جاڭا حابارلار

قىزمەت اترەتى شاعىن زاۆود قۇرۋ، باعىمشىلىق سەلبەستىك كوپەراتيۆىن دامىتۋ سياقتىلار ارقىلى  كەدەي وتباسىن كىرىسىن ارتتىرۋعا باستادى

    كەلۋ قاينارى: شينجياڭ حالىق راديو ىستانسياسى    2018-07-19 07:01:49  

ستانسيامىزدىڭ ءتىلشىسى ۋاڭ يىڭ مەن ءۇشتۇرپان راديو ستانسياسىنىڭ ءتىلشىسى جاڭ حىنىڭ حابارى:
 مەملەكەتتىك ساناق مەكەمەسى شينجياڭ تەكسەرۋ باس اترەتىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتا تۇرعان قىزمەت اترەتى قىستاقتىڭ احۋالىن، حالىق اۋانىن نەگىز ەتىپ، دالمە-ءدال شارا قولدانىپ، شاعىن زاۆود قۇرۋ، باعىمشىلىق سەلبەستىك كوپەراتيۆىن دامىتۋ سياقتىلار ارقىلى  كەدەي وتباسىن كىرىسىن ارتتىرۋعا باستادى.      (قازىر وسى زاۆود ءبىر ءتۇرلى جاڭا ءونىم، تۇيەنىڭ جۇنىنەن جاسالعان جاستىق ءوندىردى. جاقسىلاپ كور، سەندەرگە قاجەت پە ەكەن؟ جارايدى، ادەمى ەكەن) ەكى كۇننەن بەرى، ءۇشتۇرپان اۋدانى وتباسى اۋىلى  سوگەتىلىك قىستاعىنداعى توقىما مانەرلەۋ زاۆودتىندا، قىستاقتا تۇرعان قىزمەت اترەتىنىڭ باستىعى ۋاڭ ۋي زات ساتۋشى بولدى، ول تەلەفون مەن توراپتان پايدالانىپ، زاۆودتا وندىرىلگەن توقىما بۇيىمدارىن ساتتى، مۇنىڭ ءونىمى وتە جاقسى.   سوگەتىلىك قىستاعىنداعى 748 وتباسىندا 3 مىڭ 500 ادام بار، ولاردىڭ %40 ءى كەدەي. وتكەن جىلى 5-ايدا، قىستاقتا تۇرعان قىزمەت اترەتى 2 ميلليون يۋان نىسان قارجىسىنا قول جەتكىزىپ، قىستاقتا 100 شارشى مەترلىك توقىما زاۆودتىن قۇردى، زاۆود نەگىزىنەن جاستىق، جاستىقتىڭ قابى، بالالاردىڭ ءبي كيىمى سياقتىلاردى ءوندىردى، قىستاقتاعى 52 ايەل زاۆودتا كاسىپتەندى. 33 جاستاعى باقتىگۇل ابىلا تىلشىگە: «بۇرىن قىزمەتىم جوق ەدى، قىزمەت اترەتىنىڭ كومەگىندە، قىستاقتا كيىم-كەشەك مانەرلەۋ زاۆودتى قۇرىلدى، جاقسى ىستەسەك، ايىنا 3 مىڭ يۋاننان ارتىق ەڭبەكاقى الامىز، وسىندا ىستەگەنىمە ءبىر جىلدان استى، 20 مىڭ يۋاننان ارتىق اقشا تاپتىم. قىزمەت اترەتىنە، پارتيا مەن ۇكىمەتكە العىس ايتامىن،-دەدى.»    توقىما مانەرلەۋ زاۆودتى اينالىمعا تۇسكەن ءبىر جىلدان ارتىق ۋاقىتتان بەرى، 50 مىڭ دانادان ارتىق ءتۇرلى ءونىم ءوندىردى، قازىر ساتىلىم سوماسى 3 ميلليون يۋانعا جەتتى. قىستاقتا تۇرعان قىزمەت اترەتىنىڭ باستىعى ۋاڭ ۋي بىلاي دەدى: كاسىپ جاعىندا كەدەيلەردى سۇيەمەلدەۋدە، اسىرەسە، قىستاقتاعى شاعىن زاۆودتا ەڭبەككۇشتەر جاقىن ماڭنان سول جەردىڭ وزىنەن كاسىپتەنىپ، كىرىسىن ارتتىردى. ولار ونەر يگەرۋدەن سىرت، باسقالارعا باستاماشىلىق ەتەدى، سونىمەن بىرگە وسى كاسىپ قىستاقتىڭ كوللەكتيۆ شارۋاشىلىعىن نىعايتادى.   وتكەن جىلى 8-ايدا، قىزمەت اترەتى تاعى «سەلبەستىك كوپەراتيۆى، اۋقاتتانۋعا باستاۋشىلار جانە كەدەي وتباسى» فورماسىنان پايدالانىپ، قىستاقتا باعىمشىلىق سەلبەستىك كوپەراتيۆىن قۇردى، قىستاقتاعى 243 كەدەي وتباسى سيىر، قويلارىن سەلبەستىك كوپەراتيۆىنە باعۋعا بەردى. قىستاقتاعى كەدەي مامەتجان راحىم: «ەكى سيىرىمدى سەلبەستىك كوپەراتيۆىنىڭ باعۋىنا بەرۋمەن بىرگە، سەلبەستىك كوپەراتيۆىنە بارىپ، جۇمىس ىستەيمىن، ايىنا 2 مىڭ 500 يۋان ەڭبەكاقى الامىن، جىل سوڭىندا ەكى سيىرىما 2 مىڭ يۋان سيلىق اقشا بەرەدى، سەلبەستىك كوپەراتيۆىنىڭ ارقاسىندا، كاسىپتەنۋدەن سىرت، تۇرمىسىم بارعان سايىن جاقساردى،-دەدى.      دالمە-ءدال شارا قولدانىپ، كەدەيلىكتەن دالمە-ءدال قۇتىلدىرۋ قاجەت. بيىل قىستاقتا تۇرعان قىزمەت اترەتى تاعى ءۇشتۇرپان اۋداندىق پارتكوممەن جانە اۋداندىق حالىق ۇكىمەتىمەن اقىلداسىپ، 10-ايدا قىستاقتا يەلەيتىن اۋماعى 100 شارشى مەترلىك 6 مىڭنان ارتىق سيىر سياتىن كولەمدى باعىمشىلىق سەلبەستىك كوپەراتيۆىن قۇرىپ، تۇتاس اۋىلداعى سيىر-قويلاردى تۇگەل وسىندا باعىپ باسقارىپ، بۇرىنعىدان دا كوپ كەدەي وتباسىنىڭ كەدەيلىكتەن قۇتىلىپ، اۋقاتتانۋ جولىنا تۇسۋىنە مۇمكىندىك جاساۋدى جوسپارلادى. ۋاڭ ۋي بىلاي دەدى: سەلبەستىك كوپەراتيۆى ارقىلى كولەمدەنگەن باعىمشىلىق ورنىن قالىپتاستىرىپ، وزىندىك قۇندى ۇنەمدەپ، پايدانى ارتتىرۋدان سىرت، تاعى كەدەيلەردى كاسىپتەندىرۋگە بولادى، كەەديلىكتەن قۇتىلدىرۋدان قامال الۋ شايقاسىنىڭ جەڭىسىنە،ءسوزجوق، قول جەتكىزە الاتىنىمىزعا سەنىمىمىز كامىل.


بەرىپ كەت ورامالىڭدى

دوستار

الىستاعى اق ەركە