جاڭا حابارلار

رايونىمىز جاساندى سەرىكتەن پايدالانۋ كاسىبىن جەتىلدىرىپ، زورايتىپ، ارميا مەن حالىقتىڭ توعىسپالى دامۋىن ىلگەرىلەتتى

    كەلۋ قاينارى: شينجياڭ حالىق راديو ىستانسياسى    2018-07-25 13:17:44  
ستانسيامىزدىڭ ءتىلشىسى لي لۇڭ مەن پراكتيكانت شۇي ۋيفىڭنىڭ حابارى: پارتيا 19-قۇرىلتايىنىڭ بايانداماسىندا: «ارميا مەن حالىقتى توعىستىرۋ ستراتەگياسىن مەملەكەت ستراتەگياسى دەڭگەيىنە كوتەرۋ كەرەك» دەپ ايقىن اتاپ كورسەتىلدى. اۆتونوميالى رايوننىڭ ءىس جۇزىندىك جاعدايىنا ساي، جاساندى سەرىكتەن پايدالانۋ كاسىبىن زور كۇشپەن دامىتۋ ــــ مەملەكەتتىڭ ارميا مەن حالىقتى توعىستىرۋ ستراتەگياسىن دايەكتى تياناقتاندىرىپ، كاسىپ جاعىندا جاڭالىق اشا دامۋدىڭ جاڭا قوزعاۋشى كۇشىن جەتىلدىرەتىن تىڭ سالا ەسەپتەلەدى. كەزەكتە، رايونىمىز جاساندى سەرىك ارقىلى حابارلاسۋ، جاساندى سەرىك ارقىلى الىستان مەڭگەرۋ، جاساندى سەرىك باعىت نۇسقاعىش قاتارلى ءتۇيىندى سالالاردا پايدالانۋ-جالپىلاستىرۋ تەبىنىن ارتتىرىپ، ارميا مەن حالىقتىڭ توعىسپالى دامۋىن ىلگەرىلەتتى.
قازىرگى كەز شينجياڭ ساياحاتىنىڭ قاۋرىت كەزى، شينجياڭ ساياحات قارجى قوسۋ ىستەرىن باسقارۋ شەكتى سەرىكتەستىگى جاساندى سەرىك ءىرى ساندى مالىمەتىنەن پايدالانۋ تۇعىرىنان بۇكىل رايونىمىزداعى 4A دارەجەلىدان جوعارى 84 ساياحات كورىنىس رايونىنداعى ادام سانى، اۋارايى جاعدايى، قاتىناس احۋالى سياقتىلاردى انىق كورۋگە بولادى. سەرىكتەستىكتىڭ باس جوراسى سۇڭ جيانچىڭ تىلشىگە بىلاي دەدى: جاساندى سەرىكتىڭ پايدالانىلۋى ساياحاتشىلارعا جان-جاقتىلى قىزمەت وتەدى ءارى كورىنىس رايونىنىڭ شارا بەلگىلەۋىنە ۇسىنىس ايتىپ، ساياحاتشىلاردىڭ حاۋىپسىز دە كوڭىلدى ساياحاتتاۋىنا كەپىلدىك ەتتى. مىنا ساياحات لەنياسىنىڭ كورنىسى ۇلكەن ەكرانعا جالعانعان، مىنە بۇل 3 جاساندى سەرىكتىڭ ءبىر ۋاقىتتا اينالىمعا تۇسكەندىگنىڭ ناتيجەسى. مىناۋ قاراجون جايلاۋى، ەگەر ادام كوپ بولىپ، اۆتوكولىك كەپتەلۋ نەمەسە توسىلۋ جاعدايى جارىققا شىقسا، وندا ءبىز جاساندى سەرىك ارقىلى بارلىق ساياحات اۆتوكولىكتەرىنىڭ ورنىن تۇراقتاندىرعان سوڭ، سوڭىنداعى كولىكتەرگە ءسال ايالداڭدار دەپ ۇقتىرىپ، تىنىش-حاۋىپسىز، زەردەلى ساياحات ورتاسىن جاراتۋعا كۇش سالامىز.
شينجياڭنىڭ جەرى كەڭ، كەيبىر شەت-شالعاي تاۋلى وڭىرلەردە حابارلاسۋ سيگنالى بارماعان جەرلەر بار. شەت-شالعاي تاۋلى وڭىرلەردە قايتكەندە حابارلاسۋ ىستەرىن ىركىلىسسىزدەندىرىپ، شۇعىل قۇتقارۋ، قوعامدىق باسقارۋ جۇمىستارىن قالاي اتقارۋعا بولادى؟ مۇندا جەتى قاراقشى جاساندى سەرىگى ماڭىزدى رول اتقارۋدا. بىلتىر 11-ايدا، شينجياڭداعى جەتى قاراقشى ءبولىپ تيجارات ەتۋ ارناۋلى لەنياسىنىڭ تەكشەسى قۇرىلىپ اينالىمعا ءتۇستى. تەكشە اشىلعان سوڭ، جاعراپيالىق-وڭىرلىك شەكتەمەنى بۇزىپ، اسپان مەن جەردى ءبىر تۇلعالاندىرعان ساندى مالىمەت جيناۋ، جولداۋ، ءبىرجايلى ەتۋ جانە كاسىپ اتقارۋ جۇمىستارىن ىڭعايلاستىردى. وسى تەكشە بولعان سوڭ، ورمان قورعاۋشىلار، ەكسپەدەتسيالار جىلجىمالى حابارلاسۋ سيگنالى بولماعان وڭىردە شۇعىل جاعدايعا تاپ بولسا، جەتى قاراقشى جاساندى سەرىگى ارقىلى جاي قولفونعا ينفورماتسيا جولداپ، ءوزىنىڭ قاي ورىندا تۇرعانىن جانە قازىرگى حالىن انىق مالىمدەي الادى.
