جاڭا حابارلار

شي جينپيڭ ماۋريتيۋستىڭ زۇڭليى جاگناتپەن كەزدەستى

    كەلۋ قاينارى: شينجياڭ گازەتى    2018-07-30 20:15:58  

 شينحۋا اگەنتتىگىنىڭ 7 - ايدىڭ 28 - كۇنى پورت - لۋيدان بەرگەن حابارى (تىلشىلەر چىن جى، حو شياۋگۋاڭ). مەملەكەت ءتوراعاسى شي جينپيڭ 7 - ايدىڭ 28 - كۇنى ماۋريتيۋستا ماۋريتيۋستىڭ زۇڭليى جاگناتپەن كەزدەستى. 

  شي جينپيڭ ماۋريتيۋستىڭ تاۋەلسىزدىك العان 50 جىلدان بەرى قول جەتكىزگەن قوماقتى جەتىستىكتەرىنە بەلسەندى باعا بەرىپ، ماۋريتيۋستىڭ ءار كەزەكتى ۇكىمەتىنىڭ جۇڭگوعا دوستىق ساياسات ۇستانىپ كەلگەنىن القادى. شي جينپيڭ مىنالاردى اتاپ كورسەتتى: جۇڭگو مەن ماۋريتيۋس ەكى مەملەكەتتىڭ جانە ەكى ەل حالقىنىڭ دوستىعى تەرەڭ، كوڭىلى جاقىن. جۇڭگو مەن ماۋريتيۋس ديپلوماتيالىق قارىم - قاتىناس ورناتقان 46 جىلدان بەرى، ەكى جاقتىڭ ساياسيداعى ءوزارا سەنىمدىلىگى ۇزدىكسىز تەرەڭدەپ، ءار سالاداعى اۋىس - كۇيىس پەن سەلبەستىك مول جەمىس بەردى. جۇڭگو ماۋريتيۋسپەن بىرگە ءارقاشان جاقسى دوس جانە جاقسى سەرىكتەس بولىپ، جۇڭگو - ماۋريتيۋس دوستىق سەلبەستىك قارىم - قاتىناسىنىڭ ۇزدىكسىز جاڭا ساتىعا كوتەرىلۋىن ىلگەرىلەتۋدى قالايدى.  

 شي جينپيڭ مىنالاردى باسا دارىپتەدى: جۇڭگو دا، ماۋريتيۋس تا وركەندەپ كەلە جاتقان ەلدەر ۇقساس دامۋ بارىسى جانە دامۋ مىندەتى بار. قازىر جۇڭگو - ماۋريتيۋس قارىم - قاتىناسىنىڭ دامۋى جاڭا، ماڭىزدى ورايعا ءدوپ كەلدى. ءبىز جوعارى جىكتەگىلەردىڭ بارى - كەلىسىن ساقتاپ، ۇكىمەت تاراۋلارى ارا، زاڭ شىعارۋ قۇرىلىمدارى ارا، جەرگىلىكتى ورىندار ارا بارىس - كەلىستى كۇشەيتىپ، ءبىر - ءبىرىمىزدىڭ وزەكتى مۇددەمىزگە ساياتىن ماسەلەلەر مەن نازار اۋدارىپ وتىرعان ماڭىزدى ماسەلەلەردە ۇزدىكسىز ءوزارا ءتۇسىنۋىمىز جانە ءوزارا قولداۋ كورسەتۋىمىز كەرەك. سىندارلى سەلبەستىك مۇمكىندىكتەرىن ۇزدىكسىز تۋىنداتىپ، ەكى جاقتىڭ ساۋدا جانە قارجى قوسۋىنىڭ ەركىن، قولايلى بولۋ دەڭگەيىن جوعارىلاتىپ، جۇڭگو - ماۋريتيۋس ەركىن ساۋدا كەلىسىمىن ەرتەرەك اقىلداسىپ جاساپ، ماۋريتيۋستىڭ «ءبىر بەلدەۋ، ءبىر جولدى» بىرگە قۇرۋعا ات سالىسۋداعى وزگەشە وڭىرلىك باسىمدىعىن ساۋلەلەندىرىپ، پىكىرلەسۋدى، ۇشتاستىرۋدى كۇشەيتىپ، كەڭ سالالارداعى سەلبەستىكتى تەرەڭدەتۋ كەرەك. گۋمانيتارلىق اۋىس - كۇيىستى كۇشەيتىپ، ءوزارا تۇسىنىستىكتى جەبەۋ كەرەك. جۇڭگو ماۋريتيۋسپەن بىرگە كليمات وزگەرىسى جونىندەگى وڭتۇستىك - وڭتۇستىك سەلبەستىگىن كۇشەيتۋدى، حالىقارالىق ىستەردەگى سايكەسۋدى جيىلەتۋدى، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى. 

