جاڭا حابارلار

بيىلعى «مەملەكەت اۋەنى» اتتى بيجيڭ تەاترىن قويۋ ماۋسىمى باستالۋ الدىندا تۇر

    كەلۋ قاينارى: شينجياڭ حالىق راديو ىستانسياسى    2018-07-12 11:14:39  
ستانسيامىزدىڭ ءتىلشىسى دۇڭ جىيۇڭ مەن پراكتيكانت ءتىلشى لي ۋيدىڭ حابارى: 2018-جىلعى «مەملەكەت اۋەنى» اتىنداعى بەيجيڭ تەاترىن قويۋ ماۋسىمى 7-ايدىڭ 13-كۇنى ءۇرىمجى قالاسىندا باستالادى، ءۇرىمجى قالالىق بەيجيڭ تەاتر ۇيىرمەسى مەملەكەتتىك بەيجيڭ تەاترحاناسىمەن سەلبەسىپ، كورەرمەندەرگە جەلىلەس بەيجيڭ تەاترىن ۇسىنادى.
ويىن قويۋ ماۋسىمى 7-ايدىڭ 13-كۇنى باستالىپ، 7-ايدىڭ 28-كۇنىنە دەيىن جالعاسادى، وسى بارىستا «جيرەن جالدى اساۋ»، «جاس كەلىن»، «ۋلۇڭ اۋلاسى»، «جۇپارحان شارابى» سياقتى كلاسسيكالىق 7 تەاتر قويىلادى. مۇندا 7-ايدىڭ 13-كۇننەن 15-كۇنىنە دەيىنگى تەاتردى مەملەكەتتىك بەيجيڭ تەاترحاناسى مەن ءۇرىمجى قالالىق بەيجيڭ تەاتر ۇيىرمەسىنىڭ ارتىستەرى بىرلىكتە ورىندايدى. ءۇرىمجى قالالىق بەيجيڭ تەاتر ۇيىرمەسىنىڭ ورىنباسار باستىعى حى تەجۇن بىلاي دەدى: «بەيجيڭ تەاترىن قويۋ ماۋسىمىندا قويىلاتىن تەاترلەردى تاڭداۋدا، ەكى ورىن تىعىز جوسپار جاسادىق، مۇنداعى ەڭ ۇلكەن ەرەكشەلىك رولدىڭ ءتۇرى تولىق، مىقتى ارتيستەر ورىنداعان، وتە تارتىمدى دەۋگە ابدەن بولادى».
ۇعىسۋعا قاراعاندا، وسى رەتكى ويىن قويۋ ماۋسىمى ءۇرىمجى قالالىق بەيجيڭ تەاتر ۇيىرمەسى مەن مەملەكەتتىك بەيجيڭ تەاترحاناسىنىڭ سەلبەسىپ ورتاق قۇرۋ كەلىسىمىن جاساسقاننان كەيىنگى تۇڭعىش رەتكى ىشكەرلەي سەلبەسۋى ەكەن، كەلەسى كەزەكتە مەملەكەتتىك بەيجيڭ تەاترحاناسى دارىندىلاردى جەتىلدىرۋ، تۋىندى جاراتۋ سياقتى جاقتاردا ءۇرىمجى قالالىق بەيجيڭ تەاتر ۇيىرمەسىنە كومەكتەسىپ، سۇيەمەلدەيدى ەكەن. مەملەكەتتىك بەيجيڭ تەاترحاناسى كەڭسەسىنىڭ مەڭگەرۋشىسى ليۋ تۇڭ: «ءبىز ءۇش جىلدىق سەلبەستىك جوسپارىن جاسادىق، مۇندا سەلبەسەتىن ويىن نومىرلەرىمىز بار، سونىمەن بىرگە تانىمالى مامانداردى ءۇرىمجى قالالىق بەيجيڭ تەاتر ۇيىرمەسىندەگى جاس ارتيستەرگە جەتەكشىلىك ەتۋگە جىبەرىپ، ءۇرىمجى قالالىق بەيجيڭ تەاتر ۇيىرمەسىنىڭ تۋىندى جاراتۋ جانە دارىندىلاردى جەتىلدىرۋ جاعىندا كەمەلدەنە تۇسۋىنە مۇمكىندىك جاسايمىز»،-دەدى.
قازىر 2018-جىلعى «مەمىلەكەت اۋەنى» اتىنداعى بەيجيڭ تەاترى ويىن قويۋ ماۋسىمىنىڭ بەلەتى ساتىلا باستادى. قالا تۇرعىندارى ءۇرىمجىنىڭ مادەنيەت جاعىندا تيىمدىلىك جاساۋ كارتىشكاسى ءۇنحات الەۋمەتتىك ءنومىرى ارقىلى ويىن ساۋىق تەاترى مەن تەاتردىڭ كەزەك رەتىن تەكسەرىپ بىلۋىنە، توراپتا بەلەت ساتىپ الۋىنا بولادى.

بەرىپ كەت ورامالىڭدى

دوستار

الىستاعى اق ەركە