جاڭا حابارلار

 زەردەلى اۋىل شارۋاشىلىعى  اۋىل - قىستاقتىڭ كوركەيۋىنە كۇش قوستى   
 

    كەلۋ قاينارى: شينجياڭ حالىق راديو ىستانسياسى    2018-07-29 22:30:29  

ستانسيامىزدىڭ ءتىلشىسى لەي ميڭ، ەرىكتى ءتىلشى شۇي ۋانلي، ديڭ ليڭليڭدەردىڭ حابارى :  
قول تەلەفونداعى جۇمساق بولشەكتى تۇرتسە بولعانى، ەگىس داقىلدارىن دالمە - ءدال سۋارۋعا بولادى، ەكىلىكتى جايمالاسا بولعانى، اۋىل شارۋاشىلىق ونىمدەرىنىڭ كەلۋ قاينارى مەن اينالىم بارىسىن تەكسەرۋگە بولادى... بۇگىنگى كۇنى، بارعان سايىن كوپ عىلىم - تەحنيكا ءتاسىلى اۋىل شارۋاشىلىعى سالاسىنا پايدالانىلىپ، رايونىمىزدىڭ اۋىل شارۋاشىلىعىن وسىزامانداندىرۋدى دامىتۋدىڭ تىڭ قوزعاۋشى كۇشىنە اينالدى. ينفورماتسيالانۋدى، اۆتوماتتانۋدى، دالمە -دالدىكتى جانە زەردەلىلەندىرۋدى ەرەكشەلىك ەتكەن زەردەلى اۋىل شارۋاشىلىعى شينجياڭدا ءوز  رولىن بارىنشا اتقارۋدا. (مىناۋ ەلەكترلى قاقپاقشا، وسىنىڭ ارقاسىندا، ءبىز اتىز باسىنا بارماي - اق ەگىس داقىلدارىن سۋارىپ، تىڭايتقىش بەرە الاتىن بولدىق..)  تۇستەن بۇرىن، ماناس اۋدانى لىتويۇي قالاشىعى اۋىل شارۋاشىلىعىن دامىتۋ قىزمەت وتەۋ ورتالىعىنىڭ مەڭگەرۋشىسى ما جۇڭشياۋ ماڭىنداعى ديحان وتباسىلارىنا دالمە -ءدال سۋارۋدى زەردەلى باقىلاپ-مەڭگەرۋ جانە ينفورماتسيانى باسقارۋ جۇيەسى تۇعىرىن پايدالانۋ ءادىسىن ءتۇسىندىرىپ جاتتى. وسىنىڭ ارقاسىندا، ءداستۇرلى سۋارۋ تاسىلىندە زور وزگەرىس تۋىلدى. لىتويۇي قالاشىعى شاڭجۋاڭزى قىستاعىنداعى ماقتا ەگۋمەن شۇعىلداناتىن يۇي چاڭدى تىلشىگە، بۇرىن اتىزدى بىرنەشە ادام ازەر سۋراتىنىن، قازىر قول تەلەفوننىڭ APP جۇمساق بولشەگى ارقىلى 100 مۋ جەردەگى ماقتا اتىزىن الىس ارالىقتا وپ - وڭاي سۋارىپ الاتىنىن ايتا كەلىپ بىلاي دەدى: « قازىر ەگىن ەگۋدە تۇگەلدەي وسىزامانعى ماشينالاندىرۋعا سۇيەنەمىز، قىلاياعى اتىزدى سۋارعاندا دا، اتىز باسىنا بارىپ جۇرمەيمىز، قول تەلەفون ارقىلى مەڭگەرەمىز».  