جاڭا حابارلار

قابا اۋدانى جايىلما اۋىلى: وزگەشە ەگىنشىلىك+ساياحات باستالىپ، كىرىسىن ارتتىرىپ اۋقاتتانۋدىڭ سارا جولىن تاپتى

    كەلۋ قاينارى: ءتاڭىرتاۋ تورابى    2018-07-31 20:36:25  

7-ايدىڭ 28-كۇنى، ساياحاتشىلار قابا اۋدانى جايىلما اۋىلى اقتوبە قىستاعىنداعى شۇعىنىق گۇلىنە سۋرەتكە تۇسۋدە.

  7-ايدىڭ 26-كۇنى، ءتىلشى التاي ايماعى قابا اۋدانى جايىلما اۋىلى اقتوبە قىستاعىنىڭ تۇرعىنى ۋاڭ چاۋفەيگە حابارلاسقاندا، ول قىستاقتان سالىنعان شۇعىنىق گۇلى ۇلگى كورسەتۋ تاماشالاۋ باقشاسىندا شاعىن كەسكىن ءتۇسىرىپ، دوستىق شەڭبەرىنە جاريالاپ جاتقان بولاتىن، بۇل كوپتەگەن ساياحاتشىلاردى باۋرادى.
  «مەنىڭ 50 مۋ جەرىمەن شۇعىنىق ەگىلگەن، ساياحاتشىلار تاماشالاۋدان سىرت، شۇعىنىقتىڭ گۇلىن كەپتىرىپ ساتۋعا دا بولادى، شۇعىنىقتىڭ كەپتىرىلگەن گۇلىنىڭ مۋلىق ءونىم مولشەرى 3 توننا، كيلوگرامىنىڭ باعاسى 20 يۋان، ءار مۋ جەردەن تاپقان تازا پايدا 25 مىڭ دا 30 مىڭ يۋانعا جەتەدى»،-دەدى ۋاڭ چاۋفەي.
  ۋاڭ چاۋفەي تۇرعان اقتوبە قىستاعى ەگىنشىلىكپەن شۇعىلداناتىن قىستاق، اۋدان ورتالىعىنان 12 كيلومەتر قاشىقتىقتا، جان باسىندىق ەگىستىك جەر اۋماعى 6 مۋ، ونىڭ ۇستىنە قۇمداۋىت جەر بولعاندىقتان ءبيداي، جۇگەرى قاتارلى ەگىس داقىلدارىنىڭ ەكونوميكالىق ءونىمى جوعارى بولمايدى. قىستاق تۇرعىندارى سىرتقا شىعىپ جۇمىس ىستەۋدەن باسقا، كىرىسىن ۇزاق ۋاقىت تۇراقتى جۇزەگە اسىرۋ وتە قيىن.
  بۇل ماسەلەنى قالاي شەشۋگە بولادى؟ بۇرىندارى، اقتوبە قىستاعىنىڭ تۇرعىندارى الابۇرشاق، سويا بۇرشاق، كارتوپ قاتارلى ەگىس داقىلدارىن ەگىپ سىناپ كورگەن، باعىمشىلىقتى دا دامىتقان، ءبىراق ءونىمى ايتارلىقتاي بولماعان. سوڭعى جىلدارى، التاي ايماعى ساياحاتتى بار كۇشپەن دامىتىپ، قاناس، قاراتوقتىنىڭ كولى سىندى 5A دارەجەلى كورىنىس رايونى مەن اققايىڭ ورمانى جانە ءتۇستى قايراڭ سىندى 4A دارەجەلى كورىنىس رايونىنىڭ ورتاسىنا ورنالاسقان اقتوبە قىستاعىنا ءۇمىت سيلادى.
  ءبىر مەزگىل باقىلاۋ ارقىلى قىستاقتا تۇرعان قىزمەت اترەتى جەرگىلىكتى ورىننىڭ كليماتى، سۋ، توپىراعى قاتارلى ەرەكشەلىكتەرىنە نەگىزدەلىپ، قىزىل شۇعىنىق ەگۋ وي جەلىسىن تۇراقتاندىردى، ويتكەنى، شۇعىنىقتى باعىپ-باپتاۋ قاراپايىم، قاتارعا قوسىلۋ مولشەرى، دارىلىك قۇنى جوعارى، گۇل اشۋ مەزگىلى ۇزاق، قۋاڭشىلىققا ءتوزىمدى كەلەدى.
  باستاپتا، ءداستۇرلى كوزقاراستىڭ شەكتەۋىنە ۇشىراپ ءارى جۇڭگوشا ءدارى شوپتىڭ ساتىلۋ جولىنان الاڭداپ، كوپتەگەن قىستاق تۇرعىندارى تاماشالاۋ قاسيەتىنە يە جۇڭگوشا ءدارى شوپ شۇعىنىقتى ەگۋگە قوسىلماعان ەدى.
  ۇلگى كورسەتۋ ءۇشىن 2016-جىلى ۋاڭ چاۋفەي شۇعىنىقتى سىناق رەتىندە ەگەدى ءارى تابىسقا جەتتى.
  بۇگىنگى كۇنى، ءار جىلى 5-ايدىڭ ورتا شەنىندە، شۇعىنىق شەشەك اتىپ، جەرگىلىكتى ورىندا وزگەشە كورىنىس قالىپتاستىرىپ، شينجياڭنىڭ ءىشى-سىرتىنان كەلگەن كوپتەگەن ساياحاتشىلاردى باۋرايدى. وسىدان كەيىن، وزگەشە جۇڭگوشا ءدارى ءشوپ ەگۋ+گۇلدى تاماشالاۋ ساياحات كاسىبى اقتوبە قىستاعىنداعى بۇقارانىڭ اۋقاتتانۋىنىڭ سارا جولىنا اينالدى.
  ۇعىسۋعا قاراعاندا، كوزالدا، اتالعان قىستاقتىڭ 80 مۋ جەرىنە شۇعىنىق ەگىلگەن بولىپ، قىستاق تۇرعىندارىنىڭ جىلدىق ورتاشا كىرىسى 3000 يۋان ارتقان، جلىنا كەلەتىن ساياحاتشى 20 مىڭ ادام رەت، ساياحات ارقىلى كىرگىزگەن كىرىسى 600 مىڭ يۋان بولعان.


بەرىپ كەت ورامالىڭدى

دوستار

الىستاعى اق ەركە