جاڭا حابارلار

جاسىل دامۋعا تاباندى بولىپ، كوركەم شينجياڭ قۇرايىق

    كەلۋ قاينارى: شينجياڭ حالىق راديو ىستانسياسى    2018-07-20 19:27:51  

پارتيا 19-قۇرىلتايى بايانداماسىندا: «جاسىل دامۋ ءتاسىلى مەن تۇرمىس ءتاسىلىن قالىپتاستىرىپ، ءوندىرىسى دامىعان، تۇرمىسى اۋقاتتى، ەكولوگياسى جاقسى وركەنيەتتى دامۋ جولىنان اۋىتقىماي ءجۇرۋ كەرەك»،-دەپ اتاپ كورسەتىلگەن. كەزەكتە، رايونىمىزدىڭ جەر-جەرى قورشاعان ورتانى قورعاۋدىڭ سوڭعى شەگى مەن قىزىل سىزىعىن بەرىك ساقتاپ، بۇرىلىس جاساپ دامۋ اياق الىسىن تەزدەتىپ، ساپاسى اناعۇرلىم جوعارى، ونىمدىلىگى اناعۇرلىم جاقسى، قۇرىلىمى اناعۇرلىم ساپالى بولعان جاسىل دامۋدىڭ تىڭ جولىن بىرتىندەپ اشتى. (قازىر ءبىزدىڭ دالادان كورگەن ادامسىز مەڭگەرىلەتىن شاحتا ماشيناسى ەندى مىنە بىرتىندەپ جەر استىنا قاراي جىلجىدى..)
شينجياڭ ياكىسى بايلىق اشۋ شەكتى جارنا سەرىكتەستىگى حۋاڭشان مىس-نيكەل كەنى قولباسشىلىق كەڭسەسىندە، كەن باستىعى ليۋ دۇڭفىڭ تىلشىگە كەن رايونىنىڭ ورناتىپ جاتقان ادامسىز مەڭگەرىلەتىن شاحتا ماشيناسىنىڭ جۇمىس ءتارتىبىن تانسىتىرىپ: « تيەۋدەن تاسۋعا، ودان تۇسىرۋگە دەيىن، كومپيۋتەردە مەڭگەرىلەدى، شاحتا ماشيناسىنا بۇيرىق بەرىلسە عانا بولعانى، بارلىق تاسىمال ءتارتىبىن ءوزى ورىندايدى، ەندىگارى ادام كۇشىنىڭ قاجەتى جوق»،-دەدى. ليۋ دۇڭفىڭ بىلاي دەدى: « ادامسىز مەڭگەرىلەتىن شاحتا ماشيناسى كەن رايونىنىڭ ساپانى جوعارىلاتىپ، ءونىمدى ارتتىرۋدىڭ ءبىر شاعىن كارتيناسى سپەتتى. قازىرگە دەيىن، شينجياڭ ياكىسى بايلىق اشۋ شەكتى جارنا سەرىكتەستىگىنىڭ جالپى قوسقان قارجىسى 28 ميلليون يۋاننان استى، مۇنى كەن رايونىن ماشينالاندىرۋعا، اۆتوماتتاندىرىپ وزگەرتۋگە جۇمسادى. ءبىز اۆتوماتتاندىرۋعا قارجى قوسۋ، «بۇرىنعى ادام كۇشىمەن ىستەلەتىن جۇمىستاردى ماشينالاندىرىپ، اۆتوماتتاندىرىپ ادامدى قىسقارتۋ» سىندى شارا قولدانىپ، الدىمەن قىزمەتكەرلەردى قول بايلاعان جۇمىستان بوساتىپ، حاۋىپسىزدىك قاتەرىن تومەندەتىپ، پايدالانىلاتىن جابدىقتىڭ ونىمدىلىگىن ارتتىردىق»،-دەدى.