بۇرىنعى بۇكىلدەي ادام كۇشىنە سۇيەنۋدەن بۇگىنگى كۇنگى جالپى بارىستى اۆتوماتتى باسقارۋعا دەيىن، زەردەلى اۋىل شارۋاشىلىعى ارقىلى ديحاندار كومپيوتەر نەمەسە قول تەلەفوننىڭ ەكرانىمەن ەگىس داقىلىنىڭ ءوسىپ - ءونۋ جاعدايىن، ىلعالدىعى، تەمپراتۋراسى سياقتى كورسەتكىشتەردى كورە الاتىن بولدى، سۋ، كۇن نۇرى جەتىسپەگەندە نەمەسە تەمپەراتۋرا وتە جوعارى بولعاندا، زەردەلى جۇمساق بولشەك ارقىلى ماسەلەنى دەر كەزىندە شەشەدى. قازىر، ماناس اۋدانىنىڭ اۋىل شارۋاشىلىعىنىڭ زەردەلىلەنگەن جوعارى جاڭا تەحنيكاسىن كەڭ كولەمدە پايدالانۋى %95 تەن اسىپ، جوعارى ءونىمدى سۋ ۇنەمدەپ سۋارۋ اۋماعى 920 مىڭ مۋعا، جىلدىق سۋ ۇنەمدەۋ مولشەرى 54 ميلليون تەكشە مەترگە جەتىپ، مەملەكەتتىڭ نەگىزگى ەگىس داقىلىن ءوندىرۋ جالپى بارىسىن ماشينالاندىرۋدا ۇلگى كورسەتۋ اۋدانى بولىپ باعالاندى. جاڭا  تەحنيكانىڭ پايدالانۋى اۋىل شارۋاشىلىعىنىڭ ءوندىرىس ءتاسىلىن ۇزدىكسىز وزگەرتتى. ءۇرىمجى جوعارى جاڭا عىلىم - تەحنيكا اشۋ رايونىنداعى (جاڭا قالا رايونىنداعى) شينجياڭ جوعارى جاڭا وسىمدىك زاۆوتى ءتۇرلى عىلىم - تەحنيكا فاكتورى مەن اۋىل شارۋاشىلىعىن زاۆوتتاندىرۋ سىندى اينالىم ۇلگىسىنەن پايدالانىپ، ەگىس داقىلىن ءوز پەريوتىندا ۇزدىكسىز ءوندىرۋدى جۇزەگە اسىردى، بۇكىلدەي اۆتوماتتى مەڭگەرۋ جۇيەسى ارقىلى  وسىمدىك سەحىنىڭ كوگونىستىڭ ءوسىپ - ونۋىنە ەڭ لايىق تۇراقتى ورتا جاعدايىن ساقتاپ، مىڭ شارشى مەترلىك جىلى شاتىردا ءبىر عانا قىزمەتكەر ىستەدى. 20 جىل كوگونىس ەككەن جاڭ حۇڭجۇڭ ءبىر جىلدىڭ الدىندا، وسى زەردەلى زاۆوتقا قىزمەتكە ۇسىنىسپەن قابىلدانعان، تاربيەلەۋ ارقىلى زات اينالىمى تورابىن مەڭگەرۋ تەحنيكاسىن يگەرگەن ول عىلىم - تەحنيكادان پايدالانىپ، ەگىن ەگىپ باپتاۋعا شەبەر كاسىپتىك ديحانعا اينالدى. جاڭ حۇڭجۇڭ بىلاي دەدى: « مىناۋ سۋدا وسەتىن كوگونىس، تاعى توپىراقسىز جەتىلدىرىلەتىن كوگونىس تە بار، ءونىم مولشەرى ادەتتەگى كوگونىستىڭ ءونىم مولشەرىنەن 10 دا 15 ەسە جوعارى».   ءۇرىمجى جوعارى جاڭا عىلىم - تەحنيكا اشۋ رايونى (جاڭا قالا رايونى) ساۋداگەر شاقىرۋ جاعىندا قىزمەت وتەۋ مەكەمەسىنىڭ باستىعى جاڭ دا -ۋىن بىلاي دەدى: «وسىزاماندانعان ، زاۆوتتانعان ەگىن ەگۋ ۇلگىسىنەن پايدالانىپ، ونى ساۋدا تۇتىنۋ تەرمينالىمەن تۇتاستىرامىز، بۇدان كەيىنگى ديحاندار اۋىل شارۋاشىلىعى جاعىنداعى جاڭا تەحنيكا جۇمىسشىلارى، اۋىل شارۋاشىلىعى تەحنيكتەرى بولادى».   