جاڭا حابارلار

زەينەتكە شىققانداردىڭ زەينەت اقى دەڭگەيى جوعارىلاتىلادى

    كەلۋ قاينارى: شينجياڭ حالىق راديو ىستانسياسى    2018-07-13 12:55:48  

 

ستانسيامىزدىڭ ءتىلشىسى دۇڭ جىيۇڭ مەن پراكتيكانت ءتىلشى لو يۋانميڭنىڭ حابارى: بيىل رايونمىز كاسىپورىندار مەن ورگان، ءىس ورىنداردان زەينەتكە شىققانداردىڭ زەينەت اقى دەڭگەيىن ۇزدىكسىز جوعارىلاتادى، جالپى رەتتەۋ دەڭگەيى 2017-جىلعى جالپى زەينەتكەرلەردىڭ كىسى باسىنا تۋرا كەلەتىن ايىنا بەرىلەتىن نەگىزدىك زەينەت اقىسىنىڭ % 5 ىندەي بولادى.
بيىل رەتتەلگەن زەينەتكەرلەردىڭ نەگىزدىك زەينەت اقى كولەمىنە 2017-جىلى 12-ايدىڭ 31-كۇنىنەن بۇرىن بەلگىلەمە بويىنشا زەينەتكە شىعۋ ءراسمياتىن بىتىرگەن، ءارى اي سايىن جۇمىسشى-قىزمەتكەرلەردىڭ زەينەت اقىسىن العان زەينەتكە شىققاندار كىرەدى، مەجەمەن رايونىمىزداعى ءبىر ميلليون 380 مىڭ زەينەتكەر بۇدان يگىلىكتەنەدى ەكەن.
وسى رەتكى رەتتەۋ بەلگىلى نورما بويىنشا رەتتەۋ، بايلانىستىرىپ رەتتەۋ جانە بەيىمدەپ رەتتەۋ سىندى ءۇش بولەكتەن قۇرالدى. بەلگىلى نورما بويىنشا رەتتەۋ قوعامنىڭ ادىلدىگىن ايگىلەپ، رايونىمىزداعى ءتۇرلى سالادان زەينەتكە شىققانداردىڭ زەينەت اقىسىن رەتتەۋ ولشەمى بىركەلكى بولدى. مۇندا رەتتەۋ كولەمىنە ۇيلەسەتىن زەينەتكەردىڭ ادام باسىنا تۇگەلدەي 50 يۋاننان قوسىپ بەرىلەدى.
بايلانىستىرىپ رەتتەۋگە نەگىزدىك زەينەت اقىنىڭ جيىنتىق سانىن رەتتەۋ جانە ستاجى بويىنشا رەتتەۋ قامتىلدى. مۇندا جيىنتىق ساندى رەتتەۋدە، 2017-جىلى 12-ايدا قولعا تيگەن نەگىزدىك زەينەت اقى جيىنتىق سان ەتىلىپ، %1.7 كوبەيتىلەدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى زەينەتكەرلىك قامسىزداندىرۋ باسقارماسىنىڭ ورىنباسار باستىعى سۇن جانشۋە بىلاي دەدى: « ستاجىمەن بايلانىستىرۋدا بيىل رەتتەۋ ءتاسىلىن وزگەرتىپ، ستاجى 15 جىلدىڭ ىشىندەگىلەرگە جىلىنا ءبىر يۋان، ستاجى 16 جىلدان 30 جىل ارالىعىنداعىلارعا 16-جىلىنان باستاپ 2 يۋان، ستاجى 30 جىلدان اسقاندارعا، 31-جىلىنان باستاپ 4 يۋان قوستىق. بىلايشا ايتقاندا ەگەر ستاجى 30 جىلدان اسسا 45 يۋان الادى، ستاجى ۇزاق بولعان سايىن ارتۋ دارەجەسى دە زور بولادى».
بەيىمدەپ رەتتەۋ جاعىندا، ءتۇيىندى قامقورلىق جاساۋ ايگىلەنىپ، جاسى ەگدە تارتقان زەينەتكەرلەر مەن جاپالى، شەت-شالعاي رايوندارداعى زەينەتكەرلەرگە جانە ءىشىنارا بۇقارالىق توپقا قامورلىق جاسالدى. سۇن جانشۋە بىلاي دەدى: «جاسى 70 پەن 79 ارالىعىنداعى زەينەتكەرلەرگە 10 يۋاننان، جاسى 80 گە تولعاندارعا 20 يۋاننان قوستىق. جاپالى، شەت-شالعاي رايوننىڭ جاعدايىن ويلاستىرا وتىرىپ، جاپالى، شەت-شالعاي رايوننىڭ 2-تۇردەگىسىنە 10 يۋاننان، 3-، 4-تۇردەگىلەرىنە 15 يۋاننان، 5-، 6-تۇردەگىلەرىنە 20 يۋاننان قوستىق».
ۇعىسۋعا قاراعاندا، قازىرگى ءادىس بويىنشا رەتتەلگەننەن كەيىن، زەينەتكەرلەردىڭ زەينەت اقىسى ءبىر مىڭ 500 يۋانعا جەتپەسە، ءار ادامعا ايىنا تاعى 30 يۋان قوسىپ بەرىلەدى ەكەن. وسى رەتكى زەينەت اقى مامىلەسى جاعىنداعى رەتتەۋ ۋاقىتى 2018-جىلى 1-ايدىڭ 1-كۇنىنەن باستاپ اتقارىلادى، 1-ايدان 6-ايعا دەيىنگى رەتتەلگەن سوما 7-ايدىڭ اياعىنان بۇرىن تولىقتاپ تاراتىلادى.


بەرىپ كەت ورامالىڭدى

دوستار

الىستاعى اق ەركە