جاڭا حابارلار

رايونىمىز بەلسەنە جاسىل ءونىم جاساۋ جۇيەسىن قالىپتاستىرىپ، جاسىل دامۋدى جاپپاي ىلگەرىلەتتى

    كەلۋ قاينارى: شينجياڭ حالىق راديو ىستانسياسى    2018-07-26 16:12:12  
ستانسيامىزدىڭ ءتىلشىسى لي لۇڭ، پراكتيكانت شۇي ۋيفىڭنىڭ حابارى: باس شۋجي شي جينپيڭ مەملەكەتتىك قورشاعان ورتانى قورعاۋ جينالىسىندا بىلاي دەپ باسا دارىپتەدى: «جاسىل دامۋدى جاپپاي ىلگەرىلەتۋ كەرەك. جاسىل دامۋ جوعارى ساپالى وسى زاماندانعان شارۋاشىلىق جۇيەسىن قۇرۋدىڭ قاجەتتى شارتى، ورتا بىلعانىشى ماسەلەسىن وڭاۋدىڭ ءتۇبىرلى شاراسى». رايونىمىزدىڭ جەر-جەرى ەنەرگيا ۇنەمدەپ ورتانى قوعاۋ كاسىبىن، تازا ءوندىرىس كاسىبىن، تازا ەنەرگيا كاسىبىن بەلسەنە جەتىلدىرىپ جانە زورايتىپ، جاسىل جاساۋ جۇيەسىن قۇرىپ، جاسىل دامۋدى جاپپاي ىلگەرىلەتتى.
تاياۋدا، ەلىمىز بويىنشا تازا اليۋمىن ــ ەلەكتروندى اليۋمىن قابىرشىق ـ ەلەكتر ۇيەگى قابىرشىعى جاعىنداعى جەتەكشى كاسىپورىن شينجياڭ جۇڭحى شەكتى جارنا سەرىكتەستىگى ەڭ جاڭا تەحنولوگيا ارقىلى جوعارى دارەجەلى تازا اليۋمىن ءوندىرىسىن جۇزەگە اسىردى، بۇل سەرىكتەستىكتىڭ ءوندىرىس كولەمى كولەمدەنگەن ءوندىرىس دەڭگەيىنە جەتتى. سەرىكتەستىكتىڭ حاۋىپسىزدىك جانە قورشاعان ورتا قىزمەتىنە جاۋاپتى باس باقىلاۋشىسى لي جۇن تىلشىگە بىلاي دەدى: ءوزىمىز دەربەس زەرتتەپ جاساعان وسى جاڭا تەحنولوگيا بىرلىك ءونىمنىڭ ەلەكتر قۇراۋىن ياعني ەلەكتر سارىپ ەتۋ مولشەرىن بۇرىنعىنىڭ وننان ءبىر بولەگىندەي كولەمدە تەجەدى. ءبىز ىشكەرىلەي تالداۋ جاساۋ ءادىسى دەپ اتالاتىن ءوندىرىس تەحنولوگياسىن ءساتتى زەرتتەپ اشتىق. مۇندا بۇرىنعى ءبىر توننا اليۋمىنعا كەتەتىن ەلەكتر قۇراۋى 13 مىڭ 500 ۋات بولاتىن، قازىر ۇقساس ءبىر تۇردەگى ءونىمنىڭ ساپاسى مەن دارەجەسىنە كەپىلدىك ەتۋ العى شارتىندا، ءبىز تەك 1500 ۋات توك سارىپ ەتىپ، زور كولەمدە توك ۇنەمدەۋ نىساناسىن جۇزەگە اسىردىق.ءبىز وسى كاسىپتىڭ ءار ءبىر جۇمىس تارتىبىندە پايدا بولعان تاستاندى زاتتاردى كاسىپ تىزبەگىندە قايتادان تولىق كادەگە جاراتىپ، سەرىكتەستىكتىڭ وندىرىستەگى قىرۋار وزىندىك قۇنىن ۇنەمدەپ قالدىق.
شينجياڭ جۇڭحى جارنا شەكتى سەرىكتەستىگى «كومىر-ەلەكتر-تازا الۋمين-ەلەكتروندى الۋمين قابىرشىعى ـــ ەلەكتر ۇيەگى قابىرشىعى» سىندى جاڭا ماتەريال سالاسىنداعى اينالمالى شارۋاشىلىق كاسىپ تىزبەگىن نەگىز ەتەدى، ول شينجياڭنىڭ ابزال بايلىعىن ءوز جەرىندە ەكونوميكالىق ابزالدىلىققا اينالدىرۋ نىساناسىن جۇزەگە اسىردى.سەرىكتەستىك بىلعانىش زات بولماۋ، ەنەرگيا قۇراۋىن ەڭ تومەنگى شەككە ءتۇسىرۋ، تۇتاس اينالمالى شارۋاشىلىقتى جۇزەگە اسىرۋ سىندى دامۋ ۇلگىسى بويىنشا، جاڭاشا ونەركاسىپ تەحنيكاسىنىڭ جاڭالانۋىن ىسكە اسىردى.بۇل سەرىكتەستىك بيىل وسىنداي ناتيجەلەرىنە بولا مەملەكەت دارەجەلى جاسىل زاۆود دەگەن داڭىقتى اتاققا يە بولدى.
باس شۋجي شي جينپيڭ: جاسىل دامۋدىڭ ءتۇيىنى ــــ ەكونوميكالىق قۇرىلىم مەن ەنەرگيا قۇرىلىمىن رەتكە سالىپ، وڭىرلىك كاسىپتىڭ جايعاسۋىن رەتكە سالىپ، بايلىقتى جاپپاي ۇنەمدەپ اينالمالى پايدالانۋدى جەبەۋدە، دەپ اتاپ كورسەتتى.
