جاڭا حابارلار

رايونىمىز ونەركاسىپ ەكونوميكاسى كاسىپ تىزبەگىن ۇزارتىپ، ورتاشا، جوعارى بەلەسكە قاراي دامىدى

    كەلۋ قاينارى: شينجياڭ حالىق راديو ىستانسياسى    2018-07-28 11:52:49  

پارتيا 19-قۇرىلتايى بايانداماسىندا: «ءداستۇرلى كاسىپتى ابزالداندىرىپ، دارەجەسىن جوعارىلاتۋدى قولداپ، حالىقارالىق ولشەمدى كوزدەپ، دەڭگەيدى جوعارىلاتىپ، ەلىمىز كاسىبىنىڭ دۇنيە ءجۇزى قۇن تىزبەگىنىڭ ورتاشا، جوعارى بەلەسىنە قاراي قادام تاستاۋىن جەبەۋ كەرەك»، ــ دەپ اتاپ كورسەتىلدى. كەزەكتە، رايونىمىز ونەركاسىپ ەكونوميكاسى كاسىپ تىزبەگىن ۇزارتۋدى، قۇن تىزبەگىن جوعارىلاتۋدى ارقاۋ ەتىپ، ءتۇيىندى، تىرەكتى كاسىپورىنداردىڭ تەحنيكا وزگەرىسىن جەدەلدەتىپ، جابدىق تەحنولوگياسى دەڭگەيىن جوعارىلاتىپ، ورتاشا، جوعارى بەلەسكە قاراي دامىدى. دۇنيە ءجۇزى بويىنشا تۇڭعىش بيولوگيالىق زاڭدىلىقتان پايدالانىلعان پولياميدتى كوپتەپ ءوندىرۋ نسىانى كەلەر ايدا كايساي شيحۋ بيوماتەريال شەكتى سەرىكتەستىگىندە وندىرىسكە قوسىلادى. جەرگىلىكتى ورىننىڭ ءداستۇرلى ەگىس داقىلى بولعان جۇگەرى وسى جوعارى مولەكۋلالى ماتەريالدى وندىرەتىن شيكىزاتقا اينالدى. كايساي شيحۋ بيوماتەريال شەكتى سەرىكتەستىگىنىڭ ورىنباسار مەڭگەرۋشىسى ۋاڭ حۇڭبو، وسى نىساننىڭ رايونىمىزدىڭ جۇگەرىنى قۇنتتاپ مانەرلەۋ دەڭگەيىن جوعارىلاتىپ قالماستان، تاعى قۇنى 10 ميلليون يۋاننان اساتىن توقىما كيىم-كەشەك كاسىبىنە جەتەكشىلىك ەتكەنىن ايتا كەلىپ بىلاي دەدى: «شينجياڭنىڭ جۇگەرىنى قۇنتتاپ مانەرلەۋ قۋاتى ەرەكشە ءالسىز، بۇرىن جۇگەرى جەم رەتىندە شەتەلگە ساتىلاتىن، ارتقان قۇنى سالىستىرمالى تومەن بولاتىن. ءبىزدىڭ كاسىپ سالالارندىرۋىمىزدىڭ ارقاسىندا، قازىر جۇگەرىنىڭ ارتقان قۇنى بارىنشا جوعارىلادى، بۇل سول ماڭداعى ديحانداردىڭ كىرىسىن ارتتىرىپ، اۋقاتتانۋعا جەتەلەيدى. ءبىز وسى ءونىمدى وندىرگەننەن كەيىن، ونى ءسوز جوق جوعارعى جانە سوڭعى ونىمدەرگە قاراي ۇزارتامىز، مۇنىڭ جوعارى ونىمدەردى شيكىزاتپەن، قوسىمشا ماتەريالمەن قامداۋدا جاعىندا توتەنشە زور جەبەۋ رولى بولاتىندىعى داۋسىز، ودان كەيىن سوڭعى ونىمدەردى پايدالانۋدى سالالارعا كەڭەيتەمىز، وسى كاسىپورىندار ءبىزدىڭ ماڭىمىزدا زاۆود قۇرۋدى ويلاستىرۋى مۇمكىن، سوندا شينجياڭنىڭ توقىما كيىم-كەشەك كاسىبىن جوعارعى جانە سوڭعى ونىمدەر جاعىندا جەبەپ، كاسىپتەنۋگە جەتەكشىلىك ەتۋگە بولادى».
