جاڭا حابارلار

اۆتونوميالى رايونىمىز جاساندى سەرىك قولدانبالى باعدارلامالار كاسىپ سالاسىن ورنالاستىرىپ، ەكونوميكانىڭ دامۋىنا دەم بەردى

    كەلۋ قاينارى: شينجياڭ گازەتى    2018-07-25 19:18:12  

ەكونوميكانىڭ جوعارى ساپالى دامۋىن ىلگەرىلەتەيىك

ءتىلشىمىز حي حۇڭۋي 7 - ايدىڭ 23 - كۇنى ۇرىمجىدەن حابارلايدى. «سيگنال جوق نەمەسە سيگنال ناشار جەردە بەيدوۋ چاڭلياۋ تۇعىرى ارقىلى ينفورماتسيانى بەلگىلەنگەن قول تەلەفونعا جىبەرۋگە بولادى». 7 - ايدىڭ 22 - كۇنى ءۇرىمجى ەكونوميكالىق - تەحنيكالىق اشۋ رايونىنىڭ (توۋتۇنحى رايونى) جۇمساق بولشەك باقشاسىندا شينجياڭ بەيدوۋ تيانحۇي زاتتار ينتەرنەتى عىلىم - تەحنيكالىق شەكتى سەرىكتەستىگىنىڭ ورىنباسار باس ديرەكتورى جاڭ داحۋا تىلشىگە بەيدۋ 6S قول اپپاراتىنىڭ بەيدوۋ چاڭلياۋ تۇعىرىن كورسەتتى. 

 وتكەن جىلى 11 - ايدا وسى سەرىكتەستىك شينجياڭداعى تۇڭعىش بەيدوۋ ءبولىپ جۇرگىزۋ ارناۋلى جەلىلى تۇعىرىن اشتى، باستىسى، شۇعىل جاعدايدا قۇتقارۋ - جاردەمدەسۋ، اقىلدى قاتىناس، قوعامدىق باسقارۋ سياقتى سالاعا قولدانىلادى. وسى تۇعىر قۇرىلعاننان كەيىن، جاعراپيالىق وڭىرلىك كەدەرگىلەردى جەڭىپ، اسپان - جەر ءبىر تۇلعالى ساندى مالىمەتتەردى جيناۋدى، جەتكىزۋدى، ءبىر جاقتى ەتۋدى جانە كاسىپتىك باسقارۋدى جوعارى دەڭگەيلى شوعىرلاندىرىپ، بۇكىل اۆتونوميالى رايوندى قامتىعان جالپىلىق جەلىلىك قىزمەت كورسەتۋ جۇيەسىن ورناتتى، ول سايكەستى قىسقا حابارلاما قولدانۋشىلارىنا دەر كەزىندە ورىن قىزمەتىن، ۋاقىت قىزمەتىن، شۇعىل جاعدايدا حابارلاسۋ قىزمەتىن كورسەتىپ، قولدا ۇستايتىن بەيدوۋ تەرمينالى ارقىلى قىسقا حابارلاما ينفورماتسيالارىن جەتكىزە الادى، ءسويتىپ، بەيدوۋ مەن قول تەلەفوننىڭ ءوزارا تۇتاسۋى ىسكە اسادى. 

 «الداعى جەردە ءبىز تۇعىردى ۇگىتتەۋ تەبىنىن كۇشەيتىپ، تۇعىردىڭ قولدانبالى باعدارلامالىق سەلبەستىگىن ىزدەستىرىپ، بەيدوۋدىڭ ۇلگى كورسەتۋ قولدانبالى باعدارلاما ينجەنەرياسىن ىلگەرىلەتەمىز»، - دەدى سەرىكتەستىكتىڭ باس ديرەكتورى حاڭ يۇيحۋا. 

 ءۇرىمجى جوعارى قارقىندى تەمىر جول اۋماعىنا ورنالاسقان جىبەك جولى ەكونوميكالىق بەلدەۋى ساياحاتتىق جيناقتاۋ - ۇلەستىرۋ ورتالىعىندا ءىرى ساندى مالىمەت امبەباپ قولدانبالى باعدارلامالار قىزمەت كورسەتۋ تۇعىرى ءارقايسى ءىرى كورىنىس رايوندارىنىڭ اۋا رايى جاعدايى جانە ساياحاتشىلار اعىمى، جاس قۇرامىنا قاراي تارالۋى سياقتى ينفورماتسيالارىن ۇستىنەن كورسەتىپ تۇر. «قازىر بۇكىل شينجياڭداعى 84 مەملەكەتتىك 5A دارەجەلى، 4A دارەجەلى كورىنىس رايونىنداعى ادام مولشەرى، ناق مايداندا باسقارۋ سياقتى ساياحات كۇيىنىڭ ناقتى ۋاقىتتاعى باقىلاۋ - تىزگىندەۋ ساندى مالىمەتتەرى ىركەس - تىركەس وسى تۇعىرعا جالعانۋدا. <اقىلدى ساياحات>، <تىنىش ساياحات> جاڭا جۇيەسىن قۇرۋ نىساناسىن ارقاۋ ەتە وتىرىپ، ءبىز جاساندى سەرىك ءىرى ساندى مالىمەتتەرى قولباسشىلىق ەتۋ ورتالىعى، <ساياحات كارتاسى>، ساياحات شارۋاشىلىعىنىڭ اينالىسىن باقىلاۋ - ولشەۋ جانە شۇعىل جاعدايدا قولباسشىلىق ەتۋ تۇعىرى سياقتىلاردى قۇردىق. جىبەك جولى ەكونوميكالىق بەلدەۋى ساياحاتتىق جيناقتاۋ - ۇلەستىرۋ ورتالىعى مەن جاساندى سەرىك قولدانبالى باعدارلامالار تۇعىرى ءوزارا تۇتاستىرىلىپ، جەلى ءۇستى مەن جەلىدەن تىس شوعىرلاس شەڭبەردى قالىپتاستىرىپ، ساياحاتشىلارعا ءبىر ءىزدى قىزمەت كورسەتەدى»، - دەپ تانىستىردى نىسان جاۋاپتىسى، شينجياڭ ساياحاتقا قارجى سالۋدى باسقارۋ شەكتى سەرىكتەستىگىنىڭ باسالقاسى سۇڭ جيانچىڭ. 

