جاڭا حابارلار

 30 جىلدا ءبىر ساباق ءجىپتى دە زايا كەتىرمەدى

    كەلۋ قاينارى: شينجياڭ حالىق راديو ىستانسياسى    2018-07-23 23:00:36  

 ستانسيامىزدىڭ ءتىلشىسى چاي لين مەن پراكتيكانت ءتىلشى گۋان شياۋشياۋدىڭ حابارى ::
30 نەشە جىلدان بەرى، شينجياڭ تيانشان توقىما، كيىم- كەشەك شەكتى سەرىكتەستىگى ءجۇن توقىما فابريكاسىنىڭ باستىعى ليۋ شىڭلي قاشاندا رەفورمانىڭ الدىڭعى شەبىندە كۇرەس جاساپ، تالپىنىپ، جۇمسشى- قىزمەتكەرلەردى باستاپ قامال الىپ قيىنشىلىقتادى جەڭىپ، وسى  تانىمالى  كاسىپورننىڭ  تىڭ ومىرشەڭدىك كۇشى پەن جالىندى كۇشىن ۇزدىكسىز تاسقىنداتتى.شينجياڭ تيانشان توقىما كيىم- كەشەك شەكتى سەرىكتەستىگى ءجۇن توقىما فابريكاسىنىڭ باستىعى ليۋ شىڭليدىڭ ءار كۇنى قىزمەتكە شىققاننان كەيىنگى ەڭ الىمەن ىستەيتىن ءىسى  ءار قايسى ءوندىرىس سەحىن ارالاپ تەكسەرىپ، ءجۇندى سۇرىپتاۋ، جۋۋ، تاراۋ، بوياۋدان تارتىپ ءجىپ يىرۋگە دەيىنگى ءاربىر بارىستى ءوز كوزىمەن كورىپ، ۇعىسۋ. ول:« مەن جۇمىس ورنىنا بارىپ، ءجىپ قالاي ءيىرىلدى، قالاي بويالدى، ءتۇبىتتى جۋۋ جاعدايى قالاي بولدى، ءبارىن دە ءوز كوزىممەن كورەمىن، جۇمسشىلارمەن اڭگىمەلەسىپ، قىزمەت جاعدايىن، ساقتالعان ماسەلەلەردى ۇعىسىپ تۇرامىن»،- دەدى.       1987- جىلى ورتا مەكتەپتى بىتىرگەننەن كەيىن، 19 جاستاعى ليۋ شىڭلي شينجياڭ تيانشان توقىما، كيىم-كەشەك شەكتى سەرىكتەستىگىنىڭ ءجۇن توقىما فابريكاسىنا بارىپ باقىلاۋشىلىق قىزمەتىن ىستەيدى. ول :«العاشقى قادامدا ۇستازدار نۇسقاۋشىلىق ەتكەنىمەن، كەيىنگى جولدى ءوزىڭ باساسىڭ. ماشينانى توڭىرەكتەپ بوس جۇرمەي، ونىڭ قاعيداسىنا وي جۇگىرتتىم،  قولىمنان تاستامايتىن قويىن داپتەرىم بار، قازىرگە دەيىن بۇل داعدىما اينالدى. قىزمەت بارىسىندا جولىققان ماسەلەلەردى اي كۇنىمەن ەستەلىككە الىپ، ونىڭ قانداي ماسەلە ەكەنىن، نەشە قادام بويىنشا شەشىلگەنىن جازىپ قويامىن»،- دەدى.   قۇلشىنا ۇيرەنەتىن ءارى ۇڭىلە زەرتتەۋگە جانى قۇمار ليۋ شىڭلي باقىلاۋشى، ماشينا جوندەۋشىدەن كوپ ۇزاماي سەحتىڭ مەڭگەرۋشىسى بولدى. 2007- جىلى ول ءجۇن توقىما فابريكاسىنىڭ باستىقتىعىنا ءوسىرىلدى. باسشىلىق ورنىنا شىققاننان كەيىن، ليۋ شىڭلي كاسىپورننىڭ رەفورما جاساپ، جاڭالىق اشۋىن بەلسەنە ىلگەرلەتىپ، ونىمىنە قاراۋ ءتۇزىمىن، ءبىر مىندەتكە كوپ ورىن بەلگىلەۋدى اتقارىپ، قىزمەتكەرلەردىڭ بەلسەندىلىگىن تولىق جۇمىلدىردى. سونىمەن بىرگە، ول تاعى ساپانى مەڭگەرۋ گرۋپپاسىن ۇيىمداستىرىپ قۇرىپ، ءوندىرىس بۋىنىنداعى ءتۇرلى قيىن ماسەلەنى شوعىرلى ءبىر ءجايلى ەتتى. ول:« ەڭ ءبىرىنشى ءجۇن جۋۋ سەحىندە ءجۇن  تازا جۋىلماي، سارعايىپ قالادى. قوبىراۋ دارەجەسى دەرلىكتەي بولمايدى، تەحنولوگيانى ۇزدىكسىز ساپالاندىرۋ ، قايتا- قايتا تاجىريبە جاساۋ، تەحنولوگيا كورسەتكىشىن ۇزدىكسىز جاڭالاۋ ارقىلى سوڭىندا ءجۇننىڭ  تازا جۋىلىپ اعارۋ دارەجەسى مەن قوبىراۋ دارەجەسى  ەلىمىز بويىنشا ەڭ الدىڭعى قاتارعا ءوتتى »،- دەدى.       بۇگىنگى كۇندە، شينجياڭ تيانشان توقىما كيىم- كەشەك شەكتى سەرىكتەستىگى ءجۇن توقىما فابريكاسىنىڭ جىلدىق ءونىم قۇنى 100 ميلليون يۋاننان استى. ليۋ شىڭلي  قازىر 1980- جىلى قۇرىلعان تانىمالى كاسىپورىننىڭ بازار باسەكەسىندە قايتكەندە ۇزدىكسىز دامىتىپ، قۇدىرەتتەندىرۋگە بولاتىندىعىنا كوپ وي جۇگىرتەدى. ول :« ءارقانداي ءىستى زەر سالىپ تىڭعىلىقتى ىستەۋ قاجەت، ءبىز 30 جىل بويى ءجۇن توقىمامەن عانا شۇعىلداندىق. فابريكانىڭ باستىعى رەتىندە مەن ءبىرىنشى جاۋاپكەرمىن، كوپشىلىكتى باستاپ جۇمىس ىستەپ،  جاڭا يدەيانى قابىلداۋعا، جۇرەكتى ءارى شەبەر بولۋىم، رەفورمانى ۇزدىكسىز ىلگەرلەتۋىم ءتيىس»،- دەدى.  


بەرىپ كەت ورامالىڭدى

دوستار

الىستاعى اق ەركە