شينجياڭ جەتى قاراقشى تيانحۇي زات اينالىمى بىرلەسكەن توراپ عىلىم-تەحنيكا شەكتى سەرىكتەستىگىنىڭ ورىنباسار باس مەڭگەرۋشىسى جاڭ داحۋا تىلشىگە بىلاي دەدى: جەتى قاراقشى جاساندى سەرىگىن كوپ سالاعا پايدالانۋعا بولادى. جەتى قاراقشى جاساندى سەرىگىنىڭ مىناداي 4 ۇلكەن يقۋاتى بار: ورىن تۇراقتاندىرۋ، باعدار نۇسقاۋ، ۋاقىت بەلگىلەۋ، شاعىن مالىمەت كەستەسىن جولداۋ، ءبىز بارلىق قىزمەتتى وسى 4 ءتۇيىن ارقىلى ورىستەتىپ وتىرمىز. مىسالى، ورىن تۇراقتاندىرۋدا جەكەنىڭ، مەكەمە ورىننىڭ، اۆتوكولىكتىڭ، كەمەنىڭ ورنىنا دەيىن باقىلايمىز ؛ تاعى كەدەن، ەرەكشە تۇردەگى تاسىمال سالاسى، مۇناي-مۇناي حيميا سياقتى سالالارعا باعىت نۇسقايمىز. مۇنان تىس ساياحات كاسىبى دە شينجياڭنىڭ ءتۇيىندى دامىتاتىن كاسبىنىڭ ءبىرى، مۇندا ءبىز كورىنىس ءتۇيىنىن باقىلاپ، ادامدار مەن اۆتوكولىكتەردى باقىلايمىز. ەندى گيدرولوگيا ياعني سۋ رايى جۇيەسىندە جەتكىزگىش اسپابى ارقىلى بۇگىنگى سۋ دەڭگەيىنىڭ قانشا ەكەنىن، اعىس جىلدامدىعىنىڭ قالاي ەكەنىن، اۋارايىنىڭ قالاي بولاتىنىن انىق بىلە الامىز.
سوڭعى جىلداردان بەرى، اۆتونوميالى رايون جاساندى سەرىكتى قولدانۋ كاسىبىن ارميا مەن حالىقتىڭ توعىسۋىنداعى ماڭىزدى قىزمەت ءتۇيىنى ەتىپ ىلگەرلەتىپ، جاساندى سەرىك ارقىلى حابارلاسۋ، جاساندى سەرىك ارقىلى باعىت نۇسقاۋ، جاساندى سەرىك ارقىلى الىستان مەڭگەرۋ سىندى 3 جاساندى سەرىك اۆتونوميالى رايوننىڭ قاتىناس-تاسىمال، جاعراپيالىق تەكسەرىپ ولشەۋ، باعىت نۇسقاپ ورىن تۇراقتاندىرۋ، ورتانى قورعاۋ-باقىلاۋ، شۇعىل جاعدايدا قۇتقارۋ-كومەكتەسۋ سياقتى سالالاردا زور دامۋشىلىقتارعا قول جەتكىزدى.
اۆتونوميالى رايوندىق ەكونوميكا جانە ينفورماتسيالاندىرۋ كوميتەتى اسكەري ونەركاسىپ باسقارماسىنىڭ باستىعى شۋە حۇڭچاۋ: بۇدان كەيىن جاساندى سەرىكتى بۇرىنعىدان دا كوپ سالاعا پايدالانىپ، شينجياڭنىڭ ەكونوميكاسى مەن قوعامىنىڭ دامۋىنا ۇلەس قوسامىز. شينجياڭ جونىنەن ايتقاندا، جاساندى سەرىكتەن پايدالانۋ كاسىبىن بىلەتىن دارىندىلاردى كوپتەپ تاربيەلەپ، بۇل كاسىپتىڭ ساندى مالىمەت ساياساتى، كاسىپ ساياساتى سياقتى جاساندى سەرىكتەن پايدالاناتىن سالالاردى قامتىعان كاسىپورىن، دارىندى، قورشاعان ورتا سياقتى كوپ سالادا پايدالانۋىنا مۇمكىندىك جاسايمىز. كەلەسى قادامدا، پايدالانىلاتىن سالانى كەڭەيتۋگە كۇش سالامىز، مۇندا اتالعان ءداستۇرلى كاسىپ سالالارىنان تىس، قالانى زەردەلى باسقارۋ، زەردەلى قالا قۇرىلىسى جاعىندا قولدانىلۋ قادامىن تەزدەتەمىز، مۇنان تىس تاعى دا كوپ جاقتاعى قىزمەتتەردى ىلگەرىلەتۋىمىزگە تۋرا كەلىپ وتىر،-دەدى.

بەرىپ كەت ورامالىڭدى

دوستار

الىستاعى اق ەركە