جاڭا حابارلار

تۇبىنە جەتە تەكسەرىپ، قاتاڭ جاۋاپقا تارتىپ، قاشاندا حالىق بۇقاراسىنىڭ دەنساۋلىعىن ماڭداي الدى ورىنعا قويىپ، حاۋىپسىزدىكتىڭ تومەنگى شەگىن باتىل ساقتاۋدى باسا دارىپتەدى

    كەلۋ قاينارى: شينجياڭ گازەتى    2018-07-25 18:46:21  

شي جينپيڭ جيلين چاڭچۇن چاڭشىڭ بيولوگيالىق ۆاكسينا دەلوسى جونىندە ماڭىزدى نۇسقاۋ بەردى
 


 شينحۋا اگەنتتىگىنىڭ 7 - ايدىڭ 23 - كۇنى بەيجيڭنەن بەرگەن حابارى. شەتەلدە ساپاردا جۇرگەن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جيلين چاڭچۇن چاڭشىڭ بيولوگيالىق ۆاكسينا دەلوسى جونىندە ماڭىزدى نۇسقاۋ بەرىپ، مىنالاردى اتاپ كورسەتتى: چاڭچۇن چاڭشىڭ بيولوگيالىق عىلىم - تەحنيكا شەكتى جاۋاپكەرشىلىك سەرىكتەستىگىنىڭ زاڭعا، بەلگىلەمەگە قايشى ۆاكسينا ءوندىرۋ ارەكەتىنىڭ سيپاتى وتە ناشار، جان تۇرشىكتىرەدى. قاتىستى جەرلەر مەن تاراۋلار باسا نازار اۋدارىپ، ءىستىڭ انىق - قانىعىن جەدەل تەكسەرىپ، تۇبىنە جەتە تەكتەپ، قاتاڭ جاۋاپقا تارتىپ، زاڭ بويىنشا قاتاڭ جازالاۋ كەرەك. تەكسەرۋدىڭ اياق الىسىن دەر كەزىندە جاريالاپ، بۇقارانىڭ الاڭداۋشىلىعىنا شىنايى جاۋاپ قاتۋ كەرەك. شي جينپيڭ مىنالاردى باسا دارىپتەدى: ءدارى - دارمەك حاۋىپسىزدىگىنە كەپىلدىك ەتۋ − ءار دارەجەلى پارتكومدار مەن ۇكىمەتتەردىڭ باس تارتۋعا بولمايتىن جاۋاپكەرشىلىگى، قاشاندا حالىق بۇقاراسىنىڭ دەنساۋلىعىن ماڭداي الدى ورىنعا قويىپ، كۇشتى دارىمەن دەرتتى كەتىرىپ، جانعا باتىرا وتىرىپ ۋىتتى ايداۋعا بەل بۋىپ، ەلىمىزدىڭ ۆاكسينا باسقارۋ ءتۇزىلىسىن كەمەلدەندىرىپ، حاۋىپسىزدىكتىڭ تومەنگى شەگىن باتىل ساقتاپ، بۇقارانىڭ ءتول مۇددەسىن جانە قوعامنىڭ حاۋىپسىز، ورنىقتى جالپى جاعدايىن بار كۇشپەن قامتاماسىز ەتۋ كەرەك.  

 ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ جازىپ، مىنالاردى تالاپ ەتتى: مەملەكەتتىك كەڭەس دەرەۋ تەكسەرۋ گرۋپپاسىن جىبەرىپ، ۆاكسينا ءوندىرۋدىڭ، ساتۋدىڭ، ت.ب تۇتاس بارىسىنا، تۇتاس تىزبەگىنە تۇبەگەيلى تەكسەرۋ جۇرگىزىپ، ءىستىڭ انىق - قانىعىنا تەزدەن كوز جەتكىزىپ، مەيلى قايسى كاسىپورىندارعا، قايسى ادامدارعا قاتىستى بولسا دا كەشىكتىرمەي قاتاڭ جازاعا تارتۋ، ەشقانداي اياۋشىلىق جاساماۋ كەرەك. حالىقتىڭ ءومىرىنىڭ حاۋىپسىزدىگىنە زياندى بارلىق زاڭعا قايشى قىلمىستىق ارەكەتتەرگە باتىل، اۋىر سوققى بەرىپ، زاڭ بۇزعانداردى باتىل تۇردە زاڭ بويىنشا قاتاڭ جازالاپ، باقىلاۋ - باسقارۋداعى جاۋاپسىزدىق، جاۋاپكەرسىزدىك ارەكەتتەرىن باتىل، قاتاڭ جاۋاپقا تارتۋ كەرەك. حالىق جۇرتشىلىعىنا حاۋىپسىز، الاڭسىز، سەنىمدى تۇرمىس ورتاسىن ەرتەرەك قايتارۋ كەرەك. 

  شي جينپيڭنىڭ نۇسقاۋى مەن لي كىچياڭنىڭ تالابى بويىنشا، مەملەكەتتىك كەڭەس ارنايى قىزمەت مەحانيزمىن قۇردى ءارى تەكسەرۋ گرۋپپاسىن چاڭچۇن چاڭشىڭ بيولوگيالىق عىلىم - تەحنيكا شەكتى جاۋاپكەرشىلىك سەرىكتەستىگىندە تۇرىپ دەلو تۇرعىزىپ، تەكسەرۋ جۇرگىزۋگە جىبەردى. تەكسەرۋ گرۋپپاسى دەلونى تەكسەرىپ ءبىر جاقتى ەتۋ، جاۋاپكەرشىلىكتى قۋزاپ تەكسەرۋ، حاۋىپ پەن كومەسكى قاتەردى جاپپاي تەكسەرۋ سياقتى قىزمەتتەردى ءجىتى ورىندايدى. جيلين ولكەسى ولكە، قالا دارەجەلى دەلو تەكسەرۋگە باسشىلىق ەتۋ گرۋپپاسىن قۇرىپ، مەملەكەتتىك كەڭەستىڭ تەكسەرۋ گرۋپپاسىنا سايكەسىپ، قاتىستى قىزمەتتەردى جاقسى ىستەيدى ءارى وسى دەلوعا ۇشتاستىرىپ، جوعارى قاتەرلى ءدارى - دارمەك كاسىپورىندارىن جاپپاي ارىلتا تەكسەرەدى. جيلين ولكەلىك ازىق - تۇلىك، ءدارى - دارمەك باقىلاۋ - باسقارۋ مەكەمەسى چاڭچۇن چاڭشىڭ قۇتىرىق ۆاكسيناسىنىڭ ءدارى - دارمەك GMP كۋالىگىن قايتارىپ الىپ، وسى كاسىپورىننىڭ قۇتىرىق ۆاكسيناسىن ءوندىرۋىن جانە ساتۋىن توقتاتىپ، وسى كاسىپورىننىڭ بارلىق ونىمدەرىن بەكىتۋ - تىركەۋدى ۋاقىتشا دوعاردى.


بەرىپ كەت ورامالىڭدى

دوستار

الىستاعى اق ەركە