جاڭا حابارلار

تاڭداۋلى قىزىل ارميا قولباسشىسى ـــ حۋاڭ گۇڭلۇە

    كەلۋ قاينارى: شينجياڭ حالىق راديو ىستانسياسى    2018-07-28 12:31:02  
حۋاڭ گۇڭلۇە، 1898-جىلى، حۋنان ولكەسىنىڭ شياڭشياڭ قالاسىنداعى ديحان وتباسىندا دۇنيەگە كەلگەن. 1916-جىلى، حۋنان ارمياسىنا، 1926-جىلى، سولتۇستككە جورىق سوعىسىنا قاتىناسقان، ۋچاڭ قالاسىن باسىپ الۋ شايقاسى سياقتى سوعىستاردا ەڭبەك سىڭىرگەن. 1926-جىلدىڭ سوڭىندا، حۋاڭپۋ اسكەري مەكتەبىنىڭ جوعارى دارەجەلى كلاسىنا قابىلدانعان، 1927-جىلى، گۋاڭجوۋ كوتەرىلىسىنە قاتىناسقان، سول جىلى جۇڭگو كوممۋنيستىك پارتياسىنا مۇشە بولعان.
1929-جىلى 9-ايدا، حۋاڭ گۇڭلۇە قىزىل 5-ارميانىڭ ورىنباسار كورپۋس باستىعىنا تاعايىندالىپ، قىزىل 5-ارميانىڭ سولتۇستىكتە حۋبەيدىڭ شىعىس وڭتۇستىك رايونىنا جورىق جاساۋىنا، وڭتۇستىكتە حۋنان-جياڭشي توڭكەرىستىك رايونىمەن ۇشتاسىپ، سوعىس جۇرگىزۋ ارەكەتىن بەلگىلەۋىنە جانە وعان قولباسشىلىق ەتۋىنە قاتىناسىپ، حۋنان-حۋبەي-جياڭشي توڭكەرىستىك رايونىن كەڭەيتەدى.
1930-جىلى ءبىرىنشى ايدا، حۋاڭ گۇڭلۇە قىزىل 6-ارمياسىنىڭ كورپۋس باستىعىنا تاعايىندالىپ، اسكەري ءبولىمدى باستاپ، جياڭشيدىڭ باتىس وڭتۇستىك رايونىندا سوۆەتتىك اكىميات قۇرادى. 8-ايدا، حۋناننىڭ ليۋياڭ قالاسى مەن ۋىنجيا قالاسىنا تۇتقىيىل شابۋىل جاساۋ شايقاسىندا،قىزىل 3-ارمياعا قولباسشىلىق ەتىپ، گومينداڭ ارمياسىنىڭ 3 پولكى مەن ءبىر باتاليونىن جويىپ، قىزىل 1-ارميا باتاليونى قۇرىلعاننان كەيىنگى ءبىرىنشى كەلەلى جەڭىسكە قول جەتكىزەدى. ورتالىق توڭكەرىستىك رايونداعى ءبىرىنشى، ەكىنشى جانە ءۇشىنشى رەتكى «قورشاپ جويۋعا» قارسى تۇرۋ شايقاسىندا، حۋاڭ گۇڭلۇە جاۋدى شىرعالاپ باستاپ اكەلۋ ستراتەگيالىق باعىتىن باتىل اتقارىپ، قىزىل3-ارمياعا قولباسشىلىق ەتىپ، ەرلىكپەن كۇرەس جاساپ، سوعىستا سان رەت ەڭبەك سىڭىرەدى. 1931-جىلى 9-ايدىڭ 15-كۇنى، حۋاڭ گۇڭلۇە اسكەري ءبولىمدى باستاپ، فاڭشىليڭداعى وكشەلەي سوققىلاۋ شايقاسىنا قاتىناسادى. ول قولباسشىلىق ءبولىمدى باستاپ، ورىن جوتكەۋى بارىسىندا، جي-ءان اۋدانى دۇڭگۋ اۋىلىنىڭ ليۋدۋ-اۋ دەگەن جەرىندە جاۋ ايروپىلاندارىنىڭ شابۋىلىنا ۇشىراپ، باقىتقا قارسى 33 جاسىنا قۇربان بولادى.

بەرىپ كەت ورامالىڭدى

دوستار

الىستاعى اق ەركە