ماشينالاندىرىپ ءوندىرۋ جۇمىسىن ىلگەرلەتۋدەن سىرت، شينجياڭ ياكىسى بايلىق اشۋ شەكتى جارنا سەرىكتەستىگى ەنەرگيانى ۇندەمدەپ، قۇراۋ مولشەرىن ازايتۋدى كاسىپورننىڭ جاسىل دامىپ ونىمدىلىكتى جوعارىلاتۋدىڭ تاعى ءبىر ءونىمدى جولىنا اينالدىردى. سەرىكتەستىكتىڭ تىڭنان پايدالانعان جيلىك اۋىستىرۋ جابدىعى، كاسىپورننىڭ %45 مولشەرىندەگى ەلەكتردىڭ سارىپ بولۋ مولشەرىن ازايتۋىنا كومەكتەستى؛ سەرىكتەستىكتىڭ وتكەن جىلى ورناتىپ پايدالانعان قۇدىق تۇبىنەن شىققان سۋدى جيناپ پايدالانۋ جۇيەسى ءار جىلى كاسىپورننىڭ 280 مىڭ يۋاننان استام سۋ اقىسىن ۇنەمدەدى. قازىر سەرىكتەستىك ەنەرگيانى ۇنەمدەپ، لاس زاتتاردى ازايتۋ، جاسىل كەن اشۋ، حاسىل دامۋدى جۇزەگە اسىرۋدى ىلگەرلەتۋ جاعىندا كوشىرىپ پايدالانۋعا، جالپىلاستىرۋعا بولاتىن تاجىريبە توپتادى. قۇمىل قالالىق ءوندىرىس حاۋىپسىزدىگىن باقىلاپ-باسقارۋ مەكەمەسىنىڭ باستىعى لي چياڭ:« قازىر ءبىز باس شۋجيدىڭ ›تۇنىق سۋ، جاسىل تاۋدىڭ ءوزى قىمباتتى بايلىق‹ دەيتىن يدەياسى بويىنشا، بيىلدان كەلەر جىلعا دەيىن، بارلىق كەندى قورشاعان ورتانى قورعايتىن، جاسىل، حاۋىپسىز، وسىزاماندانعان كەن ەتىپ قۇرامىز»،-دەدى. ونەركاسىپ ەكونوميكاسىندا جاسىل باياندى دامۋدى جۇزەگە اسىرىپ، بۇرىننان بار كاسىپ قۇرىلىمىن جەدەل ىلگەرلەتىپ، ونەركاسىپ كاسىپورىندارىنىڭ بۇرىلىس جاساپ دەڭگەيىن جوعارىلاتۋىن ىلگەرلەتۋدەن سىرت، تاعى دا ساۋداگەر شاقىرىپ، قارجى ەنگىزۋ سىندى شەشۋشى بۋىندى مىقتى يگەرىپ، ورتانى قورعاۋ نەگىزىندە ساۋداگەر شاقىرۋدى تياناق ەتىپ، ساۋداگەر شاقىرۋ نىسان ساپاسىنا ءمان بەرىپ، دامۋدىڭ باياندى جولىمەن ءجۇرۋ كەرەك. بيىلدان باستاپ 2020-جىلعا دەيىن، ءۇرىمجى قالاسى جالپى 300 ميلليارد يۋان قارجى قوسىپ، 30 ناقتى تۇلعالى كاسىپ باقشا رايونىن ءتۇيىندى قۇرىپ، جاڭاشا كاسىپتى ساۋداگەر شاقىرۋدىڭ ءتۇيىنى ەتىپ، ونەركاسىپ ەكونوميكاسىنىڭ دامۋىنداعى ولىقىلىقتاردى تولىقتاپ، كاسىپ جەتەكتەيتىن وسىزامانعى ينفورماتسيا عىلىم-تەحنيكاسىن بىرتىندەپ جۇزەگە اسىرىپ، جاسىل دامۋدى ورىنداۋعا بەرىك نەگىز قالايدى. ءۇرىمجى قالالىق ساۋداگەر شاقىرۋ مەكەمەسى پارتگرۋپپاسىنىڭ شۋجيى ۋي جىحۇي:« جاسىل دامۋ ءبىز باستان-اياق بەرىك تۇراتىن يدەيا، ءبىر جاسىل ءتۇستى، قورشاعان ورتانى قورعايتىن، باياندى دامۋدى دارىپتەيمىز، سوندىقتان ءبىز نىسان ەنگىزگەندە قورشاعان ورتانى قورعاۋ ولشەمىنە قاتاڭ بويسۇنامىز»،-دەدى.
