جاڭا حابارلار

شي جينپيڭ بريكس ەلدەرى باسشىلارى كەزدەسۋىنىڭ 10 جىلدىعىن اتاپ ءوتۋ جونىندەگى بەيرەسمي ماجىلىسكە قاتىناستى

    كەلۋ قاينارى: شينجياڭ گازەتى    2018-07-29 20:29:56  
 شينحۋا اگەنتتىگىنىڭ 7 - ايدىڭ 27 - كۇنى يوحاننەسبۋرگتەن بەرگەن حابارى (تىلشىلەر لي جيانمين، حاۋ ۋيۋي). بريكس ەلدەرى باسشىلارى كەزدەسۋىنىڭ 10 جىلدىعىن اتاپ ءوتۋ جونىندەگى بەيرەسمي ءماجىلىس 7 - ايدىڭ 27 - كۇنى وڭتۇستىك افريكانىڭ يوحاننەسبۋرگ قالاسىندا وتكىزىلدى. جۇڭگونىڭ مەملەكەت ءتوراعاسى شي جينپيڭ، وڭتۇستىك افريكانىڭ زۇڭتۇڭى راماپوسا، برازيليانىڭ زۇڭتۇڭى تەمەر، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي ماجىلىسكە قاتىناستى.
  ماجىلىسكە قاتىناسقان باسشىلار بريكس ەلدەرى باسشىلارى كەزدەسۋىنىڭ 10 جىلدان بەرى بريكس سەلبەستىگىندە قول جەتكىزگەن سۇبەلى ناتيجەلەرىن جاقسى باعالاپ، بريكس ەلدەرىنىڭ الداعى سەلبەستىگى جونىندە سىندارلى اقىل - كەڭەس بەرىپ، قامتىمى كەڭ، بىرگە گۇلدەنىپ - كوركەيگەن بولاشاقتى تىزە قوسا اشۋعا ءبىر اۋىزدان قوسىلدى.
  شي جينپيڭ سوزىندە مىنالاردى اتاپ كورسەتتى: قىسقا عانا 10 جىلدا، بريكس سەلبەستىگى ەكونوميكالىق ۇعىمنان ماڭىزدى ىقپالعا يە حالىقارالىق سەلبەستىك مەحانيزمىنە اينالىپ، جالىندى ومىرشەڭدىك كۇشىن جانە جارقىن بولاشاعىن اڭعارتتى. الداعى 10 جىل بريكس ەلدەرىنىڭ دامۋى شەشۋشى كەزەڭدە تۇراتىن جانە كەلەلى ورايعا جانە سىن - سايىسقا ءدوپ كەلەتىن 10 جىل. بريكس ەلدەرى بەيبىتشىلىك پەن دامۋ سىندى ءداۋىر تاقىرىبىن تىعىز ارقاۋ ەتىپ، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ ورايىن مىقتاپ يگەرىپ، دۇنيە ءجۇزىنىڭ كوپ ۇيەكتەنۋ، ەكونوميكانىڭ جاھاندانۋ اعىمىنا ۇيلەسىپ، بريكس ەلدەرى سەلبەستىگىنىڭ ەكىنشى «التىن 10 جىلدىعىن» باستاۋعا قۇلشىنۋ كەرەك. ءبىرىنشى، بريكس رۋحىن ۇستانىپ، بريكستىڭ ستراتەگيالىق سەرىكتەستىك قاتىناسىن تەرەڭدەتىپ، تىلدەسۋ مەن سايكەسۋدى كۇشەيتىپ، حالىقارادا بريكس رولىن ساۋلەلەندىرىپ، اشىق الەمدىك ەكونوميكانى ورناتۋدى ىلگەرىلەتىپ، ورتاق مۇددە مەن دامۋ كەڭىستىگىن قورعاۋ كەرەك. ەكىنشى، «ءۇش تەگەرشىكتى اينالدىرۋعا» تاباندى بولىپ، بريكس ناقتى ىستەر سەلبەستىگىنىڭ مازمۇنىن بايىتىپ، ساۋدا، قارجى قوسۋ ۇلكەن بازارى، اقشا، فينانس داڭعىل اينالىمى، نەگىزدىك قۇرىلىعى ۇلكەن بايلانىس، گۋمانيتارلىق