جاڭا حابارلار

جۇڭگو شينجياڭ 12-كەزەكتى سايرام كولىن اينالۋ تاس جول ۆەلەسيپەت جارىسى ءساتتى اياقتادى

    كەلۋ قاينارى: شينجياڭ حالىق راديو ىستانسياسى    2018-07-18 11:26:34  
ستانسيامىزدىڭ ءتىلشىسى ۋاڭ لىچياۋ مەن جاي ۋيدىڭ حابارى: ءۇش كۇن قيانكەسكى بەلدەسۋ ارقىلى، جۇڭگو شينجياڭ 12-كەزەكتى سايرام كولىن اينالۋ تاس جول ۆەلەسيپەت جارىسى 7-ايدىڭ 16-كۇنى ءساتتى اياقتادى.
وسى كەزەكتى ۆەلەسيپەت جارىسىنىڭ ءۇشىنشى جارىس بولەگىنىڭ جارىسى سايرام كولىندە وتكىزىلىپ، جالپى ۇزىندىعى 67 كيلومەتر، جارىس بولەگىنىڭ ورتاشا تەڭىز دەڭگەيىنەن بيىكتىگى 2 مىڭ مەتردەن اسادى. تەڭىز دەڭگەيىنەن بيىكتىگى، بوراندى، قالىڭ جاۋىن-شاشىندى، سونداي-اق تومەن تەمپەراتۋرالى اۋا رايى جارىستىڭ قيىندىق دارەجەسىن ارتتىردى.
سوڭىندا شينجياڭنىڭ جەرگىلىكتى اراسان اۋدانىنىڭ جابايى قوداس ۆەلەسيپەت اترەتىنىڭ 283-ءنومىرلى شەبەرى تۇرسىنجان بىرلىك ۇلى ءۇش جارىس بولەگىندە جالپى 6 ساعات 10 مينۋت 5 سەكۋنتتىق ناتيجەمەن جەكە ادامدىق جالپى ناتيجە بويىنشا اعا جۇلدەگەرلىكتى جەڭىپ الدى. ول: «ءوز جەرىمدە، اتا مەكەنىمدە سايىسقا ءتۇستىم، كومانداداعى سەرىكتەرىم كوپ كومەك بەردى، سوندىقتان بۇگىن وسى داڭقتى ساقتاپ قالدىم»،-دەدى.
سايرام كولىن اينالۋ تاس جول ۆەلەسيپەت جارىسى تەڭىز دەڭگەيىنەن بيىك باسەكەلىك ەرەكشەلىگى، سايرام كولى مەن جايلىمى كورىنىسىنىڭ تاماشالىعىمەن جەر-جەردەگى ۆەلەسيپەت سپورتى مەن ساياحات اۋەسكەرلەرىنىڭ نازارىن اۋداردى. وسى كەزەكتى جارىستا، سىندي كىشينيۋانحۇڭ ۆەلەسيپەت كومانداسى 18 ساعات 31 مينۋت 5 سەكۋنتتىق ناتيجەمەن توپتىق اعا جۇلدەگەرلىكتى جەڭىپ الدى. كوماندانىڭ جەتەكشىسى جاۋ گۇيباۋ: «وزگە جارىستار تۇگەلدەي قالانى اينالۋ جارىسى، الايدا كولدى اينالۋ جارىسى ۇقسامايدى، كولدىڭ كورىنىسى توتەنشە كوركەم، كولدى اينالۋ جارىسىتىڭ لەنيا بويىنداعى كورىنىستەرىنەن ءلاززاتتانامىز، كەلەر جىلى تاعى دا كەلەمىن»،-دەدى.
بۇراتالا موڭعۇل اۆتونوميالى وبلىسىنىڭ ورىنباسار باستىعى، كولدى اينالۋ جارىسىن ۇيىمداستىرۋ كوميسسياسىنىڭ ورىنباسار مەڭگەرۋشىسى لي شينگۋاڭ: «ۆەلەسيپەت جارىسىنا ءمان بەرگەن جانە قاتىناسقان اناعۇرلىم كوپ شەبەرگە دەنە تاربيە جارىسى سىندى تاسىلىمەن ءبىزدىڭ «كەڭ بايتاق دالاسى، تامىلجىعان تابيعاتىمەن تامساندىرعان شينجياڭ جاقسى جەر» سىندى شينجياڭنىڭ كوركەمدىگىن، باقىت باعىشتايتىندىعىن شىنايى سەزىندىرەمىز»،-دەدى.

بەرىپ كەت ورامالىڭدى

دوستار

الىستاعى اق ەركە