جاڭا حابارلار

شي جينپيڭ 5 - كەزەكتى جۇڭگو - افريكا حالىقتىق تالقى مىنبەرىنە قۇتتىقتاۋ حاتىن جولدادى

    كەلۋ قاينارى: شينجياڭ گازەتى    2018-07-25 18:14:23  

 شينحۋا اگەنتتىگىنىڭ 7 - ايدىڭ 23 - كۇنى چىڭدۋدان بەرگەن حابارى. 5 - كەزەكتى جۇڭگو - افريكا حالىقتىق تالقى مىنبەرى 7 - ايدىڭ 23 - كۇنى چىڭدۋدا وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ تالقى مىنبەرىنە قۇتتىقتاۋ حاتىن جولدادى. 

 شي جينپيڭ مىنالاردى ءبىلدىردى: 5 - كەزەكتى جۇڭگو - افريكا حالىقتىق تالقى مىنبەرىنىڭ اشىلۋى ورايىندا، مەن جۇڭگو كوممۋنيستىك پارتياسى، جۇڭگو ۇكىمەتى، جۇڭگو حالقى اتىنان ءارى ءوز اتىمنان، تالقى مىنبەرىنىڭ اشىلعاندىعىن قىزۋ قۇتتىقتايمىن، ماجىلىسكە قاتىناسقان افريكا ەلدەرىنىڭ باسشىلارىن، سونداي - اق ءار سالاداعى قايراتكەرلەردى شىن جۇرەكتەن قارسى الامىن. 

 شي جينپيڭ بىلاي دەپ اتاپ كورسەتتى: جۇڭگو - افريكا حالىقتىق تالقى مىنبەرى − جۇڭگو حالقى مەن افريكا حالقىنىڭ ماڭىزدى كوپىرى. 2011 - جىلى 8 - ايدا قۇرىلعاننان بەرى، تالقى مىنبەرى «حالىقتار اراسىنداعى دوستىقتى ىلگەرىلەتۋ، ناقتى سەلبەستىكتى جەبەۋ، دۇنيە ءجۇزىنىڭ بەيبىتشىلىگىن ىلگەرىلەتۋ» سىندى جۇڭگو - افريكا حالىقتارى اراسىنداعى دوستىقتىڭ 3 پرينسيبىنە تاباندى بولىپ، بەلسەندى ىلگەرىلەۋشىلىكتەرگە قول جەتكىزىپ ءارى مەحانيزمدەنۋدى جۇزەگە اسىرىپ، جۇڭگو مەن افريكا حالىقتارى اراسىنداعى دوستىقتى، اۋىس - كۇيىستى، سەلبەستىكتى جەبەۋدە ماڭىزدى رولىن ساۋلەلەندىردى. 

  شي جينپيڭ مىنالاردى باسا دارىپتەدى: حالىقتار دوستىعى − مەملەكەت پەن مەملەكەت قاتىناسىنىڭ ماڭىزدى نەگىزى ءارى الداعى ۋاقىتتاعى جۇڭگو - افريكا ەلدەرى قارىم - قاتىناسىنىڭ دامۋىنىڭ ماڭىزدى سالاسى. بيىل 9 - ايدا ءبىز جۇڭگو - افريكا ەلدەرى سەلبەستىك تالقى مىنبەرىنىڭ بەيجيڭ باسشىلار باس قوسۋىن وتكىزەمىز. وسى جولعى تالقى مىنبەرى «حالىقتىق كۇش - قۋاتتى ۇيىستىرىپ، جۇڭگو - افريكا دوستىعىن، ءوزارا سەنىمدىلىگىن جەبەۋدى» نەگىزگى تاقىرىپ ەتىپ، جۇڭگو مەن افريكا حالىقتارىنىڭ دوستىق قارىم - قاتىناسى مەن سەلبەستىگىن، ءسوز جوق، پارمەندى تۇردە ىلگەرىلەتەدى. كوپشىلىكتىڭ يدەيا اۋىستىرىپ، تاجىريبەلەردى ءبولىسىپ، ورتاق تانىمدى ۇيىستىرىپ، جۇڭگو مەن افريكا حالىقتارىنىڭ دوستىق سەلبەستىگىنە اقىل - كەڭەستەر بەرىپ، جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن قۇرۋعا جالىندى قوزعاۋشى كۇش قوسۋىن، جۇرت رايى نەگىزىن نىعايتۋىن ءۇمىت ەتەمىن. 5 - كەزەكتى جۇڭگو - افريكا حالىقتىق تالقى مىنبەرىنىڭ تابىستى بولۋىن تىلەيمىن.


بەرىپ كەت ورامالىڭدى

دوستار

الىستاعى اق ەركە