادا كوپ بەينەت شەككەنىن ايتىپ: « بالا كۇنىمدە بۇل اراعا كۇندە قۇم-توپىراق جاۋاتىن، ەككەن ەگىندى قۇم باسىپ قالۋشى ەدى. قازىر بۇل جەردە وسىنشاما كوپ اعاشتىڭ وسە العانىن مۇلدە ويلامادىق، قۇمدى بوران بۇرىنعىدان كوپ ازايىپ، اۋا ساپاسى جاقساردى. مەن وتە قۋانىشتامىن. مەن قىزمەتىمدى جالعاستى جاقسى ىستەپ، وسى ورماندى ءوز بالام سەكىلدى ايالايمىن»،-دەدى.ياسىن اتاۋوللا سياقتى ءجۇز نەشە ورمان قورعاۋشىلارىنىڭ ىجداعاتپەن قورعاۋىندا، قازىر ماكىت اۋدانى 300 مىڭ مۋ قۇمدى شولدە ەككەن 100 ميلليون 6 مىڭ ءتۇپ ءتۇرلى قالامشانىڭ ءوسىپ-جەتىلۋ مولشەرى %95 تەن استى. اۋەدەن ماكىتكە قاراعاندا، 300 مىڭ مۋلىق ورمان بەلدەۋى ءيىرىلىپ جاتقان ۇلكەن ايداعار ماكىتتى قۇشاعىنا العانداي سەزىم بەرىپ، تاكلاماكان ءشولىنىڭ شەتىندە جاسىل دالدا قالىپتاستىردى. ءشول دالادا كەڭ كولەمدى اعاش ەگۋ مەملەكەت دارەجەلى كەدەي اۋدان ماكىت جونىنەن العاندا، ماشاقاتتى دا اۋىر مىندەت ەدى. ءار جىلى كوكتەمدە، تۇتاس اۋدانداعى كادرلار مەن جۇمىسشى-قىزمەتكەرلەر ەگىنشى-مالشىلارمەن بىرگە كەتپەن-كۇرەكتەرىن الىپ، شولدە ەڭبەك ىستەپ، كۇش شىعاردى. جەرگىلىكتى ورىن «ۇكىمەت باستاماشىلىق ەتۋ، كاسىپورىن قارجى قوسۋ، جالپى حالىق قاتىناسۋ» سىندى ەكولوگيالىق قۇرىلىستىڭ تىڭ ۇلگىسىن قولدانىپ، ىلگەرىندى-كەيىندى شىنجىن جۇڭحۋانيوۋ سەرىكتەستىگى، شينجياڭ رۇيزى سەرىكتەستىگى سياقتى 4 حالىقتىق كاسىپورىندى اعاش ەگىپ، ورمان وتىرعىزۋعا قاتىناسۋعا ەنگىزدى. شينجياڭ جۇڭحۋانيوۋ ورمان شارۋاشىلىعىن كوركەيتۋ شەكتى سەرىكتەستىگىنىڭ جاۋاپتىسى نيجات ءادىل: «2013-جىلدان بەرى، شينجياڭ جۇڭحۋانيوۋ سەرىكتەستىگى ماكىت اۋدانىنىڭ بوراننان ساقتانىپ، قۇمدى تىزگىندەيتىن ەكولوگيالىق ورمان قۇرىلىسىنا قاتىناسىپ، باستىسى جەردى تەگىستەۋ، قۇم توبەشىكتەردى تەگىستەۋ، ماشينالى قۇدىق قازۋ، تامشىلاتىپ سۋارۋ قۇبىرىن جاتقىزۋ، قالامشا جانە باسقارىپ قورعاۋ سياقتى قاتىستى جابدىقتاردىڭ قۇرىلىسىنا قاتىناسىپ، ءتۇرلى قۇرىلىسقا قوسقان قارجىسى 300 ميلليون يۋاننان استى»،-دەدى. «جەرگىلىكتى جاعدايعا نەگىزدەلۋ، ۇيلەسىمدى جەرگە لايىقتى اعاش ەگۋ» پرينسيبى بويىنشا، ماكىت اۋدانى بوراندى توسۋ ونىمدىلىگى كورنەكتى، سونىمەن بىرگە ىزعارلى سۋىققا، سورعا ءتوزىمدى تەرەك، سەكسەۋىل جانە شىرعاناقتى نەگىزگى اعاش ءتۇرى رەتىندە تاڭدادى ءارى سەكسەۋىلدىڭ استىنا بۋدانداستىرىپ ەتتى سۇڭعىلا ەگىپ، قۇم كاسىبىن دامىتىپ، ديحاندار كىرىسىنىڭ ارتۋىن جەبەدى. ماكىت اۋداندىق ورمان شارۋاشىلىق مەكەمەسىنىڭ ورىنباسار باستىعى ۋاڭ يۇيفىڭ: « 2019-جىلدىڭ سوڭىنان باستاپ ەتتى سۇڭعىلانى قازىپ الىپ، مەجەمەن ءونىم قۇنىن 28 ميلليون يۋان مولشەرىنە جەتكىزىپ، سوڭىندا تاپقان پايدانى تۇتاس اۋدانداعى 11 مىڭنان استام كەدەي وتباسىنا ءبولىپ بەرەمىز. الدىنداعى تۇقىم اقىسى، باسقارۋ-قورعاۋ اقىسى سياقتى وزىندىك قۇندى الىپ تاستاعاننان كەيىن، ءاربىر كەدەي وتباسىنىڭ ارتقان كىرىسى مولشەرمەن مىڭ يۋانداي بولادى»،-دەدى. 5 جىلدان استام تالىقپاي كۇرەس جاساۋ ارقىلى ماكىت اۋدانىنىڭ ەكولوگيالىق ورتاسى كورنەكتى جاقساردى. اۋا رايى تاراۋىنىڭ ساناعىنا قاراعاندا، قۇمدى بوراندى اۋا رايى 2010-جىلداعى 106 كۇننەن 40 كۇنگە قىسقارىپ، جىلدىق جاۋىن-ءشاشىن مولشەرى 2010-جىلداعى 53.6 ميلليمەتردەن ارتىپ، 109.6 ميلليمەترگە جەتكەن.


بەرىپ كەت ورامالىڭدى

دوستار

الىستاعى اق ەركە