جاڭا حابارلار

شي جينپيڭ كيگاليگە بارىپ، رۋاندا رەسپۋبليكاسىنداعى مەملەكەتتىك ساپارىن باستادى

    كەلۋ قاينارى: شينجياڭ گازەتى    2018-07-25 18:23:32  

جەرگىلىكتى ۋاقىت 7 - ايدىڭ 22 - كۇنى، مەملەكەت ءتوراعاسى شي جينپيڭ كيگاليگە بارىپ، رۋاندا رەسپۋبليكاسىنداعى مەملەكەتتىك ساپارىن باستادى. شي جينپيڭ مەن حانىمى پىڭ لييۋان اۋەجايدا رۋاندا زۇڭتۇڭى كاگامي مەن حانىمى جەاننەتتەنىڭ ىستىق ىقىلاستى قارسى الۋىنا بولەندى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن


شينحۋا اگەنتتىگىنىڭ 7 - ايدىڭ 22 - كۇنى كيگاليدەن بەرگەن حابارى (تىلشىلەر ۋ جىچياڭ، لۇي تيانران، ۋاڭ جولۇن). 7 - ايدىڭ 22 - كۇنى، مەملەكەت ءتوراعاسى شي جينپيڭ كيگاليگە بارىپ، رۋاندا رەسپۋبليكاسىنداعى مەملەكەتتىك ساپارىن باستادى.   جەرگىلىكتى ۋاقىت كەشكى ساعات 8دەن 50 مينۋت وتە بەرگەندە، شي جينپيڭ وتىرعان ارناۋلى ۇشاق كيگالي حالىقارالىق اۋەجايىنا كەلىپ قوندى. شي جينپيڭ مەن حانىمى پىڭ لييۋان ۇشاق ەسىگىنەن شىققاندا، رۋاندانىڭ زۇڭتۇڭى كاگامي مەن حانىمى جەاننەتتە قاتارلىلار ىستىق ىقىلاسپەن قارسى الدى. ءساندى كيىنگەن قۇرمەت قاراۋىلى رۋحتى بەينەدە سيلى قوناقتارعا قۇرمەتپەن قاراپ تۇردى. رۋاندالىق ورەندەر شي جينپيڭ مەن پىڭ لييۋانعا گۇل ۇسىندى. كاگامي شي جينپيڭ مەن پىڭ لييۋانعا رۋاندا جاقتان قارسى الا شىققان باسقا كىسىلەردى تانىستىردى. اسەم ۇلتتىق كيىم كيگەن جەرگىلىكتى جۇرتشىلىق قوناقتى قارسى الۋ ءبيىن بيلەپ، شات - شادىمان بەينەدە افريكا بارابانىن سوعىپ، جۇڭگولىق سيلى قوناقتاردى قىزۋ قارسى الدى. 

 ەكى ەلدىڭ مەملەكەت باسشىلارى مەن حانىمدارى ىقىلاستى دوستىق اڭگىمەدە بولدى. شي جينپيڭ رۋاندا ۇكىمەتى مەن حالقىنا جۇڭگو ۇكىمەتى مەن جۇڭگو حالقىنىڭ ىقىلاستى سالەمىن جانە ىزگى تىلەگىن جەتكىزدى. شي جينپيڭ بىلاي دەپ اتاپ كورسەتتى: مەنىڭ بۇل جولعى ساپارىم − جۇڭگونىڭ مەملەكەت ءتوراعاسىنىڭ رۋانداعا تۇڭعىش ساپارى. رۋاندا توپىراعىنا اياق باسقان ساتىمدە، رۋاندا ۇكىمەتى مەن حالقىنىڭ جۇڭگو حالقىنا دەگەن دوستىق سۇيىسپەنشىلىگىن تەرەڭ سەزىندىم. جۇڭگو مەن رۋاندانىڭ اراسى شالعاي بولعانىمەن، ەكى ەلدىڭ ءداستۇرلى، دوستىق قارىم - قاتىناسى بار، ەكى ەل حالىقتارىنىڭ دوستىعى تەرەڭ. ديپلوماتيالىق قارىم - قاتىناس ورناتقان 47 جىلدان بەرى، ەكى جاق شىنايى دوستىققا، تەڭ مامىلە جاساۋعا تاباندى بولدى، جۇڭگو - رۋاندا قارىم - قاتىناسى باستان - اياق اقاۋسىز، ورنىقتى دامىدى. بىلتىر 3 - ايدا كاگامي زۇڭتۇڭ جۇڭگوداعى ساپارى كەزىندە، ءبىز جۇڭگو - رۋاندا قارىم - قاتىناسى جانە ءوزارا ءتيىمدى سەلبەستىگى جونىندە ىشكەرىلەي پىكىرلەسكەن ەدىك، كەلىسكەن ورتاق تانىم جاپپاي، ءونىمدى تۇردە تياناقتاندىرىلۋدا. ەكى ەلدىڭ مەملەكەت باسشىلارىنىڭ ءبىر جىلدان استام ۋاقىتتا ءوزارا ساپاردا بولۋدى ءساتتى ىسكە اسىرۋى ەكى جاقتىڭ جۇڭگو - رۋاندا قارىم - قاتىناسىنا وسكەلەڭ ءمان بەرگەندىگىن تولىق ايگىلەيدى. كاگامي زۇڭتۇڭ افريكا وداعىنىڭ كەزەكتى ءتوراعاسى مىندەتىن دە ارقالاپ وتىر، مەن كاگامي زۇڭتۇڭمەن بىرگە جاڭا داۋىردەگى ەكى جاقتى قارىم - قاتىناستىڭ دامۋى، جۇڭگو - افريكا سەلبەستىگى، سونداي - اق بىرگە كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرۋدى كۇتەمىن. وسى جولعى ساپاردىڭ، ءسوز جوق، مول تابىستارمەن ەكى ەل حالىقتارىنا باقىت جەتكىزەتىندىگىنە سەنەمىن.   كاگامي رۋاندا ۇكىمەتى مەن حالقى اتىنان، ءتوراعا شي جينپيڭنىڭ رۋانداعا مەملەكەتتىك ساپارمەن كەلگەنىن قىزۋ قارسى الاتىندىعىن ءبىلدىرىپ، ساپاردىڭ تابىستى بولۋىن تىلەدى. كاگامي مىنالاردى ءبىلدىردى: جۇڭگوداعى بىلتىرعى ساپارىم ءالى كوز الدىمدا، ءبىزدىڭ كەڭەسىمىز اسا ناتيجەلى بولدى. ءتوراعا شي جينپيڭنىڭ وسى جولعى ساپارىنىڭ، ءسوز جوق، ەكى ەلدىڭ دوستىق سەلبەستىگىن اناعۇرلىم ىلگەرىلەتەتىندىگىنە سەنەمىن.   ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار سول ۇشاقتا بىرگە باردى.  