7-ايدىڭ 15-كۇنى، ءۇرىمجى قالاسىنىڭ ساۋداگەر شاقىرۋ نىسانى ــــ جىجياڭ ساۋداگەرلەرىنىڭ ورتا-شاعىن-ۇساق كاسىپ ورىنداردىڭ كاسىپ كوزىن اشۋ باقشاسى ءۇرىمجى قالاسىنىڭ ميچۋان-دۇڭشان رايونىندا ىرگە تەپتى، بۇل نەگىزىنەن 3D كاسىبى، جاڭا ماتەريال، جاڭا ەنەرگيا سونداي-اق وزىق جابدىقتاردى جاساۋ كاسىبى سياقتىلاردى قامتىدى. ءۇرىمجى قالاسى ميچۋان-دۇڭشان رايوندىق پارتكومنىڭ تۇراقتى مۇشەسى لياڭ جىن: « 19-قۇرىلتايدا جاڭا-كونە قوزعاۋشى كۇشتەردى جاڭالاۋ ، جوعارى ساپالى دامۋ قاجەت، بۇل ءۇشىن جوعارى جاڭا عىلىم-تەحنيكانى ەنگىزۋگە تۋرا كەلەدى،-دەپ اتاپ كورسەتىلگەن. ميچۋان-دۇڭشان رايونىندا اۋىر ونەركاسىپ سالىستىرمالى كوپ، ءبىز قازىر جوعارى ساپالى جاساۋ كاسىبىن دامىتۋعا كۇش سالۋدامىز، ءبىز عىلىم-تەحنيكالىق جاڭالىق اشۋ بازاسى مەن اكادەميكتەر قىزمەت پۋنكىتىنىڭ رولىنان تولىق پايدالانىپ، دامۋ كومەسكى كۇشىنە يە كەيبىر كاسىپورىنداردى جەتىلدىرىپ جانە تاربيەلەپ، جوعارى جاڭا عىلىم-تەحنيكا باعىتىنا قاراي بۇرىلىس جاسايمىز»،-دەدى. بىرنەشە كۇننەن بەرى، ماناس اۋدانى بەيۋچا قالاشىعى جين-گو-مان-يۋان جەمىس اعاشى كاسىپتىك سەلبەستىك كوپەراتيۆى مىڭ مۋ جەرگە ەگىلگەن جاسىل ورگانيكالىق الاقاتتى جيناپ الاتىن مەزگىلگە ءوتتى. سەلبەستىك كوپەراتيۆىنىڭ باس القاسى لۇي دالياڭ تىلشىگە، سەلبەستىك كوپەراتيۆى اشقان جەردىڭ كوبى ءشول دالادا تىڭنان اشىلعان جەر، ونىڭ ۇستىندە بۇرىنعى ەگىمشىلىك ءتاسىلى سالىستىرمالى مەشەۋ، سۋدىڭ ىسىراپ بولۋ مولشەرى نەداۋىر اۋىر بولعانىن، قازىر سەلبەستىك كوپەراتيۆى ەكونوميكالىق ونىمدىلىك پەن ەكولوگيالىق ونىمدىلىككەيە الاقات ەگىپ، جەردىڭ قۇنارلىلىعىن ارتتىرۋدان سىرت، ديحانداردىڭ كىرىسىن ارتتىرىپ اۋقاتتاندىرعانىن ايتا كەلىپ: «بارىنەن دە ماڭىزدىسى قورشاعان ورتانى قورعاۋ، سوندىقتان، تىڭ يگەرىپ اشقان جەرگە الاقات ەگىپ، جاسىل ورتا جاراتتىق. قازىر 3 مىڭ مۋدان استام جەرگە ەگىلگەن الاقات جاقسى ءوسىپ، ەكولوگيالىق ورتا نەداۋىر وڭالىپ، كەيىنگى ۇرپاقتار ءۇشىن اشىق اسپان، اقشا بۇلت، جاسىل تاۋ، تۇنىق سۋى بار ءجايلى ورتا جاراتىلدى»،-دەدى.


بەرىپ كەت ورامالىڭدى

دوستار

الىستاعى اق ەركە