جاڭا حابارلار

شينجياڭنىڭ كوپ جەرىندە تەمپەراتۋرا ءۇرتىس جوعارىلاپ، جەر-جەردەگى كاسپورىندار مەن قالا تۇرعىندارى شىلىڭگىر ىستىققا بەلسەنە توتەپ بەردى

    كەلۋ قاينارى: شينجياڭ حالىق راديو ىستانسياسى    2018-07-13 12:40:07  

ستانسيامىزدىڭ جيناق حابارى: بىرنەشە كۇننەن بەرى، شينجياڭنىڭ كوپ جەرىندە تەمپەراتۋرا ءۇرتىس جوعارىلاپ، جەر-جەردەگى كاسىپورىندار، قالا تۇرعىندارى شىلىڭگىر ىستىققا بەلسەنە توتەپ بەردى.
جىلى اۋا اعىسىنىڭ ىقپالىندا، 7-ايدىڭ 7-كۇنىنەن 15-كۇنىنە دەيىن، شينجياڭ بويىنشا جاز شىققاننان بەرى ەڭ جوعارى اۋا تەمپراتۋراسى جارىققا شىعىپ ، تۇتاس شينجياڭنىڭ باسىم كوپ جازىق وڭىرىندە تەمپەراتۋرا 35 سەلتسي گردۋستان اسىپ كەتتى. تەمپەراتۋرا جالعاستى ورلەپ، مالتاۋ سارايى كوپشىلىكتىڭ جازدا سالقىنداپ تىنىعاتىن تاماشا جەرىنە اينالدى. ءتىلشى ءۇرىمجى قالالىق حۇڭشان مالتاۋ ورتالىعىنا بارعاندا، قالا تۇرعىنى لي حانىم تىلشىگە، دالانىڭ شىلىڭگىر ىستىعىنا شىداماي مالتاپ سالقىنداپ، ىستىقتان قورعانۋدى ءجون كوردىك، بۇل دەنساۋلىققا دا جاقسى دەي كەلىپ: بۇگىن كۇن ىستىق ەكەن، دوسىمدى ەرتىپ مالتاۋعا كەلدىك، سالقىنداپ، دەنە شىنىقتىرىپ، كوڭىلىمىز كوتەرىلىپ قالدى، بىرنەشە كۇننەن بەرى تەمپەراتۋرا 30 سەلتسي گرادۋستان استى، شىلىڭگىر ىستىقتا مالتاۋ سارايىنا بارساڭىز راحاتتانىپ قالاسىز،-دەدى.
بۇراتالا قالاسىندا، كۇننىڭ قاتتى ىسۋىنا بايلانىستى، سالقىنداتۋ بۇيىمدارى بازارىنىڭ ساۋداسى بىرتىندەپ جانداندى. بۇراتالا قالاسىنداعى «مەي-دى چيجيان» دۇكەنىندە اۋا رەتتەگىش ساتۋ اۋماعى بىرنەشە كۇننەن بەرى قاريدارلاردى مولىنان قابىلدادى. بۇراتالا قالاسىنىڭ تۇرعىنى لي نا: قازىر دالانىڭ تەمپەراتۋراسى 38 سەلتسي گرادۋسقا شىقتى، قاتتى ىستىقتا ۇيدە پانا بولماي كەتتى، اكە-شەشەممەن بىرگە اۋا رەتتەگىش العالى كەلدىك، اۋارا رەتتەگىشتەن بىرەۋ الىپ ۇيگە ورناتىپ قويامىز،-دەدى.
شىلىڭگىر ىستىقتا ەلەكتر ەنەرگيا جابدىقتارىنان دا وڭاي كىنارات شىعادى. جابدىقتاردىڭ اقاۋسىز اينالىمىنا كەپىلدىك ەتۋ ءۇشىن، مەملەكەتتىك ەلەكتر تورابى قاراقاش اۋداندىق بولىمشە سەرىكتەستىگىنىڭ قىزمەتكەرلەرى ىستىقتى باقىلاۋ جابدىعى ارقىلى ەلەكتر سىمدارىنىڭ وڭاي قىزىپ كەتەتىن بولەكتەرىنىڭ تەمپەراتۋراسىن باقىلادى. مەملەكەتتىك ەلەكتر تورابى قاراقاش اۋداندىق ەلەكترمەن قامداۋ سەرىكتەستىگىنىڭ قىزمەتكەرى مامەت: بۇگىن اۋا تەمپەاتۋراسى 40 سەلتسي گرادۋسقا، جەر بەتىنىڭ تەمپەراتۋراسى 45 سەلتسي گرادۋسقا شىقتى، اي سايىنعى تەكسەرۋ، جوندەۋ جوسپارى بويىنشا كۇيا ءبىرىنشى لەنياسىنداعى 149-ءنومىرلى باعانادان 160-ءنومىرلى باعاناعا دەيىنگى سىمدى ارناۋلى جاڭالاپ، توكپەن قامداۋدىڭ سەنىمدىلىگىن جوعارىلاتتىق،-دەدى.
شينجياڭ اۋا رايى ستانسياسىنىڭ باس قىزمەت وتەۋشىسى دوۋ شينيىڭ تىلشىگە بىلاي دەدى: ەڭ جاڭا اۋا رايى ماتەريالىنا تالداۋ جاساۋعا قاراعاندا، اۋا رايى جۇيەسىنىڭ ىقپالىندا، 7-ايدىڭ 12-كۇنىنەن باستاپ سولتۇستىك شينجياڭنىڭ ءىشىنارا وڭىرلەرىندە جاۋىن-شاشىن بولادى ەكەن، مۇندا، ىلە وڭىرىندە جاۋىن-شاشىن نەداۋىر مول بولادى، شىحىزىنىڭ وڭتۇستىگىندەگى تاۋلى وڭىردە، سانجى مەن ءۇرىمجىنىڭ وڭتۇستىك بولەگىندەگى تاۋلى وڭىرلەردە، بايىنعولىن وبلىسىنىڭ، اقسۋدىڭ سولتۇستىك بولەگىندەگى تاۋلى وڭىرلەردىڭ ءىشىنارا جەرىندە ورتاشا جانە قالىڭ جاڭبىر جاۋادى، كەيبىر وڭىرلەردە نوسەر جاۋادى. قورىتىپ ايتقاندا، وسى بىرنەشە كۇندە تەمپەراتۋرا جالعاستى جوعارى بولادى.


بەرىپ كەت ورامالىڭدى

دوستار

الىستاعى اق ەركە