دۇنيە جۇزىندەگى كوپ كىرستالدى كرەمني وندىرەتىن جانە وبتيكالىق ۆولت، جەل ەلەكتر اشۋ كاسىبىمەن شۇعىلداناتىن وزىق ورىن ـــ شينجياڭ شينتى ەنەرگيا شەكتى جارنا سەرىكتەستىگى كەزەكتە جارتىلاي وتكىزگىش دارەجەلى كوپ كىرستالدى كرەمنيدى زەرتتەپ ءوندىرىپ، وسى سالانىڭ شەتەل ونىمدەرىنىڭ مونوپوليالاۋىن وزگەرتۋگە كۇش سالدى. شينجياڭ شينتى ەنەرگيا شەكتى جارنا سەرىكتەستىگىنىڭ تەتە اعا ينجەنەرى فان شيەچىڭ بىلاي دەدى: «جارتىلاي وتكىزگىشكە پايدالانىلاتىن كوپ كىرستالدى كرەمني نەگىزىنەن شيپ جاساۋعا پايدالانىلاتىن شيكىزات ماتەريالى. كەزەكتە، ەلىمىز 12 ديومنان جوعارى كريسرتالدى پلەنتكاعا پايدالانىلاتىن كوپ كىرستالدى كرەمني شيكىزاتىندا بۇكىلدەي يمپورت ەتۋگە سۇيەنىپ وتىر، قازىر كوپ كىرستالدى كرەمني كاسىبى جاعىندا، وبتيكالىق ۆولتقا كوپ كىرستالدى كرەمنيدى پايدالانۋدى ۇزدىكسىز كۇشەيتەمىز، بۇدان سىرت ءبىز تاعى جارتىلاي وتكىزگىشكە كوپ كىرستالدى كرەمنيدى پايدالانۋدى بەلسەنە زەتتەپ، ەلىمىزدىڭ جارتىلاي وتكىزگىش دارەجەلى كوپ كىرستالدى كرەمنيگە دەگەن بازارداعى زور قاجەتتى قاناعاتتاندىرامىز».
كاسىپ تىزبەگىن ۇزارتۋ، قۇن تىزبەگىن جوعارىلاتۋ، قامداۋ قۋاتىن ارتتىرۋ ـــ رايونىمىزدىڭ قامداۋدىڭ قۇرىلىمدىق رەفورماسىنداعى باستى مىندەت جانە جاڭا كونە ەنەرگيانى ۇيىستىرىپ تۇتاستىراتىن ماڭىزدى سالا، اۆتونوميالى رايوننىڭ «كاسىپ تىزبەگىن ۇزارتىپ، قۇن تىزبەگىن جوعارىلاتۋ قىزمەتى جونىندەگى جەتەكشى پىكىرىنە» ساي، رايونىمىز كەزەكتە ءداستۇرلى كاسىپ جابدىعى دەڭگەيىن، توراپتى ينفورماتسيالاندىرۋ دەڭگەيىن، ايگىلى ماركا ساپاسى دەڭگەيىن، جاسىل دامۋ دەڭگەيىن جانە شوعىرلاندىرۋ، ۇيىستىرۋ دەڭگەيىن جوعارىلاتۋعا كۇش سالدى. قازىرگە دەيىن، رايونىمىز بويىنشا اۆتونوميالى رايون تۇراقتاندىرعان كاسىپورىننىڭ تەحنيكا ورتالىعىنان 245 ى بار، مۇنىڭ ىشىندە 17 سى مەملەكەت دارەجەلى ورىن. جىل باسىنان قازىرگە دەيىن، 23 جاڭا تەحنيكانى، جاڭا ءونىمدى ساراپتاپ، ءتۇيىندى تەحنيكاعا جاڭالىق اشۋ نىسانىنان 686 سىن اتقارۋعا ۇيىمداستىردى. اۆتونوميالى رايوندىق ەكونوميكا جانە ينفورماتسيالاندىرۋ كوميتەتى عىلىم-تەحنيكا جانە جابدىق باسقارماسىنىڭ ورىنباسار باستىعى جاڭ حۇي، بۇدان كەيىن اۆتونوميالى رايوننىڭ جاڭا تەحنيكاعا، جاڭا ۇلگىگە سۇيەنىپ، ءداستۇرلى كاسىپ تىزبەگىن ۇزدىكسىز ۇزارتىپ، قۇن تىزبەگىن جوعارىلاتاتىنىن ايتا كەلىپ بىلاي دەدى: «بۇدان كەيىنگى ءبىر مەزەتتە، مەملەكەت دارەجەلى جاڭالىق اشۋدان ۇلگى كورسەتۋ رايونىن قۇرۋ ارقىلى جاڭا ۇلگىدەن، جاڭا كاسىپتەن پايدالانۋ قادامىن جەدەلدەتىپ، زەردەلى جاساۋ، جاسىل جاساۋ، جاساندى زەردە، ونەركاسىپتىك قۇلتەمىر سياقتى كاسىپ قۇرىلىسىن ويداعىداي دامىتىپ، رايونىمىزدىڭ ءداستۇرلى كاسىبىنىڭ ورتاشا، جوعارى بەلەسكە قادام تاستاۋىن ىلگەرىلەتەمىز».


بەرىپ كەت ورامالىڭدى

دوستار

الىستاعى اق ەركە