 جىبەك جولى ەكونوميكالىق بەلدەۋى ساياحاتتىق جيناقتاۋ - ۇلەستىرۋ ورتالىعى جانە جاساندى سەرىك قولدانبالى باعدارلامالار تۇعىرى سىندى ەكى ۇلكەن نىسان جىبەك جولى ساياحاتىن ىلگەرىلەتۋدى نىسانا ەتىپ، حابارلاسۋ، بەيدوۋ، الىستان اڭعارۋ ءۇش تۇردەگى جاساندى سەرىك جالپىلىق قولدانبالى باعدارلامالارىنا سۇيەنىپ، ساياحات كاسىبى مەن جاساندى سەرىك قولدانبالى باعدارلامالارى كاسىپ سالاسى توعىسىپ داميتىن جاڭا كۇي قالىپتاستىرۋدى بەلسەنە ىلگەرىلەتەدى. «بولاشاقتا ءبىز جىبەك جولى ەكونوميكالىق بەلدەۋى ساياحاتتىق جيناقتاۋ - ۇلەستىرۋ ورتالىعىن وزەك ەتىپ، جاساندى سەرىك ءىرى ساندى مالىمەتى ارقىلى بايلانىستىرىپ، ساياحاتتىڭ جۇمساق كۇشىن تولىق ساۋلەلەندىرىپ، جىبەك جولى ەكونوميكالىق بەلدەۋى ساياحاتتىق جيناقتاۋ - ۇلەستىرۋ ورتالىعىن جىبەك جولى ەكونوميكالىق بەلدەۋى بويىنداعى ءار ەل حالقى جينالاتىن جەرگە اينالدىرامىز»، - دەيدى سۇڭ جيانچىڭ. 

 اۆتونوميالى رايونىمىز تاعى ەلىمىزدە وندىرىلگەن جوعارى ايقىندىقتا الىستان اڭعارىلعان كەسكىن ساندى مالىمەتتەرىنىڭ جانە بەيدوۋ جول كورسەتۋ جۇيەسىنىڭ قىسقا حابارلاما باسىمدىعىن ساۋلەلەندىرىپ، قوعامدىق جالپىلىق باسقاراتىن شۇعىل جاعدايعا توتەپ بەرىپ، اپاتتان اراشالاۋ، ينفورماتسيالىق قىزمەت كورسەتۋ سياقتى كاسىپتەردىڭ سۇرانىسىن كوزدەپ، بەيدوۋ جاساندى سەرىك جول كورسەتۋ جۇيەسىنىڭ دارا ەرەكشەلىككە يە جوعارعى وربيتاداعى، ورتاڭعى وربيتاداعى جيناق جاساندى سەرىكتەردىڭ شوقجۇلدىزدىق ورنالاسۋىنان پايدالانىپ، بەيدوۋ جاساندى سەرىك جول كورسەتۋ جۇيەسىنىڭ ورىن تۇراقتاندىرۋ جانە قىسقا حابارلاما فۋنكتسياسىن، بەيدوۋ ارنايى جەلىسىن جانە جىلجىمالى حابارلاسۋ تورىن قولدانىپ، جوعارى ايقىندىقتا الىستان اڭعارىلعان كەسكىن كارتاسىمەن بىرلەستىرىپ، اپاتتان اراشالاۋ، اپاتتان قۇتقارۋ، شۇعىل جاعدايعا توتەپ بەرىپ قۇتقارۋ - كومەكتەسۋ سياقتى الەۋمەتتىك حاۋىپسىزدىك سالاسىنداعى تەحنيكالىق قامتاماسىز ەتۋ جانە ينفورماتسيالىق قىزمەت كورسەتۋ قابىلەتىن جاپپاي جوعارىلاتادى. 

 ءتىلشىنىڭ اۆتونوميالى رايوننىڭ ەكونوميكا جانە ينفورماتسيالاندىرۋ كوميتەتىنەن ۇعىسۋىنشا، كەلەسى قادامدا اۆتونوميالى رايونىمىز جاساندى سەرىك قولدانبالى باعدارلامالارىن كاسىپ سالالاندىرۋدى ءتۇيىندى قىزمەت رەتىندە ۇستاپ، جاساندى سەرىك قولدانبالى باعدارلامالارىمەن شۇعىلداناتىن كاسىپورىن، دارىندى سياقتىلاردى بەلسەنە جەتىلدىرىپ، جاساندى سەرىك قولدانبالى باعدارلامالارى كاسىپ سالاسىنىڭ جاقسى ءارى جەدەل دامۋىن ىلگەرىلەتەدى ەكەن.


بەرىپ كەت ورامالىڭدى

دوستار

الىستاعى اق ەركە