جاڭا حابارلار

شينجياڭ حالىقارالىق ۇلكەن بازارى مەملەكەتتىك دارەجەلى كورىنىس رايونىنىڭ جۇمىس ۇلگىسىن باستادى

    كەلۋ قاينارى: شينجياڭ حالىق راديو ىستانسياسى    2018-07-12 11:25:30  

ستانسيامىزدىڭ ءتىلشىسى ايبىن مەن پراكتيكانت ءتىلشى گۋان شياۋشياۋدىڭ حابارى: ءبىر اپتاداي سىناق رەتىندە اشىلعان شينجياڭ حالىقارالىق ۇلكەن بازارى كورىنىس رايونى، كەشەدەن باستاپ كورىنىس رايونى بەلەتىن ساتىپ، مەملەكەتتىك 4A دارەجەلى كورىنىس رايونىنىڭ جۇمىس ۇلگىسىن باستادى.
شينجياڭ حالىقارالىق ۇلكەن بازارى كورىنىس رايونى ءۇرىمجى قالاسىنىڭ تۇرعىندارىنان، ۇلكەن بازارمەن توقتامداسقان ساياحات باسقارمالارىنان جانە ساياحات ۇيىرمەلەرىنەن، ساۋدالىق ساياحات ۇيىرمەلەرىنەن بەلەت الماۋ ساياساتىن اتقارىپ، تەك سىرتتان كەلگەن جەكە دارا ساياحاتشىلارعا عانا بەلەت ساتتى، بەلەت باعاسى كىسى باسىنا 10 يۋان عانا، بۇل بەلەت قۇنى 100 يۋاندىق شينجياڭ حالىقارالىق ۇلكەن بازار قوناعاسى، كوركەمونەر ۇلكەن تەاترحاناسىنىڭ اس-سۋ ويىن-ساۋىق بەلەتى جانە حالىقارالىق ۇلكەن بازاردىڭ ۇسىنعان تارتۋىن دا قامتيدى. حۋناندىق ساياحاتشى ديڭ سانماۋ: «كورىنىس رايونىنىڭ بەلەت باعاسى 10 يۋان، ال 10 يۋاندى 100 يۋان ورنىندا پايدالانۋعا بولادى، ءارى ءبىر رەتكى تۇسكى استى ءوز ىشىنە الادى ەكەن، بۇل ارادا كوز ايامىز اشىلىپ، ەرەكشە قۋاندىم»،-دەدى.
كورىنىس رايون بەلەتىن جاپپاي ساتۋدى باستاۋدان بۇرىنعى جارىم جىلدا، شينجياڭ حالىقارالىق ۇلكەن بازارى قۇرىلىس كورىنىس مادەنيەتى، ۇلتتىق سالت-سانا، ءان-ءبي مادەنيەتى، اس-سۋ ءدامدى تاعامدار مادەنيەتى سياقتى بەس ءىرى مادەنيەت كاسىبى كولەمىندە كورىنىس رايونىنداعى بارلىق كاسىپتىڭ دەڭگەيى جوعارلاتىلدى، ءۇرىمجى قالاسى تيانشان رايوندىق مادەنيەت، دەنە تاربيە، ساياحات مەكەمەسى ساياحات قىزمەتى كەڭسەسىنىڭ مەڭگەرۋشىسى يۇي جيان-ۋ، الدا شينجياڭ حالىقارالىق ۇلكەن بازارى كورىنىس رايونىن شينجياڭنىڭ بەيزاتتىق مادەني مۇرالارى قاتارىنا ەنگىزىپ جۇرتقا جاريا ەتەتىنىن ايتا كەلىپ: «شينجياڭنىڭ كەستەسى، تەرىگە سىزىلعان سۋرەت سياقتى بەيزاتتىق مادەني مۇرالاردى كورىنىس رايونىنا ەنگىزىپ، ساياحاتشىلارعا شينجياڭنىڭ ەرەكشەلىگىن، شينجياڭنىڭ مادەنيەتىن تانسىتىرىپ، ۇلكەن بازاردى شينجياڭ ساياحاتىنىڭ تانىسقىسىنا اينالدىرامىز»،-دەدى.


بەرىپ كەت ورامالىڭدى

دوستار

الىستاعى اق ەركە