جاڭا حابارلار

مويىن ومىرتقاسى ناۋقاسىنان ساقتايتىن بەس ءتۇرلى جاقسى امال

    كەلۋ قاينارى: شينجياڭ حالىق راديو ىستانسياسى    2018-07-26 23:51:37  

 مويىن ومىرتقاسى ناۋقاسىنان ساقتايتىن بەس ءتۇرلى جاقسى امال  مويىن ومىرتقا ناۋقاسى نەگىزىنەن قىزمەتكەرلەردە   كوپ كەزىگەدى، ۇستەلگە  ۇزاق ەڭكەيىپ وتىرۋ، دەنە شىنىقتىرماۋ، دۇرىس وتىرماۋ، جاتىپ كىتاپ كورۋ، ەڭكەيىپ قولفونمەن اينالىسۋ… بۇل  ارەكەتتەر مويىن ومىرتقاسىن وڭاي   زاقىمدايدى.
  وتىرىستى تۇزەۋ
  ۇستەلگە ۇزاق ۋاقىت ەڭكەيىپ  وتىرىپ قىزمەت ىستەۋ، قارتا ويناۋ، كومپيۋتەرمەن اينالىسۋ، كىتاپ وقۋ  سياقتىلار مويىن ومىرتقاسىنىڭ     قالىپتىلىعىن وزگەرتىپ قالماستان، سوزىلمالى حاراكتەرلى زاقىمدانۋدى كەلتىرىپ شىعارادى. سوندىقتان جوعارىداعىداي جاعدايدا، ءسوزسىز، بەل    ومىرتقانىڭ تۇزۋلىگىن ساقتاۋ كەرەك. ۇزاق ۋاقىت ەڭكەيىپ قىزمەت ىستەپ، ۇيرەنۋمەن شۇعىلدانعاندا ءار ون مينۋتتا مويىن ءبولىمىن ارەكەتتەندىرىپ، اياق-قولدى جازىپ تۇرۋ كەرەك.
  ۇيىقتاعاندا جاتىستى دۇرىستاپ، جاستىقتى عىلمي پايدالانۋ
  ادام ۇيىقتاعان كەزدە، ەگەر جاتىسى دۇرىس بولماسا، مويىن ومىرتقاسى     ءسىڭىرىنىڭ قىزمەتى اۋىرلاسادى سوندىقتان ۇيىقتاعاندا، ءسوزسىز، دۇرىس جاتۋ كەرەك، ياعني قىرىنان جاتۋعا    ادەتتەنۋ كەرەك.
  بۇدان سىرت، جاستىقتىڭ بيىك- الاسالىعى مەن ساپاسى دا ادامنىڭ   مويىن ومىرتقاسىنا وتە اسەر ەتەدى،  قالىپتى جاستىقتىڭ بيىكتىگى 10 سانتيمەتر اينالاسىندا بولۋ كەرەك، جاستىقتىڭ ىشكى ماتەريالى جۇمساق ءارى سەرپىندىلىككە يە بولسا جاقسى.
  مويىن ءبولىمىنىڭ ارەكەتىن     جاقسارتۋ كەرەك
  مويىن ءبولىمى بۇلشىق ەتىنىڭ ارەكەتىن جاقسارتۋ مويىن ومىرتقاسى اۋرۋىنىڭ الدىن الۋداعى ەڭ جاقسى   ءادىس، ءبىراق كوڭىل بولۋگە ءتيىستىسى عىلمي بولماعان مويىن ارەكەتى كەرىسىنشە مويىن ومىرتقاسىنىڭ زاقىمدانۋىن ارتتىرادى، مويىن ومىرتقاسىنىڭ دۇرىس ارەكەتى يىق پەن قولدى ارەكەتتەندىرۋ ارقىلى مويىن ءبولىمىنىڭ بۇلشىق ەتىن ارەكەتكە كەلتىرۋ، مىسالى، اقىرىن جۇگىرۋ، قولدى سىلكۋ، سۋعا مالتاۋ سياقتىلار.
  سۋىق تيگىزبەۋ
  كلينيكالىق زەرتتەۋگە نەگىزدەلگەندە، مويىن بولىمىنە سۋىق تيسە، مويىن بۇلشىق ەتى سىرەسىپ، كىشكەنە بۋىنداردىڭ قىزمەتى اۋىرلاسادى  ەكەن. سوندىقتان ادامدار  مۇمكىندىگىنشە دىمقىل جانە سۋىق ورتادا تۇرۋدان ساقتانىپ، اۋا رايىنىڭ وزگەرىسىنە قاراي كيىنىپ، مويىن بولىمىنە سۋىق تيۋدەن ساقتانعان ءجون.
  كوڭىلدى ءجۇرۋ
  زەرتتەۋلەردە كورسەتىلۋىنشە،     ادامدار ۇزاق ۋاقىت سەزىمدىك جاقتان قىسىمعا ۇشىراپ، كوڭىلسىزدەنگەندە نەرۆى وڭاي السىرەيدى ەكەن. ال نەرۆ السىرەۋ بۋىن جانە بۇلشىق ەتتىڭ   دەمالىسىنا اسەر ەتەدى، سوندىقتان ادەتتە وتىرىستى تۇزەپ، ارەكەتتى جاقسارتقاننان تىس، كوڭىل كۇيدى كوتەرىڭكى ۇستاۋ كەرەك.
 


بەرىپ كەت ورامالىڭدى

دوستار

الىستاعى اق ەركە