  شي جينپيڭ مىنالاردى اتاپ كورسەتتى: جۇڭگو مەن افريكا قۋانىش - قايعىسى ءبىر تاعدىرلاس ورتاق تۇلعا جانە سەلبەسىپ، تەڭ يگىلىككە كەنەلەتىن مۇددەلەس ورتاق تۇلعا. مەيلى حالىقارالىق جاعداي قالاي وزگەرسە دە، مەيلى جۇڭگو دامىپ قاي جەرگە بارسا دا، جۇڭگو ءارقاشان افريكا سياقتى قالىڭ وركەندەپ كەلە جاتقان ەلدەرمەن بىرگە بولادى، ماڭگى افريكانىڭ شىنايى دوسى جانە سەنىمدى سەرىكتەسى بولادى. جۇڭگو مەن افريكا بيىل 9 - ايدا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىن وتكىزۋدى ۇيعاردى. مەن سول كەزدە زۇڭلي مىرزانى قامتىعان افريكا تاراپ باسشىلارىنىڭ جاڭا داۋىردەگى جۇڭگو - افريكا سەلبەستىگىنىڭ ۇلى جوسپارىن بىرگە اقىلداسۋىن كۇتەمىن.   جاگنات ءتوراعا شي جينپيڭنىڭ ماۋريتيۋستا جولشىباي ايالداعانىن جانە تاريحي دوستىق ساپاردا بولعانىن تاعى ءبىر مارتە قىزۋ قارسى الدى. جاگنات مىنانى ءبىلدىردى: ماۋريتيۋس پەن جۇڭگونىڭ تاريحي جالعاستىقتى جانە گۋمانيتارلىق بايلانىستى نەگىز ەتكەن دوستىعىنىڭ تامىرى تەرەڭدە. ديپلوماتيالىق قارىم - قاتىناس ورناتقاننان بەرى، ەكى جاق ءوزارا ساياسي سەنىمدىلىك، ءوزارا قۇرمەتتەۋ نەگىزىندە ءجيى ءارى ومىرشەڭدىككە تولى تاماشا قارىم - قاتىناستى دامىتتى. ماۋريتيۋس جۇڭگونىڭ ۇزاق ۋاقىتتان بەرى كورسەتىپ كەلە جاتقان زور قولداۋى مەن كومەگىنە العىس ايتادى، جۇڭگو دامۋىنىڭ جاڭا داۋىرگە وتكەنىنە ايرىقشا نازار اۋدارىپ، جۇڭگو قول جەتكىزگەن وراسان زور جەتىستىكتەرگە سۇيىنەدى، ءتوراعا شي جينپيڭ ورتاعا قويعان ادامزاتتىڭ تاعدىرلاس ورتاق تۇلعاسىن قۇرۋ دارىپتەمەسىن بەلسەندى باعالايدى. ماۋريتيۋس ءبىر جۇڭگو ساياساتىن ۇزدىكسىز تاباندىلىقپەن اتقارىپ، «ءبىر بەلدەۋ، ءبىر جول» باستاماسىن قارسى الادى، جۇڭگومەن ءوزارا ءتيىمدى دوستىق سەلبەستىكتى تەرەڭدەتۋدى قالايدى. مەنىڭ ءوزىم جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنا قاتىناسۋدى، اناعۇرلىم تىعىز افريكا - جۇڭگو سەرىكتەستىك قارىم - قاتىناسىن بىرگە قالىپتاستىرۋدى اسىعا كۇتەمىن. 

  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.


بەرىپ كەت ورامالىڭدى

دوستار

الىستاعى اق ەركە