جاڭا حابارلار

گۋانيۋان جولىنىڭ ۇزارتىلعان بولەگىندەگى جاڭا سالىنعان جولدا اۆتوكولىك قاتىنادى

    كەلۋ قاينارى: شينجياڭ حالىق راديو ىستانسياسى    2018-07-12 10:59:10  
ستانسيامىزدىڭ ءتىلشىسى لان تيان مەن پراكتيكانت ءتىلشى رىن شينجيەنىڭ حابارى: 7-ايدىڭ 11-كۇنى تۇستەن بۇرىن ساعات 11 دە، ءۇرىمجى قالاسىنىڭ تۇيىق جولدار مەن T ءارىبى ءپىشىندى جولدارىن تۇتاستىراتىن ينجەنەرياسى ەسەپتەلەتىن گۋانيۋان جولىنىڭ ۇزارتىلعان بولەگىندەگى جاڭا سالىنعان جولدا اۆتوكولىك قاتىنادى.
گۋانيۋان جولىنىڭ ۇزارتىلعان بولەگىندەگى جاڭادان سالىنعان جول گۋانيۋان جولى مەن جوبالانعان 6 جول ايرىعىنان باستالىپ، شىعىسى جوبالانعان 7 جول مەن گىجياگۋ شىعىس جولىنداعى T ءارپى ءپىشىنىندەگى جولدىڭ اۋزىنا دەيىن تۇتاستىرىلادى. ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اتىرەتى شۇيمۋگۋ رايوندىق قاتىناس ساقشى ۇلكەن اتىرتى باداۋان ورتا اتىرەتىنىڭ باستىعى ليۋ جيشيان بىلاي دەپ تانىستىردى: «گۋانيۋان جولى اۋماعىنداعى جول تورابى قۇرىلىسىنىڭ جوباسىنا ساي، گۋانيۋان جولى مەن جوبالانعان 6 جول ايرىعى اۋزىنان جوبالانعان 7 جول مەن T ءارىبى ءپىشىندى جولعا دەيىن قوس باعىتتا 4 اۆتوكولىك قاتار جۇرەتىن جول جاسالدى، بۇل جولدىڭ جالپى ۇزىندىعى 1.01 كيلومەتر. جوبالانعان 7 جولدىڭ وڭتۇستىك-سولتۇستىك باعىتىنا جاڭادان 323 مەتر جول جاسالدى، بۇل جولمەن قوس باعىتتا 6 اۆتوكولىك قاتار قاتىناي الادى. قۇرىلىس بىتكەننەن كەيىن گۋانيۋان جولى اۋماعى مەن قالانى اينالىپ جۇرەتىن شىعىس جوعارى قارقىندى تاسجولى ارالىعىنداعى جول تورابى جۇلگەسى كەمەلدەنەدى. ليۋ جيشيان بىلاي دەدى: «بۇرىن گىجياگۋ باتىس جولى شىرىنگۋگە تۇتاساتىن، قازىر تاعى گۋانيۋان جولىنىڭ شىعىسقا ۇزارتىلعان بولەگى قوسىلدى. شىرىنگۋ وڭىرىنە ساياحاتتايتىنداردىڭ نەمەسە ميچۋان باعىتىندا جۇرەتىندەردىڭ وسى جولمەن جۇرۋىنە بولادى. جول كەڭەيتىلىپ، قاتىناۋ قۋاتى جاقسارتىلدى».
ليۋ جيشيان: وسى جول بولەكتەرىندە اۆتوكولىك قاتىناعانىمەن، الايدا، ءىشنارا بولەكتەرىندە قاتىناس سيگىنالى شامى ورناتىلۋ ۇستىندە ەكەنىن، وسى جەردەن وتەتىن كولىك جۇرگىزۋشىلەردىڭ كولىك قارقىنىن باياۋلاتىپ، قاتىناس حاۋىپسىزدىگىنە كەپىلدىك ەتۋىن ەسكەرتە كەلىپ بىلاي دەدى: «سايكەستى قۇرىلعىلاردان جول بەلگى سىزىعى، ەسكەرتپە تاقتالار كەمەلدەنۋدەن سىرت، كەيبىر بولەكتەردەگى قۇرىلعىلاردى، ماسەلەن باعدار شام قۇرىلعىلارىن ىشكەرلەي تولىقتاۋ قاجەت بولىپ وتىر. وسى جول بولەگىنەن وتەتىن كولىك جۇرگىزۋشىەر ءسوزجوق كولىكتى ابايلاپ جۇرگىزىپ، قارقىندى باياۋلاتۋى كەرەك، وسى قول بولەگىندە نەداۋىر شۇعىل بۇرىلمالار دا كوپ بولعاندىقتان، قاتىناۋ ءادىسى مەن تاسىلىنە كوڭىل بولگەن ءجون. الدا، وسى جول بولەكتەرىن باسقارۋ جانە ىركىسلىسىزدەندىرۋ تەبىنىن كۇشەيتىپ، كولىك جۇرگىزۋشىلەردىڭ ساپار حاۋىپسىزدىگىنە كەپىلدىك ەتەمىز».

بەرىپ كەت ورامالىڭدى

دوستار

الىستاعى اق ەركە