جاڭا حابارلار

توڭكەرىستىڭ جالىنى وشپەگەن ـــــ لي چاۋشى

    كەلۋ قاينارى: شينجياڭ حالىق راديو ىستانسياسى    2018-07-29 13:29:29  

لي چاۋشى 1906-جىلى، جياڭسۋدىڭ شۇيجوۋىنىڭ پيجوۋ قالاسىنداعى نيانجۋاڭ قالاشىعىنىڭ سۇنجۋاڭ قىستاعىندا دۇنيەگە كەلگەن. باستاۋىشتى بىتىرگەننەن كەيىن، ول ۇزدىك ناتيجەمەن ولكەلىك 10-ورتا مەكتەپكە ءوتىپ، ماركسيزم يدەياسىن قابىلداپ، گو زىحۋا سياقتى ادامدارمەن بىرگە وقۋشىلار قوزعالىسىن جۇرگىزەدى. 1926-جىلى، جۇڭگو كوممۋنيستىك جاستار وداعىنا كىرىپ، كەزىندە كوممۋنيستىك جاستار وداعى شۇيجوۋ رايوندىق وقۋشىلار قوزعالىسىنىڭ شۋجيىنا تاعايىندالادى، وسى جىلى قىستا ۋحان ورتالىق اسكەري ىستەر ساياسي مەكتەبىنە بارىپ وقىپ، مەكتەپتەگى كەزىندە جۇڭگو كوممۋنيستىك پارتياسىنا كىرەدى.
1927-جىلى جازدا، لي چاۋشى شيا دوۋيىن ساتقىن اسكەرلەرىن جازالاۋ شايقاسىنا قاتىناسادى. سول جىلى كۇزدە ول اۋىلىنا بارىپ، توڭكەرىستىك قىزمەتتى جالعاستى ورىستەتۋگە جىبەرىلىپ، بۇقارانى جۇمىلدىرىپ جانە ۇيىمداستىرىپ، جۇڭگو كوممۋنيستىك پارتياسىنىڭ نەگىزگى ساتى ۇيىمىن قۇرادى. دۇڭحايعا پارتيا قۇرۋعا جىبەرىلگەننەن كەيىن، لي چاۋشى جۇڭگو كوممۋنيستىك پارتياسى دۇڭحاي اۋداندىق ەرەكشە ياچەيكاسىن قۇرىپ، ىلگەرىندى-كەيىندى جۇڭگو كوممۋنيستىك پارتياسى دۇڭحاي اۋداندىق ەرەكشە ياچەيكاسىنىڭ شۋجيلىعىنا، دۇڭحاي اۋداندىق پارتكومنىڭ شۋجيىلىعىنا جانە دۇڭحاي جۇڭشين اۋداندىق پارتكومنىڭ شۋجيلىعىنا تاعايىندالادى.
1929-جىلى كۇزدە، لي چاۋشى جۇڭگو كوممۋنيستىك پارتياسى نانتۇڭ حايمىن ەرەكشە كوميتەتىنىڭ شۋجيلىعىنا اۋىستىرىلىپ تاعايىندالىپ، سول كەزدەگى جۇڭگو كوممۋنيستىك پارتياسى نانتۇڭ حايمىن ەرەكشە كوميتەتىنىڭ مۇشەسى حى كۇن سياقتى باسشىلارمەن جەرگىلىكتى پارتيزاندار اترەتىن قايتادان قۇرىپ جانە ديحان قارۋلىلارىن رەتتەپ، پارتيزاندار اترەتىنە قولباسشىلىق ەتىپ، ىلگەرىندى-كەيىندى لۋجياجۋاڭ، سىجيابا، سىياڭبا سياقتى شايقاستاردا جەڭىسكە جەتىپ، وسى رايوندا پارتيزاندار شايقاسىنىڭ ورىستەتىلۋىن پارمەندى ىلگەرلەتەدى. 1930-جىلى كوكتەمدە، لي چاۋشى حى كۇنمەن بىرگە جۇڭگو جۇمىسشى-ديحان قىزىل ارمياسىنىڭ 14-جۇنىن قۇرۋعا قاتىناسىپ، حى كۇن جۇنجاڭدىققا، لي چاۋشى ساياسي كوميسسارلىققا تاعايىندالادى.
حى كۇن جياڭسۋدىڭ رۋگاۋىنىڭ باتىس وڭتۇستىگىندەگى لاۋحۋجۋاڭ شايقاسىندا قۇربان بولعاننان كەيىن، لي چاۋشى جۇنجاڭدىققا، قوسىمشا ساياسي كوميسسارلىققا تاعايىندالىپ، اسكەري ءبولىمدى رەتتەۋگە باسشىلىق ەتىپ، ءتارتىپتى وڭاپ، اسكەري ىستەر جاتتىعۋىن كۇشەيتەدى. ونىڭ جەتەكشىلىگىندە، جۇڭگو جۇمىسشى-ديحان قىزىل ارمياسىنىڭ 14-جۇنى پارتيزاندىق تاكتيكادان پايدالانىپ، گومينداڭ ارمياسىنىڭ «كىرىپ جويۋىن» تالقانداپ، نانتۇڭ حايمىن پارتيزاندىق رايونىن باسشىلىق ەتىپ اشادى.
1931-جىلى 6-ايدا، لي چاۋشى مەن ايەلى لۇي جي-يىڭدى جىنجياڭدا گومينداڭ بيلەۋشىلەرى قولعا الادى، جاۋ ءتۇرلى جان تۇرشىگەرلىك جازا قولدانىپ جانە سەس كورسەتىپ الداسادا، ول مۇراتىنان اينىمايدى. 9-ايدىڭ 19-كۇنى، لي چاۋشى جىنجياڭنىڭ بەيگۋشانىندا ەرلىكپەن قۇربان بولادى، سول كەزدە ول نەبارى 25 جاستا عانا-ەدى.


بەرىپ كەت ورامالىڭدى

دوستار

الىستاعى اق ەركە