 جۇڭگونىڭ رۋانداداعى باس ەلشىسى راۋ حۇڭۋي دە اۋەجايعا بارىپ قارسى الدى.  

 شي جينپيڭ سەنەگالداعى مەملەكەتتىك ساپارىن اياقتاتقان سوڭ كيگاليگە كەلدى. داكاردان اتتاناردا شي جينپيڭ سەنەگالدىڭ زۇڭتۇڭى سالدىڭ اۋەجايدا وتكىزگەن اتتاندىرۋ سالتىنا قاتىناستى. شي جينپيڭ مەن پىڭ لييۋان اۋەجايعا بارعان كەزدە، سال مەن حانىمى ماريەمە كولىك توقتاتۋ ورنىندا قارسى الدى. ەكى ەلدىڭ مەملەكەت باسشىلارى مەن حانىمدارى ۇشاق الاڭقىسىنا قاراي اياڭدادى. ەكى ەلدىڭ مەملەكەت باسشىلارى قۇرمەت قاراۋىلى مىنبەسىنە شىقتى. اسكەري وركەستر جۇڭگو مەن سەنەگالدىڭ مەملەكەت اندەرىن ورىندادى. شي جينپيڭ سالدىڭ سەرىك بولۋىمەن قۇرمەت قاراۋىلىن كوزدەن كەشىردى. شي جينپيڭ مەن پىڭ لييۋان سەنەگال جاقتان وزدەرىن اتتاندىرىپ سالۋعا كەلگەندەرمەن قوشتاستى. سال مەن حانىمى جۇڭگو جاقتان سەرىك بولىپ كەلگەندەرمەن قوشتاستى.  

 ەكى ەلدىڭ مەملەكەت باسشىلارى مەن حانىمدارى ۇشاق باسپالداعىنىڭ جانىندا ىقىلاسپەن قوشتاستى. شي جينپيڭ مىنالاردى ءبىلدىردى: سەنەگال جاقتىڭ وسى جولعى ساپار ءۇشىن ەرەكشە جان - جاقتى ورنالاستىرۋ جاساعانىنا العىس ايتامىن. ساپار وتە تابىستى، قاناعاتتانارلىقتاي بولدى، قىزۋ دۋماندى بولىپ قانا قويماي، وتە ءونىمدى، ناقتى بولدى. وسى جولعى ساپاردىڭ جۇڭگو - سەنەگال قارىم - قاتىناسىنىڭ دامۋىن پارمەندى تۇردە ىلگەرىلەتەتىندىگىنە سەنەمىن. سال مىنانى ءبىلدىردى: ءتوراعا شي جينپيڭدى كۇتىپ العانىمدى ەرەكشە داڭق سەزىنەمىن. وسى جولعى ساپار ءساتتى، تابىسى مول بولدى. كەلەشەكتە ءتوراعا شي جينپيڭمەن ۇنەمى جۇزدەسىپ تۇرۋدى كۇتەمىن.  

 رۋاندا − شي جينپيڭنىڭ وسى جولعى ساپارىنداعى ءۇشىنشى بەكەت. شي جينپيڭ الدا تاعى وڭتۇستىك افريكادا مەملەكەتتىك ساپاردا بولادى، وڭتۇستىك افريكانىڭ يوحاننەسبۋرگ قالاسىندا وتەتىن بريكس ەلدەرى باسشىلارىنىڭ 10 - رەتكى كەڭەسىنە قاتىناسادى، جولشىباي ماۋريتيۋستا ايالداپ، دوستىق ساپاردا بولادى. 


بەرىپ كەت ورامالىڭدى

دوستار

الىستاعى اق ەركە