شينجياڭ جۇڭتاي توبى شەكتى جارنا جاۋاپكەرلىك سەرىكتەستىگى رايونىمىزدىڭ مول مۇناي، تابيعي گاز، كومىر بايلىعى جانە دامىعان توقىما، كيىم كەشەكتەرى كاسىپ ابىزالدىلىعىنان پايدالانىپ، بيىل كورلا قالاسىنان جەر شارىنداعى وزىق PTA نىسانىن سالىپ، رايونىمىزدىڭ مۇناي حيميا ونەركاسىپ تىزبەگىن كەڭەيتىپ، بايلىقتان جوعارى ءونىمدى پايدالانۋدى، جاسىل ءوندىرىستى جۇزەگە اسىرىپ قالماستان، تاعى، توقىما كيىم-كەشەكتەرى كاسىبىندە ءبىر ميلليون ادامنىڭ كاسىپتەنۋىن جەبەۋگە نەگىز قالادى. سەرىكتەستىك پارتكومىنىڭ شۋجيى، باس جوراسى ۋاڭ حۇڭشين بىلاي دەدى: PTA نىسانى ءىس جۇزىندە حيميالىق تالشىق شيكزاتى، شينجياڭنىڭ ماقتاسى ەرەكشە مول، جاساندى ماقتادا وتە كوپ، مۇندا، ءجىپ ءيىرىپ، كەزدەمە توقىپ، كيىم-كەشەك تىگۋگە پايدالاناتىن شيكزاتى حيميالىق تالشىق كەمشىل بولىپ وتىر.سەرىكتەستىگىمىز مەملەكەت دەربەس زەرتتەپ تاپقىرلاعان، دۇنيە جۇزىندەگى وزىق تەحنيكادان پايدالانىپ PTA وندىرەدى. بۇل ەنەرگيا جۇمساۋ، زەردەلى جاساۋ، ساندى مالىمەت، جوعارعى ونىمدەردەن تارتىپ تومەنگى شيكزاتتارعا دەيىن باقشا رايونىندا جالپى اينالىمعا تۇسەدى.بۇل نىسان وندىرىسكە قوسىلعاننان كەيىن، شينجياڭنىڭ توقىما، كيىم-كەشەك كاسىبىن حيميا ونەركاسىپ شيكزاتتارىمەن قامداۋعا مىعىم نەگىز قالايدى ءارى 5 مىڭعا تاياۋ ادامنىڭ كاسىپتەنۋ ماسەلەسىن شەشەدى.
«13-بەسجىلدىق پلان» كەزىندە، رايونىمىز حيميا ونەركاسىپ، ءتۇستى مەتال، ەرەكشە جەڭىل ونەركاسىپ، جابدىقتاۋ، جاساۋ، قۇرىلىس ماتەريالدارى، توقىما، جاڭا ەنەرگيا سياقتى كاسىپتەردى ءتۇيىن ەتىپ، جاسىل جاساۋ تەحنيكاسىن جالپىلاستىرىپ جانە قولدانىپ، جاسىل جاساۋ جۇيەسىن قالىپتاستىردى.قازىر، 36 جاسىل زاۆوتى، 2 جاسىل باقشا رايونىن قۇرىپ، ءبىر توپ جاسىل ونىمدەردى اشتى. جوسپار بويىنشا، 2020-جىلعا دەيىن، اۆتونوميالى رايونداعى جاسىل باقشا رايونى بەسەۋگە، جاسىل ۇلگى زاۆوتى 50 گە جەتۋمەن قوسا، 5 جاسىل ءونىم قامداۋ تىزبەگىن، كاسىپ سالالاندىرىپ جاساۋعا قىزمەت وتەيتىن ءبىر توپ قۇرىلىمدى جەتىلدىرىپ، جاسىل جاساۋدى بازارلاندىرىپ ىلگەرىلەتۋ مەحانيزىمىن قالىپتاستىرادى. اۆتونوميالى رايوندىق ەنەرگيا ۇنەمدەۋدى باقىلاۋ، تەكسەرۋ باس اترەتىنىڭ باستىعى ۋ بيڭ بىلاي دەدى: الداعى قادامدا، اۆتونوميالى رايون شينجياڭنىڭ قازىرگى كاسىپ ابىزالدىلىعىنان جالعاستى پايدالانىپ، تەحنيكادا جاڭالىق جاساۋ جانە جۇيەنى ساپالاندىرۋ ارقىلى جاسىل جوبالاۋ، جاسىل تەحنيكا جانە تەحنولوگيا، جاسىل ءوندىرىس، جاسىل باسقارۋ، جاسىل ونىمدەرمەن قامداۋ تىزبەگى، جاسىل اينالىمنان پايدالانۋ سياقتى كوزقاراستاردى ءونىمنىڭ تۇتاس اينالىمىمەن بىرلەستىرەدى، تۇتاس كاسىپ تىزبەگىنىڭ قورشاعان ورتاداعى ىقپالىن ەڭ تومەنگى شەككە ءتۇسىرىپ، بايلىق قاينارىنان پايدالانۋ ونىمدىلىگىن ەڭ جوعارى شەككە جەتكىزىپ، ەكونوميكالىق، ەكولوگيالىق جانە قوعامدىق تيىمدىلىكتى سايكەستى جاقسارتادى.

بەرىپ كەت ورامالىڭدى

دوستار

الىستاعى اق ەركە