ۇلكەن اۋىس - كۇيىس بەتالىسىن ۇزدىكسىز بويلاپ، سەلبەستىكتىڭ اناعۇرلىم كوپ جارقىن تۇيىندەرىن اشىپ، سايكەسۋ مەن جەتەكشىلىكتى كۇشەيتىپ، بريكس ەلدەرىنىڭ جاڭا ونەركاسىپ توڭكەرىسى سەرىكتەستىك قاتىناسىنىڭ ناقتى ناتيجەگە قول جەتكىزۋىنە كەپىلدىك ەتۋ كەرەك. ءۇشىنشى، «بريكس+» سەلبەستىگىن كەڭەيتىپ، كەڭ كولەمدى سەرىكتەستىك قاتىناس ورناتىپ، بازارى جاڭادان گۇلدەنگەن باسقا دا ەلدەر مەن وركەندەپ كەلە جاتقان ەلدەردىڭ تۇگەلدەي بريكس سەلبەستىگىنە ات سالىسۋىنا مۇمكىندىك جاساپ، ورتاق مۇددەنى قورعايتىن، ورتاق دامۋدى جەبەيتىن قۋاتتى كۇش قالىپتاستىرۋ كەرەك.
  شي جينپيڭ مىنالاردى باسا دارىپتەدى: بريكس ەلدەرى سەلبەستىگىنىڭ قارىشتاپ داميتىن، قاسيەتىن ماڭگى ساقتايتىن ءتۇبىرلى قوزعاۋشى كۇشى ءبىزدىڭ اناعۇرلىم زور دامۋدى قاراستىراتىن، حالىقتى باقىتقا كەنەلدىرەتىن ورتاق ۇمتىلىسىمىزدان كەلەدى، ءبىزدىڭ باياندى بەيبىتشىلىك، جالپىلىق حاۋىپسىزدىك، ورتاق گۇلدەنىپ - كوركەيۋ، اشىق، قامتىمدى، كىرشىكسىز، كوركەم دۇنيەگە دەگەن ورتاق تالپىنىسىمىزدان كەلەدى. ءبىز بىرگە قۇلشىنىپ، بريكس ەلدەرى سەلبەستىگىنىڭ بريكس ەلدەرى حالقىنا باقىت جاراتىپ، ءار ەل حالقىنا تيىمدىلىك جەتكىزىپ، ەكىنشى «التىن 10 جىلدىقتا» اناعۇرلىم قۇلپىرا تۇسۋىنە مۇمكىندىك جاساۋىمىز كەرەك.
  ماجىلىسكە قاتىناسقان باسقا دا باسشىلار مىنانى ءبىلدىردى: 2009 - جىلى ەكاتەرينبۋرگ كەزدەسۋىنەن قازىرگى يوحاننەسبۋرگ كەزدەسۋىنە دەيىن، بريكس ەلدەرى سەلبەستىگى ەرەكشە بارىستى باسىپ ءوتتى، بەس ەل حالقىن باقىتقا كەنەلدىردى، سونداي - اق دۇنيە ءجۇزى ەكونوميكاسىنىڭ ارتۋىن جەبەۋدە، الەمدىك جونگە سالۋدا ماڭىزدى ءارى بەلسەندى رول اتقاردى. كەزەكتە بريكس سەلبەستىگى تاريحي ورايعا ءدوپ كەلىپ وتىر. ءبىز تىزە قوسىپ، كوپ جاقتىلىققا تاباندى بولىپ، سىڭار جاقتىلىقتى تەجەپ، بريكستىڭ قۇندىلىقتارىن ايگىلەپ، بريكس ۇستانىمىن جەتىلدىرىپ، ەكونوميكا - ساۋدا، ساياسي، حاۋىپسىزدىك سالالارىندا ءوزارا تيىمدىلىك جەتكىزۋ سەلبەستىگىن تەرەڭدەتىپ، گۋمانيتارلىق اۋىس - كۇيىستى جيىلەتىپ جانە مولايتىپ، بريكستىڭ ستراتەگيالىق سەرىكتەستىك قاتىناسىن ۇزدىكسىز كۇشەيتىپ، بريكس سەلبەستىگىنىڭ ەكىنشى 10 جىلدىعىندا اناعۇرلىم سۇبەلى ناتيجەگە قول جەتكىزۋىمىز كەرەك.
  ۋاڭ ي ماجىلىسكە قاتىناستى.

بەرىپ كەت ورامالىڭدى

دوستار

الىستاعى اق ەركە