پارتيا 19 - قۇرىلتايى بايانداماسىندا، اۋىل شاۋاشىلىعىن قوعامداندىرۋ جاعىندا قىزمەت وتەۋ جۇيەسىن كەمەلدەندىرىپ، شاعىن ديحان وتباسىلارى  مەن وسىزامانعى اۋىل شارۋاشىلىعىن دامىتۋدى تىعىز تۇتاستىرۋ كەرەك،-دەپ اتاپ كورسەتىلدى. رايونىمىزدىڭ جەر - جەرى ەرەكشە قولدانىلىمالى عىلىم - تەحنيكانى ارقاۋ ەتىپ، اۋىل شارۋاشىلعىنىڭ «وسىزاماندانۋ تەبىنىن» جوعارىلاتتى. قۇمىل قالاسىنىڭ «قاۋىن مەكەنى» دەگەن تاماشا اتى بار، قازىر جەرگىلىكتى ورىنداعى قاۋىنشىلار «جەكەنىڭ تاپسىرىسىن» ەرەكشەلىك ەتكەن ەلەكتروندى ساۋدا ساتۋ ۇلگىسىن اينالىمعا قوستى ءارى كەسكىندە تىكە تاراتۋ ارقىلى «توراپتاعى ايگىلى قاۋىننىڭ » داڭقىن شىعاردى. وسى قۇمىل قاۋىندارىنىڭ بىرەۋىنىڭ باعاسى 98 يۋانعا شىعىپ، ەگۋدەن بۇرىن ەلىمىزدىڭ جەر - جەرىندەگى تۇتىنۋشىلارى تالاسا - تارماسا زاكاز بەردى. قۇمىل گوران ـ لياڭپين ەلەكتروندى ساۋدا شەكتى جاۋاپكەرلىك سەرىكتەستىگىنىڭ باس مەڭگەرۋشىسى جوۋ ليجۋان بىلاي دەدى: « قاۋىننىڭ يەلەرى كەسكىن ارقىلى قاۋىندارىن كورە الادى. ءبىر اپاراتپەن 255 قاۋىندى كورۋگە بولادى، قاۋىننىڭ يەسى كەسكىن ارقىلى قايسى قاۋىندى تاڭداسا، وسى قاۋىندار سول ادامنىڭ تاپسىرىس بەرگەن قاۋىنى بولىپ تۇراقتانادى، ولار قاۋىننىڭ ءوسىپ - ءونۋ جاعدايىن كورىپ تۇرادى».  ۇعىسۋعا قاراعاندا، بيىل، شينجياڭ وسىزامانعى اۋىل شارۋاشىلىعى كاسىبى جۇيەسىن، ءوندىرىس جۇيەسىن، تيجارات جۇيەسىن قۇرۋدى جالعاستى جەدەلدەتىپ،  اۋىل شاۋاشىلىعى عىلىم - تەحنيكاسىنان ۇلگى كورسەتۋ بازاسىنان 160 ىن قۇرۋدى، اۋىل شاۋاشىلىعى عىلىم - تەحنيكاسىنان ۇلگى كورسەتۋ وتباسىنان 50 ءىن تاربيەلەۋدى جوسپارلاپ، اۋىل شاۋاشىلىعى ماشينالارى، اۋىل شارۋاشىلىعى تەحنيكاسى توعىسقان جالپى بارىستى ماشينالاندىرۋ تەحنيكاسىنا جاڭالىق اشۋ شوعىرى مەن جەتىستىگىنەن پايدالانۋ قادامىن جەدەل ىلگەرىلەتەدى ەكەن. 


بەرىپ كەت ورامالىڭدى

دوستار

الىستاعى اق ەركە